22 Jun 2005, 12:33 PM | [ 31 ] | |||||||
عضوة متميزة
|
خطا مطبعي .. شي .. شي.. والا اقولك باخترع حيوان اسميه شس... الايام ذي كثرة الاختراعات والمسميات ؟ |
|||||||
|
||||||||
22 Jun 2005, 03:25 PM | [ 32 ] | ||||||||
مؤسس شبكة الشدادين
|
ماجاء في الضبان هذي مجموعة معلومات عن الضب من حد الراس الين آخر شوكة في العكرة يعني تشريح كامل متكامل واتمنى إني اكون وفقت في تقديم هالمعلومات المفيده عن هالحيوان الزاحف اسم الضب يسمى ذكر الضب عير وخاصة اذا كان سافط العداد في الكبر والأنثى اسمها ضبة ، ومكون ، وولدهم الصغير اسمه سحيلي يعني الابو ينادونه ربعه ابو سحل أما البنت فاسمها ضبيبة لكن صعب جداً في علم الضببة إنك تعرف الذكر من الأنثى وخاصة إذا كانت الضببة توها في مقتبل العمر إلا عاد اذا بغيت تخربها وتسوي حركات وسخه فهذا شي ثاني ...!!! ________________________________________ رأس الضب باللي فيه دايم العير يكون في راسه ورقبته حدود سود وبعضهم يحسبها لحية من بعيد وهذي ميزة الذكر الشايب ، وسنون الضب قوية مع إنها صغيرة لكن إذا قرطك وأنت تبيثر عليه فاحسن حل انك تنخج خشته بعود أو تكب عليه فلفل الين يعطس وتطلع يدك منه ، ودايم تلاحظ الضب يشرب هواء ثم يبخه بقوة وخاصة إذا كان مطرود ومقفلة معه ، أما عيونه فهي غالبا ما تكون حمر وصبياته عسلية وله أذان على شكل خياشيم وسمعه أحيانا يكون الله بالخير لأنك ترمي عليه بالشوزن وتسف من عنده وما جاب خبرك بس عنده حاسة قوية بمجرد إنه يلمح قرطاسة تدربى يجحر وما تشوف إلا عكرته سابقته ________________________________________ بطن وأحشاء الضب آآآآآآه هنا مربط الضب هنا لندن قصدي هنا كلش المكينة والقير ونبدأ بالمصارين اللي مالها داعي إنك تخليها فيه بعد الذبح اكتم نفسك واقطعها وانطلها بعيد وأهم شي في البطن هو السلايق هي بمثابة الكنز الثمين في احشاءه واذا كنت محظوظ بضب مربع ومزغدد من الربيع فتبي تلقى سلايقه حول ما تطلع مع اذانه من كبرهن وطولهن وفيه شي لازم تنتبه له في بطنه اللي هو المرارة وهي عبارة عن تفيفيخة صغيرة لكن اذا انفقعت في البطن فسدت اللي فيه اقطعها بشويش واغسل البطن عقبها ________________________________________ عكرة الضب هنا الزبده وهنا مطلب الضب وهالعكرة تتكون من واحد وعشرين عقدة تقريبا وتعتبر سلاحه في وقت الزنقة وضربة العكرة تسمى لسبة مشتقة من لسب يلسب لسبا أي رصعة و فيه طريقة ممتازة لتحريك الضب اذا شصب مكانه وهي إنك تحرش عكرته وتدغدها مع جوانبها وبكذا يبي يمشي طبلونه في أي اتجاه تبيه ، بالإضافة إلى أن العكرة تعتبر أطعم مافي الضب لدرجة أن بعضهم اذا صاده يقطع عكرته ويطلقه الين يطلع شكله كنه موتر بدون نسافة ________________________________________ جلد الضب جلده طبعا أحرش وخشن ويستخدمون جلده في تزيين النعال والشنط وأبواك الفلوس ، وميزة جلده انه ما يتأثر بالماء هذا غير تحمله للحرارة ________________________________________ بيض الضبة يقولون إن الضبة تبيض حول سبعين بيضة أو أكثر ويكون بيضها في حجم حلاو الصعو للي يعرفها أو كبر المصاقيل وطبعاً الضبة ما ترجن على بيضها لكنها تدفنه في مكان معين أو مثلث الين يفقس ويبي له حول الأربعين يوم عشان يفقس يعني نفاسية بالضبط مثل حريمنا ويقال أن الأم تأكل عيالها إذا طلعوا من البيضة إلا اللي وفق وانحاش قبل ما تطيح فيه ________________________________________ حياته واطباعه يقولون ( إيه لزّقها في يقولون ) إن عمر الضب ياصل 300 سنة ؟ أو أكثر والضب معروف عند الناس بطول العمر، هذا غير إنه يبطي في موته لدرجة ما نتصورها وأغلبية اللي ذبحوه وقطعوه وفي القدر سقطوه لقوا بعض أجزاءه تتحرك ؟ وقالوا الأولين في أحد أمثالهم (لزّق المثل في الأولين ) يموت الضب وعكرته تلسب ، كناية عن صعوبة موته ، ومن أطباعه أنه ضعيف الذاكرة وعشان كذا تلقاه ما يبعد عن جحره لكن إذا داخ مع الربيع وخربها بعيد عن الجحر وطردته فهو يبي يسحب السيفون على جحره وأرض الله واسعة ، ومن أطباعه أنه ما يتواطن مع الورر وقبلهم هواش ولعنة خيّر مع أنهم يتشابهون شوي في الشكل لكن الضب يفضل العقرب على هالحيوان الزاحف المعصقل وبينه وبين العقرب صداقة ومصالح فهو يسكنها جحره مقابل إنها تقرص كل من حاول يدخل يده يتلمس عكرته ، ومن أطباعه أيضا أنه فيه شوفة نفس وكبر وخاصة وقت الخضرة والعشب وتشوفه يختال في مشيتة يسحب عكرته ويمشي بشكل متغنج ، أيضا له قدرة عجيبة في صبره عن الأكل فتلقاه يجلس في الجحر كم شهر بدون أكل ، ، هذا غير أنه ما يحتاج للماء لأن جلده خالي تماما من الكحول قصدي من المسام ________________________________________ طرق صيدة له كم طريقة وأولها إنك تجيب المسحاة والعتلة وتبدأ تحفر جحره لكن مشكلة جحره إنه يكون طويل وعميق ومتعرج وهالطريقة انقرضت هالحين لكثرة العجازين في هالوقت ، والطريقة الثانية هي إنك ( تغرّه ) بالماء الين يطلع وبعض الضببة هالحين تنبه للطريقة هذي وحط له خزان تصريف في جحره يعني يبي يقضي الماء ما طلع ، والطريقة الثالثة إنك تشكمنه والمعروف إنها مضرة للضب وتفسد لحمه ، وفيه طريقة ( المكناس ) وهو عصى تشبه وراعيه اذا شاف الضب خارط الريوس في جحره يختل له بشويش ويمشي على أطراف أصابعه و يطعنه طعنة غدر |
||||||||
|
|||||||||
22 Jun 2005, 04:31 PM | [ 33 ] | |||||||
عضوة متميزة
|
السلطان تخصص .. الله يسلمك ياشيخ |
|||||||
22 Jun 2005, 06:07 PM | [ 34 ] | ||||||
|
ماقصرت
وصفك رهيب والله دقيق تسلم أنك عرفت الضب لفئة من الناس لاتعرفه الإ بالأســـــــــــــم
|
||||||
|
|||||||
23 Jun 2005, 05:20 AM | [ 35 ] | |||||||
عضوة متميزة
|
السلطان عاد مالقيت الا الضب تسرد لي حياته عساه ينقرض يارب ويريحكم |
|||||||
|
||||||||
24 Jun 2005, 10:33 PM | [ 36 ] | ||||||||
مؤسس شبكة الشدادين
|
يا عزوف الضب من ألطف الكائنات الحيوانية وأظرفها وأكثرها حياءً ونعومة أنتي بس آخذها فكرة غلط عنه لكنه والله حبوب وطيب ولذيذ في نفس الوقت أجل لو أقول لك خذيه واذبحيه واسلخيه ثم اطبخيه وش بتسوين ؟ عيب إنك تقولين لا وعندك ضيوف ينتظرون وجبتهم الشهية !!! |
||||||||
11 Aug 2005, 04:40 PM | [ 37 ] | |||||||
عضوة متميزة
|
انتم يالرجال كل شي عنكم شهي .. ضب والا ديناصور |
|||||||
12 Aug 2005, 04:01 AM | [ 38 ] | |||||||
عضوة متميزة
|
ديناصور قويه مره هههههه اقول سلطان قم بس قم |
|||||||
13 Sep 2005, 10:21 AM | [ 39 ] | ||||||
|
[flash=http://www.el3b.com/game.php?n=399]WIDTH=400 HEIGHT=350[/flash] |
||||||
|
|||||||
13 Sep 2005, 10:57 AM | [ 40 ] | |||||||
عضوة متميزة
|
حرررررررررررررررررررام عليكم صراحه ما اتخيل نفسي اكله ولا اقرب منه ياناس انا ما اكل من الخروف غير اللحم ومو اي لحم شي مختار بعنايه اما الكبده والقلوب والكلى واراس ما اكله الدجاجه اليتيمه ماكل منها الاالصدر والحين يوم شفتكم تتكلمون عن الضب وانتوا مبسوطين خليتوني مافطر بس خذوا هذي صورة ضب يستنجد بحقوق الانسان عشان يفتك منكم قبل محد يصيده |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الضب : صور + معلومات عن الضب متكامله | محمد العتيبي | المقناص ولوازم الصيد وحياة الطبيعة | 7 | 03 Sep 2009 03:59 PM |
فوائد لحم الضب | محمود عيد | إكسير النقاء | 9 | 12 Jun 2007 03:38 PM |
طبخة الضب | (سلطان-الرياض) | غذاء جسد | 18 | 05 Jun 2007 03:46 PM |
|