وعـد الحر لماشع الحارثي

بسم الله الرحمن الرحيم

السلام عليكم ورحمه الله وبركآته

قصيدهـ بعنوآن : وعد الحر

أعآهدك مآخون حبك ولآ يوم=حتى تشوف القبر تحت النصايب
عهدن قطعته لآزم افيه ملزوم =والحر يوفي في الرخآء والكرآيب
وأنآ رجل وأخآف يلحقني اللوم=وأحسب لقولي قبل اقوله حسايب
شفتك واعرفك جيت في عدة حلوم =وانك على الموعد معي كنت هايب
وإني احبك وانت غالي ومحشوم =والصدق ماعرفك وصرت القرايب
وإني على دروب الهواء ناوي اصوم =لحظة لقيتك همت يا اغلى الحبايب
اعشقك واحبك وانا منك محروم =واشتاق لك وافقدك لاصرت غايب
تعال هات اللي بصدرك من هموم =واشيلها وتصير برد وسحايب
تمطر ويبنت داخلي زرع معدوم =وتزها فياض الصدر ورد النوايب
مادام حبك لي مقدر ومحتوم =قرب وشوف الدمع في العين ذايب
دمع الحزن دمع الفرح قله النوم =دمعي من اهدابي لخدي سكايب
بالذات كانك صرت ضايق ومهموم =من كلمت[ن] تجرحك من شخص عايب
ترجع قلبي رج ويصير مكتوم =واعرف وش الحاصل وكل السبايب
احساسي الصادق لفى ضيف معزوم =مايخلف الهقوه على طول صايب
يجيب علم الناس خبلان وقروم =ويشرح لي اعلومه ليا صار جايب
يمكن عشان قلوبنا في الهواء توم =ياللي رموشك مثل صف الكتايب
استفر الله ليت مانيب مأثوم =قدام تكتب في سجل وحقايب
لاتستمع كلمة مساكين ورخوم =وكلمة عذول[ن] جاب له علم سايب
ودي عذولي يثبت القول بختوم =والله مايقدر يثبته راح خايب
دامك ملكتيني وانا مالكك دوم =كيفي احبك طفل واعشقك شايب
مادمت في غبة بحر حبك اعوم =راضي معك في الحب مانيب تايب
هاذا عهد وابي عهد منك وسلوم =سلم الوفاء لاتتركه للهبايب
نبقى سواء والحب جالس ومخدوم =يصعب على الحاسد طريقه صعايب
والله ما اسلى عنك لاكن ملزوم =خايف سؤالي عنك يجلب مصايب
لاكن قسم بالله ما انساك لو يوم =حتى تشوف القبر فوقه نصايب

ماشع فايح الشدادي الحارثي

مبدع اخوووي

ْْْْْْْصح لسانك لا هنت ْْْْْْْْْْْ

احساسي الصادق لفى ضيف معزوم
مايخلف الهقوه على طول صايب
الله واكبر ياماشع على الكلام العذب والمعاني الراقيه صح لسانك مليارات على كل حرف في هالقصيده العذبه والجزله ياجزل
تقبل تحياتي,,,,

ماشع صح لسانك ولآهنت

شآعر كبير وشهادتي فيك مجروحه

شاعرنا الحاضر في قلوبنا
الغائب عن عيوننا
ماشع الشدادي

أهلاً بك في هذه الرائعة المتميزة
المنظومة بكل ابداع وتألق
وتسلم يديك
وصح لسانك ملايين

صحة أبدانكم جميعاً

والله لايهينكم

تحياتي

اعشقك واحبـك وانـا منـك محـروم=واشتاق لك وافقدك لاصـرت غايـب
تعال هات اللي بصـدرك مـن همـوم=اشيلهـا وتصيـر بـرد وسحـايـب

ماااااشع
صح لساااااانك
جزله ونتطلع لما للاجمل
تقبل مروري وتقديري

صح لساااااااااااااااانك
وبيض الله وجهك شاعر كبير ومتمكن