ردي على فيصل بن زايد

هذا ردي على قصيدة الاخ فيصل بن زايد الموجوده تحت هذا الرابط
http://www.shdadeen.com/vbq/showthread.php?t=22522

*******
فرديت عليه بهذه الابيات
***********

تسلم يا فيصل عد وبلٍ هماليل=وبلٍ على الطايف سحابه مكنها
حي البيوت إلي لفتني بالإيميل=بيوت شعرٍ نادره في زمنها
نوادرٍ مالي عليها مداخيل=قصدي مأزودها ولا أشيل منها
فيصل حكمها وتمها بالتفاصيل=لجل الفطين إليا قراء يمتعنها
شاعر و أديب يحلل الشعر تحليل=عام البحور الهايلات وسكنها
يا فيصل العاقل يعرف المكاييل=ومن كلمة النقصان نفسه حصنها
والخبل لو دليته الدرب بيعيل=خبلٍ ونفسه في المتاهه رهنها
خله يروَح جعل دربه تساهيل=مع جملة الخبلان يأمر وينها
نشوم عن راع البيوت المهازيل=إلي بيوته بالهزاله قرنها
أنته جزل والعاليه لك مداهيل=والجزل نفسه كل عالي وطنها
وأختم مقالي بالذكر والتهاليل=وسبحان عالم سرها مع علنها

وسلامتكم
أخوكم / فارس بن عايض بن علي بن طريخم الشدادي .

صح لسانك يا فارس

وكل عام وانت بخير

صح لسان فيصل وصح لسانك يافارس

على الرد الجزل والوافي

لاهنت ياشعارنا

بيض الله وجهك يا أبو عايض وصح لسانك

لا هنت ولا هان شاعرنا فيصل بن زايد

وأشكركم على حضوركم المتألق هنا

في ظل غياب أبرز شعرائنا عن المنتدى

والذين لم نتوقع منهم مقاطعتنا بهذه الصورة ...!!!

صح لسانك اخي ابو عايض لاهنت ياطويل

العمر ولايهون الشاعر فيصل بن زايد

احترامي

فارس الشدادي
صح لسانك لاهنت بيض الله وجهك
رد وافي من شاعر وافي وفقك الله
وتقبل تحياتي

فارس الشدادي

صح لسانك على القصيدة الرااائعه وبيض الله

وجهك جزله من راس جزل لاهنت

هلاهلاهلا

فارس الشدادي

صح السااانك مليوووون

قصيدتك جزله وما عليها كلام

ولكن دعنا نتناقش في مووضوع هام جدا

لن نختلف على الشعر ونترك الشاعر

لكل غرض من أغراض الشعر محبين ومتابعين

ولكل شاعر غرض من اغراض الشعر تجد انه يبرز فيه اكثر

ولن تجد ضابط لهذا الاختلاف في وجهات النظر بين جميع الاطراف

واغراض الشعر ومجالاته ليست وليده اللحظه ؟؟!!! وانما من قديم العصور

ولكن السؤال الأولى ان يطرح هووووو

أين الشعرااااااااااااااء

الشعر لازال ولن ينتهي في جميع مجالاته

واي شاعر حقيقي يكتب في اي مجال لا بد له من متابعين وحتما سيبدع

ولكن اين الشعراء ؟اين المبدعين ؟

لاتلوم الشعر وتترك الشعراء

والتخصص في الشعر شي طيب

سواء تخصص الشاعر في الحكمه او الغزل او المدح

والأمثله على ذلك كثير ولن اتطرق لها الا اذا طال النقاش

تحياتي واحتراماتي


اخووووك الرهاوي

صحت أبدانكم جميع

أخوي الرهاوي بيض الله وجهك على المناقشه

وأنا لا ألوم الشعر بل أعاتب الشعراء الذين شوهو صورته الحقيقيه

ويوجد شعراء لم يغيرو في الشعر شي بل طبقوه بأحسن ما يمكن وهم بكثره ولله الحمد

ولكم جزيل الشكر

******

أخوكم / فارس الشدادي .

الله الله يا فارس
بيض الله وجهك
وصح لسانك وعلا شانك يابن العم
عز الله إني ما أخطيت يوم قلت:

فارس ليا غنا الحدا والمواويل = جاب البيوت اللي ينومس لحنها

تسلم يالغالي ولا عدمناك وسلم لنا على شيبانك والربع
أخوك فيصل بن زايد ن نايف بن شرار ابن مهرس الشدادي