يا سيدي ما دام (( ٩٠ )) مليون

يا سيدي ما دام (( ٩٠ )) مليون=تشوفها مـا كـنّها ألاّ ريـالات
هذا دليل إنك على الشعب ممنون=ويدك الكريمة قدّمت كل جزلات
يا لين ذالمليون في عينك يهون=وأكبر دليل أوامرك كل حزات
لكنّ من دونك يروحون ويجون=أوادمٍ من دون ذمة وأمانات
يا حبهم فاللي حلتهم يخونون=وترمي على الحائط جميع القرارات
أكلت حقوق الناس والناس يدرون=والله حسيب اللي فقد شيمة الذات
الشعب وافي وأسود الوجه ملعون=والخائن اللي ما وقف بالمهمات
يا سيدي والوضع من دون في دون=لاتصدّق اللي قال لك في مسرات
صحيح ننعم بالأمن وأنت دندون=لكن لنا من حقنا عشر حاجات
أضرب بسيفك كل غاوي ومجنون=حتى يصير الحق رمز البطانات
ولا ترحم الظالم وحنا لك العون=بعد الولي علاّم كل الخفيات
والله يديمك ذخر يـ منوّر الكون=ويمد في عمرك سنينٍ طويلات
وياسيدي حنا لك دروع وحصون=وإقبل من الشعب السعودي تحيات

الشاعر/
فواز البلاهدي الحارثي
تبوك
السبت : ٢٨ / ٦ / ١٤٣٣ هـ

فواز
ماشاء الله تبارك الله
صح لسانك وبيض الله وجهك
قصيدة جزلة من شخصكم الكريم

صح السانك يافواز مليون وبيض الله وجهك
تقديري واحترامي

كفو والله يا شاعرنا الغالي
فواز البلاهدي
والله يحييك ويبارك فيك
وصح لسانك ملايين

صح لسانك واعتلا شانك



سلمت ولا هنت

إي والله إنها هينه بعينه ماشاء الله تبارك والله يزيد بلادنا من خيره ,.
ولكن لعنة الله على كل فاسد .

حياك يا شاعرنا وقصيدة في وقتها وجميلة جدا

صح إلسانك

خمس نجوم يا مبدع

صح لسانك 90 مليون مره يافواز

وبيض الله وجهك

شاعر مبدع في جميع اغراض الشعر ومواضيعه