علمتني

( علمتني )

علمتني وشلون أعزك واحقرك=وعلمتني معنى تِقلّاب المزاج
وعلمتني للغوص في عمق بْحَرك=وانته مع أمواجه وصايبك ارتجاج
تجرح وتزعل كن محدٍ عبْرك=وخطاك ما تقبل عليه الاحتجاج
وعلمتني انك تبي ما يشهرك=واهم شي يقال يا طلق الحجاج
تحلم بشي وكن حلمك يجبرك =بأمور ما لك في متابعها خراج
اركد وحلمك فسّره في منبرك =لا تفسره برّا يطير مع العجاج
على غـرورك منْ هو اللي يشـكرك؟=اجل عقول الناس سلعة من حراج
بتمـوت ما احـدٍ في غرورك قـدّرك =ما دام تفكيرك ومشيك فـاعْوِجاج
لا تحط سيفك بالحماقة فـنحرك=الفـايتة والمـوت ما فيـها عـلاج
الحلم حلم الصبر لو زاد سهرك =قالوا ما بعد الصبر غير الانفراج
لا تقول جور الهم في صدري برك=وضـيّق على تفكيري السبل الفجاج
اركز على الخالق بسرك وجهرك =اللي يحليها ليا صارت هماج
وترى القناعة كنز لا يـزود كـدرك =خلك بوسط الناس عايش باندماج
واطلب من الخالق بستره يسترك=واضرب على النفس وهواها بالسياج
النفـس و الآمال للغافل شـرك =لا درجهن الشيطان شر الأدْراج
و تقبل الكلمة من اللي يصغرك =المعرفة لمن عطاها الله تاج
وأخذ النصيحة من صديقٍ يكبرك =ومن راعي الخبرة بقدر الاحتياج
وان كـان ربـك للميسّـر يسّرك =بدّل همومك والعنا بالابتهاج

سـند فـرج الضبيطي

يا هلا والله وألف مرحبا
بشاعرنا الكبير والعزيز أبو عماد
والله يحييك في منتداك وبهذه القصيدة الرائعة
والمعاني والتجارب والحكم الهادفة

ابدعت يا بعدي وهذه عوائدك
والله يبيض وجهك وصح لسانك ملايين

حياك الله يا أبو عماد
وبيض الله وجهك على هذه القصيدة
وعلى هذه الحكم الفريدة
وصح لسانك ملايين

حُييت وَ أهلاً بِ القافية المُزدحِمة بِ المعاني المُتفردة
وَ النُصح الزاخِر . . صّح الله منطوُقك ألفاً وَ مَرحباً
بأوُل هطوُل بعد غياب نتمنى أنْ أن يكوُن هطوُلٍ مُستمِر

# توازي الغيمْ + وَ توُشم بِ التميّز

يستاهل أبو عماد الطيب كله
وأنا أذكره من زمان
كان من شعراء المنتدى الكبار
ولكنه للأسف غاب فجأة واختفى
واليوم حضر بعد طول انقطاع
والله يبيض وجهه وعساه الحضور
اللي ما بعده غياب

السلام عليكم ورحمة وبركاته
واسعد الله جميع أوقاتكم بكل خير
وصحت ابدانكم جميعا
والمعذره عن الانقطاع الغير مقصود