لقيتْ جاريْ حارسِ(ن) جِمة البير !!

.
.




كان العرب في مواردهم يقدمون المسـافرين والجيران وضيوف القبيله على أنفسـهم
عند ورود أدباشـهم ومواشــيهم على العدود وموارد المياه خصوصا عند شـحها
وعندما يكون الوقت صيفــا .



وكان بطل قصتنا هو مقعـد بن عضيدان المحلسـي من واصل من بريه من قبيلة
حمران النواظر الذي ســكن بالقرب منه ســمير السـيحاني العتيبي وهو على
مورد الدجاني من موارد مطيـر .. وكان الوقت صيفا ملتهبا ومياه العد قد لاتفي
بســقيا القاطنين عليه من أفراد القبيله إلا أن المطيري الشــهم أثر على نفســه
وربعه مياه القليب لجــاره وقام بحــراســتها كي يســقي جاره ثم يرتوي
الأخــرون ..وذات يوم والمطيري نائما على نثيلة البير من أجل حراســتها
لجاره ورد العتيبي ليســقي إبله فوجد جـاره يحــرس البير له وظن أنه
يحرســها منه ؟!!


.
.


فأنشـــد يقــول:

لقيت جــاري حــارس جمــــة البيـــــر = لا واهـــــلاكي كـان جـاري حــــدانـــي
تجملـوا ياأهـل الوجيــه المســـــافير = حنـا حــدانا الوقــت من هاالزمـــاني
لابـــد ما نقفـي ونذكــــرك بالخيـــر = وكــل ذكـر ما شــــاف ســــر وعــلانـي
نــرعى بقطعــان تقــــز المقــاهيـر = تـرعى مشــــــاهيها بليــا عـــوانــي
من النجــج لابد نشــــمخ على النيـــر = على النظــــا ومكظمـــات العنــانــي

فقام مقعد ورد عليه مباشرة بقصيدة يظهر فيها حبه لجاره وأن ذلك منامه حول القليب
عادته لحراستها لجاره وليس لحراستها عنه وأوضح صدق الإخاء والموده
التي يمتاز بها مقعد وأفراد قبيلته مطير وحسن وفادتهم لجيرانهم وعوانيهم .


.
.


فأنشـد يقــول

ياســمير ماني حــارس جمــة البيــــر = ذا مـرقـــدي ياســــمير من هالــزمـاني
ذا مـرقـدي وإنته ورى كبـــش والنيــــر = راس النثيلــه جاعــلــه لي مكـــــاني
ماهمني ياســميـــر زيـن الغنـــــاديـر = ولا وّلــعنـي جــاليـــات الثمـــــانــي
أبشـــــر بـدراح وزيـن النــــواعيــر = وأبا أنفهـق ياســــــمير وأقعـد مكــاني
ثـم إبتهــــج وإلها على الله تعــــابيـر = ولاتشــــتحن ياســــمير فـوق الـدجــاني
عـاداتنا نسـقي ركـاب الخطــــاطيـر = ليا تـّرّك المــــاجوب خطـو الهــــدانـي
تـرى الخــوي والجـار نعطيــه تقــــديـر = يقــدم على عربــــاننـا ما يهـــــانـي
كانـك تمانينـا بكبشــــــان والنيــــر = حنّـا لنـا الصّمــــان زين المثـــــانـي
إلا إختلـط فيه النفـــــل والنـــواويـر = وفيـه ام ســــــالم تـّدرج بالغــــوانـي
تـّرتـع بقطعـــــان تبــّذ القــاهيــــر = ونحمي طـــوارفها بحــد السـنــانـي
وعـاداتنا ياسـمير نطـح الطـــوابيـر = من فـوق ســــرد مكظمـــات العنـــاني
وإنشــد وتخبــرك العـوارف عن مطيـر = في اللي مضـى واليـوم شـوف العياني !!

تسلمين يَ سارة . .

لاعدمنا هالتميز

كفو والله يا المطيري
ونعم الجار والله اللي يؤثر جاره عليه
حتى في أحلك الظروف
وهذا من شهامة العرب ومرءتهم

تسلمين والله يا مشرفتنا
سارة الغيد
على التواصل معنا بهذه المشاركة الرائعة

قصة رائعه جدأ تحكي عن الجار واكرامه
وتقديمه على انفس معازيبه
وهذا لايستغرب من قبيلة مطير الوفاء والكرامه للخوي وللجار
وللعاني
وسبعة انعام فيهم
وصوت وصدى جميل جدأ
ولاهنتي ولاهان راسك يأخت الرجال
على ايراد لنا هالقصة المتميزة كاتميز
تواجدك
لك اعذب التحايا

رائع
ماقدمتي
والف شكرلك
ياساره
....................

القصة جميلة ومترفة وما خلف النثيلة أجمل
لقد أترفتينا بهذه القصة االجميلة يابنت الرجال
أعجبتني كثير بل وأكثر .
أنعم وأكرم بمطير .
وما يحرس البير إلا شامخ الراس .

		المشاركة الأصلية بواسطة : زهرة الكرز اقتباس
	تسلمين يَ سارة . . لاعدمنا هالتميز

هَلا وَ غلا فيكِ زهرتنا لا حُرمت هـ/ الإطلالَّة يَ وُرد

الله يعطيك العافية ، ماقصرت ع الايراد الاكثر من رائع
......