آخر 10 مشاركات |
مختارات | قالَ رسولُ اللهِ صلّى اللهُ عليه وآله وسلّم: إذَا التقى المُسلِمان بسيفَيهِما فالقَاتِلُ والمَقْتولُ في النَّارِ |
مواضيع ننصح بقراءتها |
|
|||||||||||||||||
احترامي للرجال !!
السلام عليكم ورحمة الله وبركاته مسائكم جنّه مصافحه أولى . . . . مع احترامي للرجال اللي تشبه بـ الرجال =أحدن بها ما قد درا .. ويسلم بها من قد درا ما دام وصلت للخشوم و لا ورا خشمي مجال =يعني ترا اللي بـ الثرا أطيب من اللي عـ الثرا !! لا بارك الله بـ الرجال اللي ما تذرا كـ الجبال =صلفن ليا مال الزمن تلقى تحت ظله ذرا ما هو مثل من تعتزي به قال : يا ولد الحلال !!=عقّب صبين لا نخيته قال قول و لا ترا الاوله تلقى الشحم / و الهيل في وسط الدلال=و الثانيه ما تنثني لا يلتفت شبحك ورا خلك كماه و لا تدون و لا تقول : الحظ مال=مثلك ليا من مال به حظه يحيلوا ابه الكرا يا صوتي المبحوح جاوبني ابي رد السوال ؟=انا تعبت من السوال اللي فرا ضلوعي فرا في راسي الكوكب كذا أشياء من رسم الخيال=ماني بـ قايل أغلبه لكن / هذا اللي جرا ؟! أعباء تثقل كاهلي ما هي بـ للطارف محال=كم شال سمحان الحمل كنه على المتن اشعرا الصبر .. بنك الاغنياء اليا بغينا الصبر مال =واليا رجعنا للحقيقه كل خلق الله افقرا !! الروح تتيتم و انا يتيم من بعض الكمال =لله درك يا الشعر سويت حاجه لمن قرا البارحه شكل المطر مدعاة رؤيه للجمال =ما ادري تبخر ذا البحر و الا عيوني تمطرا ؟! لكن / يا صوت البحر أدري بـ أنك لا تزال =تشكي و انا اشكي مير لله البقى و لله البرا وما دام وصلت للخشوم و لا ورا خشمي مجال =يعني ترا اللي بـ الثرا أطيب من اللي ع الثرا
التعديل الأخير تم بواسطة رعد الجبوب ; 24 Oct 2012 الساعة 03:37 AM
|
04 Oct 2012, 09:00 PM | [ 2 ] | ||||||||
مؤسس شبكة الشدادين
|
رد: احترامي للرجال !!
حياك الله أخي الشاعر عبدالرحمن ويا هلا بك معنا في منتداك مصافحة جزيلة من شاعر كبير ومتمكن صح لسانك ولا هنت يا بعدي وننتظر منك المزيد |
||||||||
|
|||||||||
04 Oct 2012, 09:06 PM | [ 3 ] | |||||||
عضوة متميزة
|
رد: احترامي للرجال !!
قصبدة تحمل كل معاني الرجولة بارك الله فيك عبد الرحمن |
|||||||
|
||||||||
06 Oct 2012, 03:53 AM | [ 4 ] | ||||||||
|
رد: احترامي للرجال !!
حياك الله أخوي عبدالرحمن وصح لسانك واعتلى بالخير شانك ولاهنت ع القصيدة الجزلة |
||||||||
|
|||||||||
09 Oct 2012, 06:13 PM | [ 5 ] | ||||||||
عضوة متميزة
|
رد: احترامي للرجال !!
رائعة أخوي مصافحتك صح لسانك واعتلى شانك سلمت ولا هنت |
||||||||
09 Oct 2012, 09:02 PM | [ 6 ] | ||||||||
|
رد: احترامي للرجال !!
مرحبا تراحيب المطر ياعبدالرحمن والله يحييك من ممشاك لملفاك شاعر جزل ومتمكن بنتظار جديدكك |
||||||||
|
|||||||||
24 Oct 2012, 01:43 AM | [ 7 ] | |||||||
شاعر
|
رد: احترامي للرجال !!
اعضاء شبكة الشدادين البقى على هذا الترحيب المُشرف و الغير مستغرب منكم صح الله ابدانكم ، مروركم اعذب ك تواجدكم دمتم وداً |
|||||||
24 Oct 2012, 01:49 AM | [ 8 ] | ||||||||
|
رد: احترامي للرجال !!
صح لسـانك ملايين ولايسدون ولاهنت ياعبدالرحمن حياك الله وبياك وجعل الجنة مثوانا ومثواك |
||||||||
|
|||||||||
24 Oct 2012, 01:54 AM | [ 9 ] | ||||||||
شاعر
|
رد: احترامي للرجال !!
يعني ترى اللي ع الثرا أحسن من اللي ف الثرا صدقت يابو داحم وحياك في منتدى الشدادين وانت شاعر جميل اعرفك بمنتدى آخر ومن نجومه ايضاً صح لسانك ويامرحبا بك تحياتي |
||||||||
|
|||||||||
13 Mar 2013, 12:39 AM | [ 10 ] | |||||||
شاعر
|
رد: احترامي للرجال !!
البقى اخوي سائر و صح الله بدنك و انت اهلاً ب التشريف دُمت بخير . . البقى الشذى و صح الله بدنك وافر الشكر ل تواجدك , |
|||||||