بسـم الـذي عـالـم خفيـات الآسـرار

بسم الذي عالم خفيات الأسرار=سبحانه المعبود جزل العطيـه
جل الجلال ونحمده سر وجهار = الخالق اللي دامحنً كل سيـه
ومن بعد ذكره جاء على البال تذكار= ورد به الهاجوس واقبل عليـه
وبداله التصوير منهج ومعبار= ونوى يناقش في حلول القضيـه
قضيةً يدريبها الضيف والجار= ولهي على الباقين والله خفيـه
قضية عايشبها كبار وصغار = وعلى جميع المجتمع بالسويـه
واسبابها اللي صار في رفع الاسعار=وفي كل حاجه جاء زياده قويـه
وحال المواطن صار ينشر بمنشار=والدخل والمصروف فارق نويـه
وأسبابها لعبة فؤايد وتجار= يبغون مكسب بين صبح وعشيـه
واهدافهم ماهمهم ويش ماصار= ويبغون جمع المال لو بالخطـيه
ولا حكامتنا لها كل مقدار=وتبغا المواطن في حياتاً هنيـه
تدعم وتبذل جهد يشهد وجبار= ومن وافر التقدير تعطا التحـيه
واختامها صلو على خير مختار= شفيع خلقه وأمراً بالوصيه

اللهم صلي و سلم على سيدنا محمد

لا هنت اخوي و صح لسانك

و الله صدقت ياخوي ذبحنا ذا الغلا

الله يسهلها

دمت بخير

سعيد

صح لسانك وعلا شأنك قصيدة قمة الروعة

ينطيك العافية

صح لسانك و إعتلا شانك

الدوله ما قصرت بس على ما قلت : التجار يتلاعبون بـ الأسعار

ما يزيد الراتب إلا التجار يشاركونا في الزياده


لآهنت على هـ القصيده يـ ابو غالب



..

صح لسانك ياسعيد

والله آنك صآدق والله يصبر الحال

لآهنت

صح لسانك ياسعيد

وبيض الله وجهك

قصيده جزله

ولا أروع

حياك الله أخي العزيز
وشاعرنا الجميل المتميز أبو غالب
وبقصيدتك الرائعة الطيبة
وعسى الله يطيب فالك
وصح لسانك ملايين

		المشاركة الأصلية بواسطة : هديل الحب اقتباس
	اللهم صلي و سلم على سيدنا محمد لا هنت اخوي و صح لسانك و الله صدقت ياخوي ذبحنا ذا الغلا الله يسهلها دمت بخير

صح بدنك وياهلا فيك هديل الحب .....

		المشاركة الأصلية بواسطة : طــارق الشدادي اقتباس
	سعيد صح لسانك وعلا شأنك قصيدة قمة الروعة ينطيك العافية

الله يعافيك واسعدني مرورك وانا اخوك

		المشاركة الأصلية بواسطة : رسآم اقتباس
	صح لسانك و إعتلا شانك الدوله ما قصرت بس على ما قلت : التجار يتلاعبون بـ الأسعار ما يزيد الراتب إلا التجار يشاركونا في الزياده لآهنت على هـ القصيده يـ ابو غالب ..

ياهلا بالرسام مرورك امتعني وتسلم...