قصيده بمناسبة حفلة ابن الشيخ جريس الشدادي

بسم الله الرحمن الرحيم
(السلام عليكم ورحمة الله وبركاته)
هذه القصيده لوالدي الشاعر مطلق بن دوخي الحارثي
بمناسبة مبدآ قبيلة المذاهبه على قبيلة الشدادين
في جده في حفل زواج الشاب شاكر ابن الرجل المعروف كريم سبلى
جريس الشدادي.. وارجوآ ان تحوز على رضاكم..

سلام تسليم يشبه كل نونّ دموس=هبت عليه الهبوب ومزنته هلها
في حفل منهو لنا مسند ويضفي اللبوس=اللي يشيل الحمول الكائده كلها
جريس ريس لنا بالطيب دايم يروس=واليا حصل مشكله ياسرع ماحلها
المجد بالموهبه ماينشري بالفلوس=واللي يبا الطيبه دايم بيعحلها
مثل الذي لانوى ديره يقدم عسوس=واليا نوى خوة الغالين يرسلها
ياموت جنب عن الي راس من فوق روؤس=دور على اللي كبود الناس بتعلها
جنب عن اللي يقدم للرجوله دروس=شجرة بني الحارث الي وافين ظلها
تصفيق ياربعنا ياللي وقوف وجلوس=حتى بيوت الشعر يسمع ويفطن لها
هذي بيوت قليله من كثير الهجوس=انقى بيوت الشعر واختار في جلها
بعض المعاني يشابه حدها حد موس=والوافيه في القصائد دوم مازلها
احدن ليا قابلوه الناس وجهه عبوس=يفكر انه رفع نفسه وهو ذلها
ياشاكر البس ومع اهل المجد زين اللبوس=دام الشدادين ربعك وانت شبل(ن) لها
هذي قبيله خلقها الله لدفق النفوس=واللي معه طمعتن تجيه في حلها
وحنا بني عمك نحجم ونقلع ضروس=وكبود الاعداء بعدنا مابرد غلها
واختامها ياصلاة الله عداد الدروس=على رسول عباد الله قد دلها

..وسلامتكم..

صح لسان الوالد على القصيدة الجزلة
ولاهنت أخوي على الايراد
كل الشكر والتقدير

كفو والله يا النشمي
ونعم بك وبأبوك وربعك كلهم
ما قصرتوا والله يبيض وجيهكم
وصح لسان لشاعرنا أبو دوخي
ولا هنت على النقل والمشاركة
والف مبروك لابن جريس

صح لسان الشاعر ونعم فيه
وفي ابنه وفي بني الحارث كافه
ومبرووووك يابن جريس وتستاهل القصيده
وتقبلوا مروري

صح اللسان الشاعر الكبيرالمعروف بالجزاله الشاعر مطلق دوخي الحارثي وليس بغريبه الجزاله على ابو دوخي فهو ابن رجل تميز بالعرف
والحكمه دوخي بن حسين رحمة الله عليه والحقيقه تقال وشهادتي في مطلق مجروحه ولاكن والله ان مطلق يجمل ويعطي الناس حقها
وهو مجد قبيله تستاهل التمجيد لانهم كفو لذالك قبيلة الشدادين وهم غنيين عن التعريف وهم من قبايل بني الجارث الللي نفتخر بهم في كل ماقف
وجريس مشهود له بالكرم والشهامه وتمجيد ابودوخي لجريس وربعه وفى منه وهم يستاهلون رجل وقبيله
ومشكور يانشمي على نقل القصيده

صح لسانك
وعساك على القوه
لاهنت
وبيض الله وجهك