احفظ كرامة غلاك ولا تناظرني

مـجـمـوع الأوسـمـة · 09 Apr 2012, 09:29 PM

السلام عليكم ورحمة الله وبر كاته

هاذي القصيدة أتمنى ترتقي لذائقتكم

( احفظ كرامة غلاك ولا تناظرني )

احفظ كرامة غلاك ولا تناظرني = لو صار قلبك ذهب ما اقبل وصاله
واضح كلامك وادري فيك فاهمني =لا عاد تنشد على قلبي وأفعاله
أرجوك كافي دخيلك روح وفارقني = حيران قلبي معاك وحالته حاله
ماكان له داعي تحرجني وتلاحقني= داريت حبل الوصل وانقطعت حباله
لا قلت لك لا يعني لا تناقشني = انا آخر إنسان يتراجع عن أقواله
احفظ كرامة غلاك ولا تناظرني = لو صار قلبك ذهب مااقبل وصاله
صبرت ياما وكان الصبر جارحني = أَضحك وعيني تصب الدمع هماله
ناديت وغير الصدى ما أظن سامعني = عانيت لأجلك وقلبك مو على باله
تسأل عن أخبار قلبي وآخر أعماله =وألحين لمَّا نسيتك قلت : واحشني
لا تحلف إني على بالك وذاكرني = الحب صعب على قلبك وأمثاله
وإن كان فعلاً بوجهك دم فارقني = ولا تقول صدفة لقيتك هاذي مو حاله

وسلامتكم