طارق الليل سعد الحارثي

	غـراً طـرقني بتالـي الليل ليش أنه = يحسب سهر عيني الحزنى على شانه يا طـارق الليل ولّـى موسـم الكنة = وعمري ذبل ورده اللي كان وغصاه يبسـت ولا عـاد لك عقب الجـفا منة = العـين ما تحـتري جيتك سـهـرانة العـين جـاهـا البلى من شـيٍ أكنه = بين الجـوانـح ولكـن ثـار بركانه ثـارت مواجـع خفـوقٍ يشبه بحنه = خـلوجٍ تحـن مفجـوعة وضمـيانة الإسـلام يغـدر وكـلاً سيفه يسـنه = والطهـر ينحـر وبنت الطهر عـريانة تصرخ وتنخى وسمع السـامع يصنه = ونبح صـوت البكـى ما سمعت أذانه هـذيك بغـداد واللي صـار بالسـنة = يوم الغـدر للعـرب كـشـر بنـيبانه وهذي فلسطـين فيهـا جروح منجنة = سـتين عـام وهي تنزف وغـرقـانة بالعـار والذل شـيٍ يخلف الظـنـة = كيف إنتهـنا المـنام وهـي منهـانة ربـااااه ممـا كسـبنا والجـزاء سنة = وأكـبر من الوزر عفو الله وغفـرانه أوااااه يـا وقـتٍ أطـريـه واعـنـه = أوااااه لو تجـدي المحـزون وأحـزانه خمسة عشـرعام وأنا ألاعب الشنة = واليوم جـيتك قلبـي هـزت أركـانه وش جابك؟الشـوق!توك تشتكي منه؟ = وين أنت يوم أن روحي فيك ولهـانة؟ تـوك تذكـرت خـلك ؟ يا لله الجنة = خلك طـوى صفحة الماضي ونكـرانه لملم شـتاتك جـروحـي منك ممتنة = ما هـو بأنا اللي يقـامر فيه خـلانه خـلاص رح في طريقك ويش تستنه = وبابٍ طـرقته دخيلك أنـس عـنوانه وقفـا يجـر الشـقاء ماكنـي وكنه = ألا خفـوقٍ نـزع من بين ضلـعـانه وقمت أتجـرع عذابي وكسـر الونة = وصكيت بـابي على قلبي وحـرمانه ويبسـت غصـونٍ بقلبي كانت مرنة = ولا بقى به سـوا شيحـة وريحـانة هـذي بقـايا جـروحٍ للأسـى مظنة = شاعر وحاول يترجم حـس وجـدانه الشـاعر /سـعد الحارثي راقت لي فنقلتها

غزل عسير

شكراً على ما نقلته لنا
وعلى ذوقك الرائع

وصح لسان الشاعر
سعد الحارثي

تحياتي

أستاذي الفاضل

محمد

وجودك بينننا يسعدنا
ومرورك هنا شرف لي
سلمت على هذا المرورالرائع وسلمت
يمينك لما جدت به علي
دمت بعزلك دعوات بسعادة لاتفارقك
تقديري وعظيم شكري لك
لاحرمت هذا الكرم