المطيرية ترد على ضيدان بن قضعان العجمي

الشاعر الغني عن التعريف

ضيدان بن منصور بن قضعان العجمي

كتب قصيده مادحا فيها الامير ضيدان بن حثلين رحمه الله

وهذي مقاطع من القصيده المشهوره

والقصيده اطول من ذلك ولكن اخترت منها هذه الابيات

سلام الله من ضيدان ابن منصور ابن قضعان

................... على ضيدان ابن ركان ابن ضيدان ابن حثلين

سلام الله سلام مايساق الا على ضيدان

....................يليق بهيبته وجدوده الاقصين والادنين

سلام مايساق الا لبيت امارة العجمان

....................لبيت ثابت ساسه وسوره مثل صور الصين

سلام ذعذعت به للولا والشكر والعرفان

..................... ذعاذيع القصيد اللي تذعذع بين حين وحين

وانا شاعر ليا جا ت الحقايق واسخر القيفان

.................... على صفحات ابو الطيب دروس اقلام طه حسين

وابذكر في قصيدي للفخر ضيدان ابن راكان


..................... وابكتب له حروف من ذهب تبقى ليوم الدين

ابو خالد وريث المجد والتاريخ والصمان


.....................وريث اهل الشدايد اللي علية العلم الى ذالحين

ابو خالد ذرانا لا اختلف وجه الزمان وشان


................... لنا ذخر وذرى فالنايبات وفالقسى واللين


قصيدة ضيدان جزله والامير ضيدان بن حثلين ماعليه

كلام وغني عن التعريف ايضا لكن الذي لم يعجب


(الشاعرة المطيري)

قول الشاعر بأن ابن حثلين وريث الصمان مع العلم ان الصمان

هي موطن الدويش أمير قبيلة مطير(حمران النواظر) الذي انتزعها من أيد العرب

وهذا رد المطيريه (غير معروفة الاسم)على بن قضعان



ردوا سلامي لابن قضعان واقرابه
....................تحية(ن) له من الصمان مندبها


يانعم بالاجودي شبل شمخ نابه
....................ضيدان من لابة(ن) تتعب محاربها


ياناس قولوا لابن قضعان وش صابه
...................مثله يعرف الحقيقه كيف يقلبها


حنا هل الصلب والصمان واطنابه
...................وشيوخنا من قديم العهد منصبها


دار(ن) لعلوى هل الطولات كسابه
..................للعز وان جا نهار الهوش نطربها


وان كان صاحت لها الدوشان طلابه
...................ياسعد منهم ربوعه ويتعزوبها


دار(ن) لفيصل زعيم القوم واصحابه
...................أخوان جوزا لها والفخر منسبها


من عهد وطبان الاول هوش وحرابه
..................كل القبايل عن الصمان نرعبها


من دونها لابتي يانعم من لابه
..................حمر النواظر تعدي عن مشاربها


مطير من دونها للروح جلابه
.................من المدينه لحد السيف مكسبها


من دونها يشبعون الذيب وأعقابه
.................كم شيخ قوم ذبح قبل يخطبها


حاضر وماضي هذا التاريخ واقرابه
.................وترى الحقايق شهود الحق تنسبها

م/ن

صح لسان الشاعر ضيدان
وصح لسان الشاعره المطيريه

ابيات رائعه من كلا الشعراء

ونعم القبايل مطير والعجمان ولا في الباقين قصور

شكـــرآ لنقلك تـــرف

صح لسانها والله
ونعم فيها وفي لابتها مطير حمران النواظر
وعزالله ماكذبت
والصمان معروف انه لمطير
والعجمان اخر حد لهم نهاية وادي العجان من شمال
لاهنتي ترف
وخلي عنك العنصريه القبليه الزايده ههههههه

		المشاركة الأصلية بواسطة : رعد الجبوب اقتباس
	صح لسان الشاعر ضيدان وصح لسان الشاعره المطيريه ابيات رائعه من كلا الشعراء ونعم القبايل مطير والعجمان ولا في الباقين قصور شكـــرآ لنقلك تـــرف

حياك الله يارعد وشاكرة لك مرورك العطر ..

ونعم في الجميع ولاهنت ع المرور ...

		المشاركة الأصلية بواسطة : حايس الحناشل اقتباس
	صح لسانها والله ونعم فيها وفي لابتها مطير حمران النواظر وعزالله ماكذبت والصمان معروف انه لمطير والعجمان اخر حد لهم نهاية وادي العجان من شمال لاهنتي ترف وخلي عنك العنصريه القبليه الزايده ههههههه

ياهلابك ياحايس الحناشل وحياك الله ..

ونعم فيك وفي قبيلتك ..

وأسعدني مرورك وهذي مو عنصرية

اعتزاز يجري بدمي ويحق لي أعتزي

وأفخر بربعي ولابتي حمر النواظرمافيها شيء

والله والنعم مليون بحمران النواظر والصمان معروفة لهم من زمان وماينكر نور الشمس الا جاحد والله يوفقك جميع القبائل لما يحبه ويرضاه .

أختي ترف


قصيده جزله من الطرفين والله الشاهد على ذلك

ولكن تحتاج التنسيق حتى تعطي الطابع والشكل الصحيح

		المشاركة الأصلية بواسطة : سطام الشدادي اقتباس
	والله والنعم مليون بحمران النواظر والصمان معروفة لهم من زمان وماينكر نور الشمس الا جاحد والله يوفقك جميع القبائل لما يحبه ويرضاه .

ونعم فيك أخوي سطام وماعليك زود ..

ويعطيك ألف عافية ولاهنت ..

امتناني لطيب حضورك ...

		المشاركة الأصلية بواسطة : خيال الشدادين اقتباس
	أختي ترف قصيده جزله من الطرفين والله الشاهد على ذلك ولكن تحتاج التنسيق حتى تعطي الطابع والشكل الصحيح

حياك الله أخوي خيال ,,

المعذرة التنسيق مو مدعوم عندي بهالمتصفح "

يعطيك العافية ولاهنت ..

امتناني لطيب حضورك ..

ترف اول شي تسلمين وثانياً القصيده فيها ابياات كثيره مو فاهمتها
فالله لايهينك الاسبوع الجاي اول ماشوف خشتك تترجمينها لي هههاي

تقبلي شطفتي
مزاجيه المطيري>>يقالها تعلمكم انها مطيريه هههههه