سيرة شاعر (الشاعر محمد بن فطيس)

بعض العرب حبـه يـوردك الجنـون=ولا يوصف لـه غـلاه احكـاك لـه
مايقنعه وصف الغلا لـو وش يكـون=لو كل حـرفٍ بالحريـر يحـاك لـه
الموت جاك وهـو تقلبـه الضنـون=ولا لك الا الصبر....وش وداك لـه
ان قلت ضايق..قال : هونها تهـون=مايدري ان ضيقتك لـه وبكـاك لـه
تقعد تحبه وانـت ساكـت ومغبـون=يمكن بيوم يقال له مـا اوفـاك لـه
وكانك مشكك هو يمون او مـا يمـون=تخيّل ان عفـت الصبـر فرقـاك لـه
غلاه من فوق الغـلا ماهـو بـدون=وحكاه سمعك يجبـرك بارخـاك لـه
ودك تحطه فالعيـون مـن العيـون=وتبسط على رمضى الثرا يمنـاك لـه
وتظله من الشمس في ظل الجفون=ولا يمر اذنه سوا لباك له
وتسج من غيـره لونهـم يذكـرون=ومنين ما سجت القـدم ممشـاك لـه
فلو ٍ يميله التـرف ميـل الغصـون=غصن ٍ ليان ومكرمـه بسقـاك لـه
جديله الى اقفى ستـر منـه المتـون=كنّـي بريحـه لالتفـت لدعـاك لـه
يزها الملابس ..اي لبس ..واي لون=وفالليل وجهـه لا ظهـر قـداك لـه
كيك وعسل لكن ماهو فـي صحـون=ودعاك من عين الحسود اغطاك لـه
الله لا يعطيـه نـاس س ينضلـون=ويستر عليه مـن النحـل لا ياكلـه
الوصف والتعبير في وصفـه يخـون=غير اطلب الله يستجيب ادعـاك لـه
وعذال قلبك فـي محبتـه يخسـون=سكينهم عـن قطـع حبلـه حاكلـه
اللـي مـن لحـوم الاوادم ياكلـون=وحلوقهـم دافـع البـلا متواكـلـه
ناس ٍ عن اعراض العرب ما يعرضون=ودايم على نفس الشكـل والشاكلـه
في سلمهـم اولا بالاكـل الاقربـون=واطيبهم اللي صيدتـه شكـواك لـه
يدعيهم الشيطـان للذنـب ويجـون=هـذا يقطـع لــه وذاك يواكـلـه
يا جعلهم فدوة ثـر الغـض الفتـون=اللي على الدرب الطويل اخطـاك لـه
طيفه الى نـام البشـر زارك بهـون=وطيفك الى نام البشـر سـرّاك لـه
حبه دفان ومقبـرة خضـر الطعـون=بيـن العظـام العـوج كنـك تاكلـه
اللي كذا حبـه لـو تمـوت مغبـون=ولا لك الا الصبـر .. وش وداك لـه

ليه المسا عـوق الشقـاوي وطبّـه=وليه الهبوب تصحي القلب لا بـات
وليه القمر يدعـي جريـح المحبّـه=ويقول له يا هيه..ما فات ..ما مـات
جرحك ظهر لو قلـت للوجـه خبّـه=وللحزن في ضحكك رسوم وعلامات
وليه المطر بالذات ريحـه.. وصبّـه=كنّه رسول بيـن الاحبـاب بالـذات
اشتـاق فـيـه لشوفـتـك واتنـبّـه=للي نسيتـه مـن مواقـف ونظـرات
لا استانس الخافق ذكـر مـن يحبّـه=ورجع يراجع فالوناسـات مـا فـات
يا مرتـع القلـب الحزيـن ومربّـه=يزيين بك مثل الذهب صدر الابيـات
هيهات ينسى القلب شخـص ٍ لعبّـه=وهيات يدله خاطـري منـك هيهـات
سبك مديـح ومـدح غيـرك مسبّـه=تقول واذني صوتها تقول لـك هـات
ونبع الغـلا عنـدك وعنـدي مصبّـه=ومن الولا .. في خافقي لك ..ولاياات
وطيفك حطب عيني..وعينـي مشبّـه=والشوق برد ٍ ما انقطع لو للحظـات
ومكانك الصدر ولـك القلـب شبّـه=بين الظلوع اللـي فردهـا التنهـات
ولـك بيـرق ٍ فالقلـب حبـك يهبّـه=شامخ ولا هزه مـن العـذل غـارات
محبتـك فالوقـت ذا مــا تشـبّـه=الا بخيمـة بـدو بيـن العـمـارات
ان شفتني ضايق واهوجـس واسبّـه=اخاف غدر الوقت.. والوقـت دورات
لا تحسب ان دمعي نـزل دون سبّـه=ابكي من الفرقا وهـي مابعـد جـات
الـيـوم كــل امورنا..مستـتـبّـه=وبكره ماندري وش معه من مسـرّات
اربّ قلبـك مـثـل قلـبـي اربّــه=ما يخلفه شور العـرب والمسافـات

