درب الشقاء

اسعد الله اوقاتكم بالف خير

واعذروني علا الاطاله

وتقبل الله صيامكم وقيامكم

مشينا في خطاوينا على درب الشقاء والنوح .. وطفنا في مواقع كلها آهات وجراحي

وشفنا في مسارينا مقاديرً تجي وتروح .. وطال الدرب في عيني عساه يقرب افراحي

الا يالدرب لا تبطي وهون دمعة المفضوح .. يفضفض كل عبراته في خلاً راح مرتاحي

بيوماً شافته عيني وبادل نظرتي بوضوح .. عطاني بالهواء عهداً وفجأه صار مزاحي

حسيبه للزمن يشرب مرارة كاسي بقرطوح .. بأشوفه كيف يجرحني وأرد الصاع جراحي

أنا من قومً يحبون العلا يرقون كل صروح .. وأنا لي عزةً يابنت مثل النور وضاحي

كفايه في قضاي الوقت أطرد ضحكته ويروح .. جمعته سبحة ً بيدي ولكن فل مسباحي

توكل بالذي خلاك تجهل بابي المفتوح .. وضيعت الطريق اللي عليه القلب سواحي

وصدق لو يضيق البحر من ناساً تحب البوح .. صبور ٍ همه الكتمان وله بالصبر مفتاحي

يخط أصدف صواديف الدهر والباقي وسط اللوح .. يحب الشعر ويكنه شهيق ويزفره صاحي

وسلامتكم

كفو
ونعم بك وبارجال اللي انت منهم ياعبدالله وصح السانك
وفي كل زمان له ارجال
لاهنت ولاهان غاليك فلاتطووولالغيبه علينا

اخوي بدر

صح بدنك
وكفوك الطيب ونعم بحالك

يسعدني تواجدك ومرورك

للملعوميه منتشره لي في منتديات القصيده درب الشقاء ولاكن
ماطرحت بالشكل الصحيح

مودتي وتقديري لك

كفو ونعم بك وبربعك
قصيدة شامخة من رأس يأبي إلا الشموخ والعزة .. وإما حبٌ مدى الدهر .. أو فراق بلا ندم .
صح إلسانك .

ونعم وصح لسانك
وبيض الله وجهك على ذلقصيده الجميله
والله لايهينك
وتقبل تحياتي
ومروري

بدر النايف
و
دواس الظلماء

كفوكم الطيب وصح ابدانكم

ونعم بحالكم

وتسلمون لي على المرور الرائع منكم

ولكم مودتي وتقديري

والنعم فيك اخوي عبدالله
وصح لسانك وبيض الله وجهك

غلا

ونعم بحالك ووجهك ابيض

ويسلمو مروك الرائع

مودتي وتقديري

يا هلا والله بشاعرنا العذب الجميل
عبدالله بن نهاية
والله يحييك بعد طول الغياب
وبهذه المنظومة الرائعة والمتميزة
وتسلم يديك

وسبعة آنعام انت وربعك

صح الله لسانك قصيده جزله من شاعر ليست مستغربه عليه الجزاله

لله درك ياعبدالله نص جمييييل جداً