كيكة تشوكلت وتوت

كيكه سهله وجدا لذيذه
اول شي نخبز اي كيكه حابينها
ثاني شي نسوي كريمة خفق
ثالث شي لوح شوكولاته نكتب عليه اللي نبي
رابع شي قاناش الشوكولاته
-





انا عشان ابي كيكتي تكون متساويه من فوق مابيها تكون منفوخه استخدمت ذا الحزام من ولتون (يمنع النفخه اللي تجي بالنص)
نحطه بمويه بارده وبالفريزر نص ساعه بعد كذا نربطه حوالين القالب وندهن القالب بزيت وطحين ونحط ورق زبده



انا استخدمت بيتي كروكر شوكولاته بالحليب سويتها زي مو مكتوب بالكرتون بس اضفت نص كوب طحين (مقاس القوالب 8 انش)
شايفين كيف من فوق ماصارت منفوخه مررره
نتركها تدفى



بعد مادفت الكيكه طلعتها من القالب وغلفتها ببلاستيك وتركتها ع الكاونتر كم ساعه وبعدها دخلتها الثلاجه لليوم الثاني



بعد كذا سويت كريمة الخفق (الكميه زي ماتبي انا استخدمت كوب وثلثين)
خفقتها واول مابدأت تكثف اضفت لها سكر بودره الكميه على حسب كيف تحبون حلاوتها (انا حطيت 3 ملاعق ملياانه)
وكملت خفق الين صار قوامها زي كذا
استخدمو كريمة خفق فيكتوريا او برزيدنت ممتازين شوفو كيف قوامها
انا هنا مستخدمه بريزدنت



بعد كذا نذوب الشوكولاته عشان نسوي اللوح اللي نكتب عليه
(لمن نذوبها بذي الطريقه وتتماسك بعدين نستخدمها ماراح تذوب وتطفشك , بس لمن نذوبها عادي كل الكميه مره وحده ماراح تتماسك الا لو دخلتيها الثلاجه ولمن تطلعينها من الثلاجه تجلس شوي ثم تذوب)
1- نجيب نصف كمية الشوكولاته وذوبها بالمايكروويف
2- نضيف النصف الثاني ونذوبه بحرارة الشوكولاته
3- عشان شوكولاتتي كانت بالثلاجه ماذابت كويس
4- دخلتها بالمايكروويف 10 ثواني بس وحركتها الين ذابت تماااما



نجيب ورق زبده ونحط الشوكولاته ونوزعها بذا الشكل ونتركها ع الكاونتر ساعه كذا



بعد ماتتماسك شوي نبدأ بالسكين نقص مستطيل او الشكل اللي نبي
ونتركها ع الكاونتر الى بكره



نسخن ربع كوب كريمة خفق
بعدين نضيف له شوكولاته كادبوري 100 جرام (نكون مكسرينها) ونتركها خمس دقايق كذا بعدين نحركها
بالبدايه بتحسون انها ماراح تتجانس بس كملو خفق وبتزبط



نطلع الكيكه ونقص كل وحده نصفين
استخدمو سكينه عادي او زي ذي الاداه (جايبتها من محل فنون الكيك - جده)



نجهز اشياء الزينه استخدمو اللي تحبو
1- انا استخدمت رازبيري / توت احمر - بلوبيري / كرز ازرق - كرز - قاناش الشوكولاته - الكريمة
2- نحط الطبقه الاولى (نختار اللي فيها نفخه شوي واقلبوها) ونحط عليها شوي حليب سايل
3- نحط كريمه
4- نحط باقي الطبقات ونكرر نفس الخطوات



نحط الطبقه الثانيه المنفوخه ونحط عليها القاناش
ونبدأ نزينها ونقدمها

////////////



هذا السكر البودره اللي استخدمه وفيه انواع كثير غيره وتلقونها بأي سوبرماركت
الكريمة موجوده ببنده والدانوب
هذي الشوكولاته كادبوري اللي استخدمتها مره لذيذه
//////////////////

رائعه ضياء ربي يسعدك

يعطيـك ـآلـعـآفيـهَ على طرحكُ المميزُ...
دوٌمآ بآنتظاار المزيدُ من جديدكُ القآآدمُ..

جميل ولذيذ يا ضياء القمر
تسلم يديك والله يعافيك
ومساك خير وسعادة

		المشاركة الأصلية بواسطة : السلطان اقتباس
	جميل ولذيذ يا ضياء القمر تسلم يديك والله يعافيك ومساك خير وسعادة