قبل ما حظي من الدنيا يجمّد=ما احسب يومي ولا احسب مروره
يوم كان اسمي «محيميد» اتحمّد=كان مسموح انظره وارقى لسوره
احذف الكورة على بيته تعمّد=لجل اجي واقول: «ما حد شاف كوره
واستلذ بشوفته توي واكمّد=بالوصال جروح فالصدر محكوره
وقت واحراقه الزمان اللين رمّد=ما يعود لو يدور الفين دوره
راح من عمري وقدني ذا محمّد=صعب حتى شوفته في وسط صوره

اعرف بعض لوووقات لا سرت مشغول =واعرف بعض لوووقات لا سرت فاضي
دنيـا مهـي تبقـى بحـالٍ عـلـى طــول =كـن حـن بهـااا علـى قضيّـا مقـاضـي
مـن جـااا يعـدل ميلهـااا قيـل مهـبـول =لعبـة ورق فيهـااا المسيـطـر يغـاضـي
الـزور يقـلـب حــق!! والـحـق مجـهـول =والـحـق مـــا مـنــه مـــلاذ وتـغـاضـي
كثـر النفـاق.. ودار حــولٍ بـثـر حــول =مـاكـن كـثـر البلبـلـه حـكـي فـاضــي
ومن لا توقى فـي الرماضـي بزربـول =يـحـرق سـمـاريّـه مـسـيـر الـرمـاضـي
(وارويبضـه) لوقـال مـا هـو بمسـؤول =قبل امـس مـا يسـأل وذالحيـن قاضـي
خضت البحر وانا اتحاشا عن الـدووول =خوف الهلامـي يلحـق السـاق شاضـي
البايـع الـشـاري مــع الـنـاس مقـبـول =بيع وشـرا عـااادي.. قبـول وتراضـي
الى اجتمع مرهي وشاعر ومخبول؟؟ =خلـطـة ادب فـاشـل تثـيـر امتـعـاضـي
تشرى الذمم واتباع بالعـرض والطـول =والـكـل ينـظـرهـااا بعـيـنـه وراضـــي
المال خلاّ غير معقووول؟؟ معقوول!! =مـااالـوم نـجـم الاغنـيّـه قــام يـاضــي
ياللاسـف.. مـا كــل منـقـول مقـبـوول =ثـوبٍ مشجّـر جنّـب ثــوبٍ ابيـاااااضـي
قلتـه وانـا بالفعـل برهنـت مااا..اقـول =وعلى جبااااا الريان تنسـف احياضـي
وعن ما حصل للشعـر مانـي بمسـؤول =مــا دامـنـي مـبـدي علـيـه اعتـراضـي

الله يجـازي مــن يـسـوّي سـواتـك=وبذنـووب مـن سـوّا سواتـك يجازيـك
مشيـت درب الثقـل وتـحـب ذاتــك=مـاتـدري انــه للمهـالـك يـوديـك
وغـرّك جمالك...يـا خسـارة حـلاتـك=ماتـدري ان ماغيـر طبعـك يحلـيـك
بتـقـول زيـنـك يشـفـع لسيـئـاتـك=الحسن ماهـو عـن وفـا الحـب يعفيـك
لـو التواضـع والوفـا مــن سمـاتـك=بعـت الحبايـب كلهـم ..دين..واشريـك
لكـن عجـزت اغيـرك ..يـا جـراتـك=على الغيـاب اللـي بـلا عـذر ينجيـك
خطاي....فـي توضيـح وشـي غلاتـك=وخطاك....فـي توضيـح وشـو تغليـك
مـافـاتـك التجريح...والعـذر..فـاتـك=وتبغي رضـاي الحيـن!! ماعـاد يمديـك
صحيـح احبـك .. بـس هـذي جزاتـك=باعلـمـك درس ٍ يفـيـدك ويحـيـيـك
تدري وش ابيض من خفوقك عباتـك=وتدري وش اللي غرني؟؟...نظرتي فيـك
ادري بتستغرب..تـصّـبـر وجـاتــك=قصيـدة ٍ مـن واحـد ٍ كــان يبغـيـك
وتبغـي تناظـر وانـت عايـش مماتـك=شف وحدتـك والنـاس تجلـس حواليـك
وتبغي تشوف اشجع رجـل فـي حياتـك=شفني وانا راحل على كثر ما اغليك

