هذي العوادي

السلام عليكم ورحمة الله وبركاته
عاد عيدكم وعساكم من عواده وكل عام وانتم بخير
اليكم هذه االواصفة وابيكم تصفقون للموصوفه واعذروني ..

عبسية التربية والنشئ حليتهـا=( تمشي الهويناء) لم تهجر مرابيهـا
من نسل جوخان تعرف وصر بنيتهـا=عاشت بوادي حمـاه الله بهاليهـا
تمسي بمـان الله الوالـي وهيبتهـا=من هيبـة افحولها دايـم تحاديهـا
ترعى الحمى شرقها نشمه وغربتها=جبال جلجل وطـوق احمـار كاليهـا
ترعى الى جلة الغبـراء وعودتهـا=وادِ عولاء لين طـوق أُثـال يثنيهـا
وجبال مخبى لها مربـأ ومرتعهـا =والجندلة والنُبيعـة مـن مراعيهـا
ترعى النوايف وهذا الطبـع ديدنهـا=يشهد لها مجد حاضرهـا وماضيهـا
ووصافاها حمر والسمنـة مرابعهـا=واجنابها طُنب والوركيـن ترسيهـا
وكتوفهـا شقرتُلحفهـا جواعـدهـا=وارقابها اطـوال تشبعهـا وترويهـا
وخفوفها اعراض تعرفها بوطيتهـا=تُعرف بنقلاتهـا واسمـى مواطيهـا
ومن الغوارب ترى الأمواج عُرفتهـا=موج (ن)ورا موج لين الراس يرجيها
وازوارها مثل كعب التـاج يزبُرهـا=يربأ بها لا.. رميض الارض تكويها
وبطونهـا كنهـا الغـدران يكنُفُهـا=عندم وبرك (ن)وحبات النـدى فيهـا
ولها محالـب يُفيـض الدَّرُّرجدولهـا=مثل المخاييل الى غطـت مناشيهـا
في قبضة اليـد ماتغـرب محالبهـا=تُغـدق لجمالهـا وتُعيـش حاشيهـا
وسنومها مزمزمات(ن) عن متاينهـا=في شكلها وافية والسُمـن موفيهـا
هذي العوادي عسى من كان يُجهُلُها=ينساه ربـه مثـل ماكـان ناسيهـا

البواردي

تسلم ويسلم غاليك قصيده
جزله وتستحق التكرار للقراءه
لمافيها من جزالة معاني حفظك الله

هذي العوادي عسى من كان يُجهُلُها
ينساه ربـه مثـل ماكـان ناسيهـا

صح لسانك يالبواردي

ومثل ما قال الشاعر القحطاني:

جعل كبد ٍ تبغض البل = جعل العله تازا فيها

ولا هان راسك يالذيب

		المشاركة الأصلية بواسطة : خيال الشدادين اقتباس
	البواردي تسلم ويسلم غاليك قصيده جزله وتستحق التكرار للقراءه لمافيها من جزالة معاني حفظك الله

ومن قال يعيش والله يكثر من امثالك يالذيب
والله يحفظك من كل مكروه .
وكل عام وانت بخير ..

		المشاركة الأصلية بواسطة : صقر المراجل اقتباس
	صح لسانك وبيض الله وجهك وقصيده جزله من شاعر جزل الله لايهنيك والله يعطيك العافيه

صح بدنك ووجهك ابيض لاهنت
وكل عام وانتم بخير ..

		المشاركة الأصلية بواسطة : فيصل بن مهرس اقتباس
	هذي العوادي عسى من كان يُجهُلُها ينساه ربـه مثـل ماكـان ناسيهـا صح لسانك يالبواردي ومثل ما قال الشاعر القحطاني: جعل كبد ٍ تبغض البل = جعل العله تازا فيها ولا هان راسك يالذيب

صح بدنك لاعدمناك يالذيب..
وكل عام وانت طيب.

تمسي بمان الله الوالي وهيبتها
من هيبة فحولها دايم تحاديها
اخوي البواردي سمعت وقريت كثير من القصايد عن وصف الابل وعن محبتها واكثرها متشابه مثل هزع الغوارب ومثل فنس الخشوم ومثل مانت خابر والصحيح قصيدتك جزله بمعني الكلمه وجديده من ناحية الوصف والتصوير بدون مجامله والله ان اجمل القصايد الى سمعتها في الابل قصيدة علي بن بلال اليامي وقصيدتك هاذي الله يبيض وجهك عليها ويعطيك الف عافيه
تقبل تحياتي,,,,,,,,,

		المشاركة الأصلية بواسطة : فهد بن رزيق اقتباس
	تمسي بمان الله الوالي وهيبتها من هيبة فحولها دايم تحاديها اخوي البواردي سمعت وقريت كثير من القصايد عن وصف الابل وعن محبتها واكثرها متشابه مثل هزع الغوارب ومثل فنس الخشوم ومثل مانت خابر والصحيح قصيدتك جزله بمعني الكلمه وجديده من ناحية الوصف والتصوير بدون مجامله والله ان اجمل القصايد الى سمعتها في الابل قصيدة علي بن بلال اليامي وقصيدتك هاذي الله يبيض وجهك عليها ويعطيك الف عافيه تقبل تحياتي,,,,,,,,,

ووجهك ابيض يالنشمي والله يقدرنا على بذل ماهو مفيد وكل عام وانت بخير ..

يا هلا والله بشاعرنا القدير البواردي
والله يحييك تحية السيل يا بعدي
وعاد عيدك عليك بالخير والسلامة
وكل عام وأنت بألف خير
وصح لسانك

		المشاركة الأصلية بواسطة : السلطان اقتباس
	يا هلا والله بشاعرنا القدير البواردي والله يحييك تحية السيل يا بعدي وعاد عيدك عليك بالخير والسلامة وكل عام وأنت بألف خير وصح لسانك

سلمك الله يا ابا عبدالله وكل عام وانت طيب

صح بدنك لاعدمتك يا نبراسنا الاول