قصيدة مانع بن نايف القبع الدغيلبي

منـا علـى القايـد سـلام وتحيـه=وبديت بأسـم الله وبأسمـاه سميـت

اللـي حـرم بيتـه ومسجـد نبيـه=فضلكـم الخـدام يـا خـادم البيـت

ربٍ بوحيـه خـص سيـد البـريـه=عليـه صلـى الله وسّلـم وصليـت

وماجور يا معـزي خطيـة وسيئـه=أعداد مضحيت بثراء العود وأمسيـت

سيئـتـك لا عديتـهـا والخطـيـه=بالعدل فينا قمت والأ أنـت مخطيـت

ا لله يـعـز ملوكـنـا الفيصلـيـه=ويرحم فهد ويعز مـن فيـه عزيـت

من جيت يـا (صقـر العروبه)حليـه=ماكن منا راحـلٍ غـاب مـن جيـت

ولا كن أبو تركـي مـن (الشمريـه)=جابك إلحالك يا بو متعب ليا احصيت

أنت الملك والشعب فـي كـل شيـه=والشعب هو أنته وأنا الشعب عديـت

هاذي عبدالله !! وسلطـان ذيـه !!=أعط الملوك عيون وأقـول معطيـت

ولا هـان راع الأمـن والداخلـيـه=وفيت يا مجتـث الأرهـاب وكفيـت

لك فالثنـاء ميـدان روحـه وجيـه=آرد وأصدر في مجالـك ولا أرويـت

أفـداك واحبـك وأحـب الهـويـه=ياللي على عرشٍ (ن) ترومه تساويت

نايـف !تكفينـي بطـاقـة خـويـه=لو مت جايـع مـا كليـت وتعشيـت

أمعزبـي وأبـوي فأسمـه سمـيـه=مالي عذر يأهل الوفاء كان ما وفيـت

افدى االعلم وافـدى ملـوك الرعيـه=وفي ماقفي راسي ليا بان (سديـت )

شاعر وما هـز الهـوى مـال فيـه=وفي روس صلفات الطواريق عديـت

ومن بعدهـا لا عـاد تشـره عليـه=!بأسم القبيلة كان بالصـوت غنيـت

قل عنصري كان الوفـاء عنصريـه=وأقولـك وش عـاد باقـي وخليـت

(عتيبه)أهل الجـود وأهـل الحميـه=لو مانـي أبمنهـا طلبـت وتمنيـت

قل من رست في نجد وأقـول هيـه=قل من تروم المجد وأقـول مخطيـت

قبيلـةٍ مـن فضـل ربـي (قويـه)=من دون قاصر فالقبايل ليـا أثنيـت

صفحاتهـا بيضـاء عفـاف وغنيـه=تشفيك لا عميت وإن كـان خصيـت

لا صـاح للفرسـان كـل أمخبـيـه=وردوا كما مخلّف ورَدوا كما بخيـت

أنـا مـن اللـي يكسـرون الغَزيـه=فعلـي يشرفنـي قبـل قـول زليـت

دغيلبـي ستـر وغطـاء دغيلبيـه=لا سيقت العّطفه على الموت تميـت

الموت واحد بـس لـو كـان ميـه=وفي كل مره مت !!! مامنـه ذليـت

يـا دار ويـن محيلـيـن الثنـيـه=قولاً سبق قولـي وعديـت موحيـت

قصيـدةٍ مـع سايـر النـاس حيـه=وردّت منها للتويجـر صـدر بيـت

من ضمن ربعي في صفوف السريـه=بأسم القبيلـة لا تعـزووا تعزويـت

الأمـن قـايـم والـبـلاد محمـيـه=وعتيبه ترحـب إليـا جيـت حييـت

بالسر فـي عشـرة بنجـد العذيـه=يكون عندك علـم موقـع وتوقيـت

البـل عطايـا الله ونعـم العطـيـه=فالجوع عشت ومـن لبنهـا تغذيـت

نطـرب لهـا ونحبـهـا مقـدريـة=قبل أكتشاف النفط والغـاز والزيـت

من دونها الشيخان تذهـب ضحيـه=واليوم عيب أبقدرها كـان ضحيـت

في نجـد ترعاهـا الحـرار الأبيـه=حكامنـا قـدم أنتخـابٍ وتصـويـت

تهـدي مزاينهـا عتيـبـه هـديـه=لأمير نجد وما ضمر غيـري أبديـت

أبو فهـد يـا حـي صيتـه وحيـه=سلمان مدحي فيه لـو مـا تماديـت

ومبـدأ التحيـة تنتهـي بالتحـيـه=وفي مزاين الهيلا إنرحب ليـا جيـت

قصيدة الشاعر / مانع بن نايف القبع الدغيلبي في مزاين الهيلا 1428هـ

صح لسان شآعرها وسلمت يمناك ع النقل ..
لاعدمناك يالغالي ..
ويعطيك العافيه ع طرحك ..
دمت بخير ،.

صح لسان شاعرهااا

لكن ياليت تنسق القصيدة قبل طرحهاااا

تحيتي لك

صح لسان الشاعر
وسلمت يدين الناقل


شكراً بحار2

صح لساان شاعرها وسلمت يمين ناااقلها
مشكوور اخوي
تحيااتي

يا هلا والله بأخوي بحار

والله يحييك والنعم في عتيبة كلها

وصح لسان الشاعر مانع بن نايف

ولك منا جزيل الشكر على طيب مشاركاتك

صح إلسان الشاعر

وسلمت على النقل يا البحار

الله لايهينكم جميعاً ومشكورين على المرور وردودكم الطيبه


لكم كل الود والتقدير