ياهيه التفت لي واسمع دعـاي لـك ياهيـه=ترى عـادك بتشبـع مـن البعـد وتواجـه
دعيتك بصـوتٍ ياصلـك ليـه ماتوحيـه=أنا أسمع ضلوعك من صدى الصوت لجاجه
عليـك الفـؤاد خلاجـه مصمِّـخٍ راعـيـه=خف الله في راعيـه ماتسمـع خلاجـه
ترى العفو قد جـاك أولـه واغتنـم تاليـه=وترى الحلم بحـرٍ غيـر لاتامـن أمواجـه
وترى الود ليلٍ مظلـمٍ جيـت لـك ساريـه=سراجـه وصالـك والجفـا ينفـخ سراجـه
وترى قصرنا اللي كا سنـه نجمـع ونبنيـه=هوى العـذل طيـح بابـه العـود وسياجـه
لي أيام مـدري ويـن دارك ولاأدري ليـه=وأنا خابـر انـي بـاب شفـك ومزلاجـه
غيـابٍ بـلا سبِّـه .. هجـادٍ بـلا تنبـيـه=وجفا أغلى العرب نارٍ على الكبـد وهاجـه
نضج قلبي من البعد وش حاجتك تكويـه =جفاك الجمر والصبر فـي بعـدك الصاجـه
وطبـع حبـك بقلبـي والأيـام ماتمحـيـه=هـذا هجـرك يحـاول يموجـه ولا ماجـه
يموت الأمـل لكـن ظنـون الغـلا تحييـه=وعروق الوفـا فالـروح والقلـب وجاجـه
خبرتـوا حـدٍ يبكـي علـى واحـدٍ يبكيـه=وخبرتوا حـدٍ مسجـون مايبغـي إفراجـه
أحبـه ولاأبغضتـه علـى شـيٍ يسـويـه=ولازالـت إرقـاب الرجـا فيـه منعـاجـه
عسى منزلٍ ضمـه حقـوق الوسـم تسقيـه=وتضحك له الدنيا وهـو يضحـك حجاجـه
فقد خاطـري شـيٍ مـن الضيقـة مسليـه=وغدت روحي من النـاس والليـل هجاجـه
أروح لمكـانٍ خـابـره خـابـره ياتـيـه=أسوق القدم صوبـه وهـي مالهـا حاجـه
مكـانٍ نزيـهٍ وأول مواجهـي لـه فـيـه=وأنـا خابـرٍ مـارجـل مثـلـه بـدواجـه
لعـل وعسـى ماحدنـي للمجـي يدعـيـه=وأشوفـه وأنـا مـاودي أسبـب إحراجـه
يحب الجريـح آخـر دروب اللقـا ويجيـه=وتحـب القـدم جيـة مكـان أول مواجـه

الله الله

يا سلام عليك يا معزوفة من شاعر مبدع إلى أبدع ,.

ماشاء الله عليك وعلى إنتقائاتك

الشاعر بن فطيس هو الوحيد الذي أستحق لقب شاعر المليون بجدارة ,.

أحسنتي وشكراً لكِ

ماجـور ياللـي مـن فراقـك تعلمّـت=ان الزمـن يومـيـن طيّب..وخـيّـب
فاجئتنـي بمفـارقـك مــا تولـمّـت=كـذا بـدون اسبـاب عنـي تغـيّـب
مامـت مـن فرقـاك لكـن تألـمـت=وراسي مشيّب لو مـا راسـي مشيّـب
ولولا السحا من عاذلـي مـا تلعثمـت=طاولته اللـي فـي يـدي مـن قريّـب
اضحك واسولف وان لحقني سهر نمت=لـكـن قـسـم بالله مـانـي بطـيّـب
اكافح اهل الشمت بالسمت ..والصمـت=ومن شوفتـك صدفـه قعـدت اتهيّـب
اخاف اشوفك واكسر الصمت ..والسمت=وادعيـك تـو النـاس وانـا مغـيّـب
جيشك علي ما فـاز وانـا استسلمّـت=وذل المحبـه ذل مـا هــو يعـيّـب
تدري من المخطـي ولـو مـا تكلمـت=ياللـي لضنـي ضنتـي مـا تخـيّـب

ولا تحيي عروق الجروح من عامين مقطوعه
وليسى جروج
احسنتي احسنتي يا الفنانه معزوفه الرحيل
وياليت سيره الشاعر القادم عبدالله بن عون
تحياتي لك

		المشاركة الأصلية بواسطة : بندر النايف اقتباس
	الله الله يا سلام عليك يا معزوفة من شاعر مبدع إلى أبدع ,. ماشاء الله عليك وعلى إنتقائاتك الشاعر بن فطيس هو الوحيد الذي أستحق لقب شاعر المليون بجدارة ,. أحسنتي وشكراً لكِ

حيييييييييياك الله اخوي بندر
اسعدني مرورك الجمييييييل
والرائع في متصفحي
دمت بود لا ينتهي