قدها يابو متعب ترى دمنا فار !!

السلام عليكم ورحمة الله وبركاته

أقدم لكم هذا النص اللذي يحاكي واقعنا في هذا العام المؤلم

وما نعايشه من تقلبات في الساحة العربية والأسلامية

اقرأوه وتغاضوا عن بساطته

فما أنا إلا عبد يخطي ويصيب

البارحة نومي هواجيس وافكار=ودموع غبن وعلت(ن) مستديمه
حارت بي اوضاعي وحتى الفكر حار=والعين هلت من عنا الوقت ديمه
ا/نشوف في لبنان ما يجلب العار=ونشوف في تونس جروح(ن) سقيمه
وارض العراق ا/تصيح وتدور الثار=كنها بعد صدام عذراً يتيمه
وحسني مصر شالوه وامن الحكم طار=وفي ليبيا معمر عظامه هشيمه
واهل اليمن خانوا علي لانهم اشرار=وارض المنامه ما اعتقدها سليمه
وآخر حدث ما يفعل الكلب بشار=ما بين قتل وجور ظلم وظليمه
ما هوب أسد لا والله إلا اسمه حمار=هذا ما هوب إنسان هذا بهيمه
احرق جميع الشعب بسلاح وبنار=يقّتل اطفاله ويقتل حريمه
وزرع ما بين الشعب خاين وغدار=تقتل وتسعى بالغدر والنميمه
والشعب يستنجد يبا فزعة الجار=يالجار قدها والعواقب سليمه
قدها يابو متعب ترى دمنا فار=قدها ترى رجالك رجال(ن) عظيمه
نبا نصبحهم مع وقت الاسحار=ونبشرك بالنصر ما به هزيمه
حنا حماة الدين في سر وجهار=واللي يعادينا يدينا تضيمه
الدين حنا له وحنا به ابرار=والله خلقنا له وحنا نقيمه
ياللي تودي العلم وده لبشار=المجرم اللي ما اعترف بالجريمه
قله يدور الوقت ونحرر الدار=ونعلّمه بان ماله اياة قيمه
قال السعودي قول شجعان واحرار=بعد ما شاف الجور ظلم وظليمه
قدها يابو متعب ترى دمنا فار=ونبشرك بالنصر مابه هزيمه

وسلامتكم

يا هلا والله بأخوي وشاعرنا الغالي
محمد المريري
والله يحييك بعد طول الغياب
نؤيدك على ما تفضلت به
لكن والله ما ظنيت يا بعدي
الأمور كل ما لها في انحدار
والله يزينها من عنده
وصح لسانك ملايين

حياكـ الله اخوي بعد هالغيبه ~
صح لسانكـ واعتلى شانكـ
شسمه الله يعين ~

صح السانك يامحمد مليون والله يزينها من عنده
اعذب التحايا

بارك الله فيك أخي

قصيدة قوية ، ومعبرة

وتصور الكثير من مشاعر الأمة الإسلامية

أسأل الله أن يجمع كلمة المسلمين على الحق

يا مرحبا يا المريري وحياك الله

وفعلاً دمنا فار ,,.

ومتى يفور دم الزعماء ,.

صح إلسانك

ماهوب اسد لاوالله الا اسمه حمار
هذا ماهو بانسان هذا بهيمه
والله يعز الحمار والبهيمه عنه والله ينصر اخواننا في سوريا ويقويهم عليه ويكتب للميتهم الشهاده وللحيهم النصر وهاذي وانا اخوك نهاية الظلم والطغيان اللى ماله نهايه الاكذا ,,وهلا وغلا بالغايب الحاضر حياك الله يانبع الابدع كله بهالقصيده اللى مايكتبها ويحكم معانيها غير شرواك من الشعار الكبار اقل مايقال عنها ابداع×ابداع×ابداع والله يجزاك بالخير ويبيض وجهك على كل حرف فيها ياغالى
تقبل تحياتي,,,

ونعم يامحمد وصح لسانك مليون

قول وفعل
اجملت الوصف واحسنت التعبير
وليست قصيده متواضعه مثل ماقلت بل هو من تواضعك

وقصيدتك شماء وراقيه واسلوبك رائع ومثالي

الله يعطيك العافيه ويكثر من امثالك

اخوي/محمد المريري
صح لسانك واعتلى شانك يالنشمي
قصيده قويه وتفاعل مع الاحداث مشرف
والله يزينها يامحمد لاهنت
تقبل مروري وخالص تحياتي

		المشاركة الأصلية بواسطة : السلطان اقتباس
	يا هلا والله بأخوي وشاعرنا الغالي محمد المريري والله يحييك بعد طول الغياب نؤيدك على ما تفضلت به لكن والله ما ظنيت يا بعدي الأمور كل ما لها في انحدار والله يزينها من عنده وصح لسانك ملايين

هلا بك السلطان


وصح بدنك ومشكور عالكلام الطيب


لا خلا ولا عدم