الدنيا تقدم دائماً لنا الدروس

تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا

تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!

والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهند مـا يـرأس حكومتهـا سـوى هندوسهـا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا

وخلّـك فطيـن تعلّمـك دنيـاك درس بكـل يـوم
والرجل يسلم من غثا الدنيـا بحفـظ دروسهـا !!

للشاعر : محمد بن جارالله السهلي ....

صح لسان الشاعر..


ولاهنت علي الرصد الرائع




دمت بخير

صح لسان الشاعر
ماعلى اختيارك لأي قصيده خلاف

لكن وين التنسيق >> اعجل نسقها

شكـــرآ

هلا بك يا أبو سيف وهلا بحضورك
وهلا باختيارك العذب لهذه القصيدة
وأتمنى لك حظاً طيباً دائماً معنا

		المشاركة الأصلية بواسطة : اقتباس
	ماهوب عيب إليا عزموك تقول يالربع .. معزوم ! العيـب : لارحـت لعزايمهـا وجيـت عروسهـا

صح السان الشاعر وسلمت يدين الناقل
قصيده رائعه واختيار موفق

نجوم المخيني ,,


أسعدني تواجدك العطر ،،


فأهلاً و سهلاً بكِ شاعرتنا ,,



لتوجدك أعذب همسة شكر ,,

رعد الجبوب ,,



مرحباً شاعرنا الموهوب و مشرفنا المتألق ,,


أنرت المتصفح بمقدمك ,,


لتواجدك أرق باقة ورد ,,

السلطان ,,



مرحباً مشرفنا الفاضل ,, و أهلاً بك مرةً أُخرى ,,


كيف لا يطيب لي المقام و أنت قائداً لهذا الصرح الشامخ ,,


و أنا بين إخوتي و أخواتي ,,


لتشريفك أرق همسة شكر لتواجد الذي من خلاله ينبثق التشجيع ,,

الداخل ,,


مرحباً بك , و مرحباً بإيقاعك الهادئ في متصفحي ,,



أبا حاتم لك أجمل باقة شكر لتواجدك النير ,,

آسف مشرفنا و شاعرنا الموهوب ,,



لم اتمكن من التنسيق ,,



معذرتاً ..

ياسلام عليك
قصيده شي
صح لسان قايلها
وتسلم ايدين ناقلها

لاخلا ولا عدم خيو