الليل ماهوب ليلك يالرحال

أقلطوا حياكم الله

قمة * قمة

صحت ألسنتكم

واصلوا.. وأنا أبدني على القهوة وأبقي لكم
و ثم إنتعشا سوا

عز الله قهوة كاااااائفه
واصلوا الليل الليل

خابرك يالغربي علومك تهاويل
لكن كلن نجدته من ذراعه
.
.
.
خابرك يالغربي علومك تهاويل
لكن كلن نجدته من ذراعه

		المشاركة الأصلية بواسطة : الرحال اقتباس
	اللي بكاء لوضحك بتجيه نوبة بكا=ماهو سوات الذي من خصم ماقد شكا وعزيز حطك تحت كوع وعليك أتكا=والروس ماعزها الله غير بمتونها اليا تواجهنا مواجه على الخيل=عيد المسمى بأستحبه أبكراعه خابرك يالغربي علومك تهاويل=لكن كلن نجدته من ذراعه

عزيز يبغى ينافسنا وبدري عليه=والله ماتنفعه ياناس نجدة يديه
خلوه يركد قبل ياهل الوفا لااشتويه=والروس ماعزها الله غير بمتونها

اليا تقابلنا سواء بالمصاقيل=بشرشح الرحال واغسل شراعه
ترى المهايط مايفيد الرياجيل=لكن نصيحه قول سمعٍ وطاعه

هههههههههههههههههههههاي

عسوووووووله الرحال بياكل القعود كله

سلمت يدينك باعسوووله اثرك ظفره

..

النااااااايفه تسلم يدينك بس ترى الرحال بدوي بكرتونه

مايعرف الحلا والحلاكات ذي

....

فواااااااااز بيض الله وجهك بس لاتخلص القهوه

الليل طويل

ترى المهايط مايفيد الرياجيـل

لكن نصيحه قول سمعٍ وطاعه

الله الله

		المشاركة الأصلية بواسطة : الغربي اقتباس
	عزيز يبغى ينافسنا وبدري عليه=والله ماتنفعه ياناس نجدة يديه خلوه يركد قبل ياهل الوفا لااشتويه=والروس ماعزها الله غير بمتونها اليا تقابلنا سواء بالمصاقيل=بشرشح الرحال واغسل شراعه ترى المهايط مايفيد الرياجيل=لكن نصيحه قول سمعٍ وطاعه

الصقر من يجهله ياعيد قيل أشتواه=لكن أنا بألزم الغربي وألعن ثواه
بعلقه لين يتنكس وتقلب شواه=والروس ماعزها الله غير بمتونها

ياعيد طعني وأترك الحط والشيل=بيرقك من يمناك سهل أنتزاعه
ماعاد أبه بيني وبينه مراسيل=مدام لامنه لقاء علم ذاعه

شدوا حيلكم ماعاد باقي على لزم الحلوق شيئ

بس الرحال بعيد

وكلني على الغربي تراه جنبي أنا أسدك فيه


والله محاوره جميله سيروا إلى الأمام

ياعيد طعني وأترك الحط والشيل

بيرقك من يمناك سهل أنتزاعـه

ياعيد طعني وأترك الحط والشيل

بيرقك من يمناك سهل أنتزاعـه

ياعيد طعني وأترك الحط والشيل

بيرقك من يمناك سهل أنتزاعـه

الليل .. الليل .. الليل

		المشاركة الأصلية بواسطة : عســــــــــولة اقتباس
	أقلطوا حياكم الله

ههههههههههه الله يبقيك ياعسوله القعود ضيفتي لا أحد يجيه
والخروف بالعافيه عليك يالغربي
ولا أقول القرص يسدك
هههههههه

		المشاركة الأصلية بواسطة : الرحال اقتباس
	الصقر من يجهله ياعيد قيل أشتواه=لكن أنا بألزم الغربي وألعن ثواه بعلقه لين يتنكس وتقلب شواه=والروس ماعزها الله غير بمتونها ياعيد طعني وأترك الحط والشيل=بيرقك من يمناك سهل أنتزاعه ماعاد أبه بيني وبينه مراسيل=مدام لامنه لقاء علم ذاعه

ياكثر هرجك لكن الفعل مامنه شي=لكن بحشيك لين تقول بطل حشي
وتروح تزحف بعد ماجيت تمشي مشي=والروس ماعزها الله غير بمتونها

كنت احسبنك ماتبا تقبل الميل=لين ان حالك ذاق مر الجزاعه
العلم واحد مايجي فيه تبديل=لكن قلبك جاه ضيقه وراعه