( رنة الخلخال )

(رنة الخلخال) جيت لمنتدى خير القبايل =وافتخر اني مابين الحرث رجال الحموله
جيتهم يابنت مدعو من وفيين الخصايل=والشرف لي يوم يدعيني فتى وافي رجوله
لاني بشيعي ولافي كربلاء عندي عمايل=حر نسل احرار وانا ان قلت ليه علم اطوله
الشدادين اشهد الله انهم خير الحمايل= لي فيهم ناس عشنا العمر من وقت الطفوله
وان تعديتي حدودك اعتبرتك ظل زايل= ضيف ما اتعدى حدودي والكلام الصدق اقوله
اعذروني يارجال المنتدى ماني بعايل=بس جاني رد في الترحيب ماهو في وصوله
والسلام اختام والعفو ان تكلفت المثايل= (رنة الخلخال ) لاتمزح على ضيف الحموله

هذا وتقبلوا تحيات ضيفكم اخوكم / راع الوفا
مضحي نامي السلمي /جده

صح لسانك أخوي مضحي

والحمد لله الأمور إن شاء الله ما توصل لهذه الدرجة

والأخت رنة إعتذرت منك في وقتها وأنت ضيف وعزيز وغالي

ورنة الخلخال أخت لك ولنا جميعاً وما فيه بين الأخوان شرهات وزعل

مرحبا فيك أول وتالي أخوي مضحي 0

مرحبا بك ياصيحبي عد همال المخايل=وعد مزنٍ تنبت الريعان من قوه سيوله
مرحبابك يابو ماجد بيننا والشك زايل=مرحبا مليون يارجلٍ جميلاتٍ فعوله
والعذر في اللي حصل ياصاحبي راع الجمايل=مارضينا به ولا عاداتنا دايم نقوله
مير زله والسموحه منك ياراع الجزايل=يغلط الانسان في دنياه والدنيا عجوله
انت نسل الابه اللي طيبهم بين القبايل=كم عدوٍ فالليال السود قاموا وارتكوله
ياسليم الطيب فيكم تحتمونه بالفعايل=فعلكم معروف لامن الزمن دقت طبوله
ومرحبابك عد ماهلت من المنشى مخايل=وعد مزنٍ تنبت الريعان من قوه سيوله

الغربي

هلا بك يا شاعر سليم وهلا باللي جابك

وأنت في منتداك وحنا ضيوفك

والأخت رنة الخلخال كانت تمزح والمزح ما يزعل أحد أبداً

وتعذرت منك في وقتها وما كانت تقصد أي شيء من كلامها

أتمنى إنك ما تأخذ الأمر بكل هذه الحساسية ووسع صدرك

والله يحييك اليوم ودوم

انت يا راع الوفاء شكلك حجازي ماتداني احد يقولك ازحف وراك

ههههههههههههههههههه

الاخت علقت على عنوان موضوعك وماقالت شي واعتذرت في نفس

الوقت ونحن هنا في منتديات الشدادين تربطنا المحبه والاخوه الصادقه

ومتعودين نمزح مع الجميع سوا ضيف جديد او عضو قديم

مااقول الا وسع خاطرك يابعد حالي

والموقف مايحمل قصيدة !!

كل الود

الي مايعرفك يجهلك

الدعوه مزوح تجي وتروح وسع صدرك يا الغالي

ورنة الخلخال اعتذرت لك في نفس الترحيب وما كانت تقصد اي شي

حيأأك الله معنا

الى اللقاء

اخوي الفاضل راعي الوفاء
صح لسانك قصيدة جزلة من شاعر جزل
ولونها قصيدة عتاب لكن العتاب كما يقولون صابون القلوب
وانت اخ عزيز ولانعتبرك ضيف بل نعتبرك راعي المحل ونحن الضيفان
بارك الله فيك خاصة وفي قبيلة سليم عامة ودمت بحفظ الله ورعايته
وتقبل تحياتي

اخواني الغالين الله يسعدكم واعتبروا مابخاطري الا الزين ورنة الخلخال اخت عزيزه وغاليه

صح السانك مليون ونعم والف نعم با الشدادين وبسليم وبا القبائل كلهم

يا هلابك ياراع الوفا ورنة الخلخال حبت ترحبك بطريقة المداعبه

لكي تحسسك من اول وهله انك اخ وبين ربعك وتكسر حواجز الرسميات

بينك وبين الاخوه والاخوات أعضاء هذا الكيان الشامخ با اعضائه

اخي انا لا ادافع عن رنة الخلخال ولكن كلمة حق تقال فيها بدون

قصور في الاخوه والاخوات عرف عنها حسن التربيه وعلو الاخلاق

وسماحة التواضع كنت اتمنى انك لا تاخذها بهذا الحزازيه لم عرف

عن الشعراء بسعة صدورهم وانت منهم ان شاء الله

دمت متألق