كرهت القصيد !

مـجـمـوع الأوسـمـة · توقيع : رعد الجبوب

السلام عليكم ورحمة الله وبركاته

(بسم الله الرحمن الرحيم)

اولاً هذا الرد كان في موضوع قديم لي .. البارح شفته لما شفت زائر من الزوار داخل الموضوع وانبسطت جداً

لأنه كان اقوى رد صريح ومشجع في ان واحد

انا منزل هذا التعليق لأن الكلمات هذي كانت قوية في وقتها والبارح تكررت قوتها في نفسي وحسيت بشعور اني صرت افضل

ف كنت بنزل موضوع في بحور القوافي وتجاهلت بنسيان لأن مافي محتوى شعري

اختصار الكلام

شكرا الولهان والله يوفقك في حياتك دنيا ويجزاك الجنه اخره

انت من تستحق الحب والدعاء

وانا بالفعل اتمنى لو انك قريت بقية محاولاتي
وارسلك اجزل تحيه من هذا المنبر

وفقت يارجل

يمه دخيل الله وش الي اعانيه=ازريت في مرقاد نومي اهبى
محدن يسوق القلب ياكود غاليه=ولا غريرٍ في ربوعه مكبى
اقايس الماضي واراجع مواريه=ماهيب مثل اليوم نارٍ تشبى
احدن سواد الوجه بالهم كافيه=واحدن على بيض النوايا تربى
احدن يعيش وسره الناس تدري=واحدن يموت وسر راسه مخبى
احدن قطير الجار بالشر يوذيه=ملافظه والقول سمٍ ملبى
واحدن بخيل ومرتخي في مخابيه=دلال بنه لشرف ماتصبى
واحدن يصك الباب لا جا بناخيه=الضيف عن مسيار بيته تجبى
ناسٍ خبال وكل هرج بماشريه=لو تنشده وين انت قال ف اوربى
مشوهين القول والفعل تشويه=وقلوبهم من كل شينه تعبى
كرهت قاف الشعر في كل اراضيه=ولا عاد لي بالقاف طب الاطبى
لاقلت ياقلبي وش الي توصيه=يقول مدري وش ضميرك تنبى

من قلمي

رعد الجبوب