باقة ورد للسلطان

ادارة واعضاء وزوار
منتدى الشدادين
هذي القصيده
(هديه للسطان)
من
(سفير و شاعر)
ويستاهل العلم الغانم

ارسل سلامي من سفير وشاعر=ياصل بباقة ورد للسطان
ذيب ولد ذيب وبليغ ونادر=ومشرع البيبان للضيفان
لا اقفيت عنه ولا نويت اكابر=شرواه يكرم عن خنى النقصان
لكن تجهزت ونويت اسافر=ويمكن نعود وكن شي ماكان
ونعمين ياربعي وانا الي شابر=خوة نشاما بين قدر وشان
لفيت حلتكم حشيم وعابر=واخذتني الخطوه وانا عجلان
وياعزوتي سلطان ماني خابر=الا الصفا وانا لكم شفقان

صح لسانك وارتقى بيانك شاعرنا القدير
قصيدة جزله من شاعر جزل وونعم بالمادح والممدوح
أبا عبدالله يستاهل كل خير .
لم تطوع الابيات وتروض الكلمات ياشاعرنا الا في من يستحقها .
لله درك وصح لسانك .
تعود بالسلامة .

صح لسانك
انشهد انها قصيدة جزلة وتستاهل التميز
ونعم فيك وفي معزبنا السلطان
وعذرك مقبول
وفي انتظار عودتك لنا

الاخت
(شيهانة المرقاب )
السلطان
اخونا قبل كل شي
وفعلا يستاهل كل خير
وجلستي الان امام الكمبيوتر
من اجله
واعذروني على القصور
شاكر ومقدر تفاعلك وشعورك الطيب
ودخولك بين حين واخر على صفحاتي المتواضعه
تحياتي

الطاري
صح لسانك وارتقى بيانك شاعرنا القدير
قصيدة جزله من شاعر جزل وونعم بالمادح والممدوح
أبا عبدالله يستاهل كل خير .
لم تطوع الابيات وتروض الكلمات ياشاعرنا الا في من يستحقها .
لله درك وصح لسانك .
تعود بالسلامة .
-------------------------
اخي العزيز
الطاري
المعذره
تاخرت بالرد(سقط سهوا)
وجل من لا تسها عينه ولا تنام
والاخ سلطان يستاهل ولو انها جت على عجل ولا كان سوينا احسن منها
اما انت يالطاري
فما اسعد الوقت اللي جمعني بك في هذا المنتدى
شاكر ومقدر مرورك وشعورك يسر الله امورك
تحياتي

صح لسانك مدد بلا عدد
ويستاهل طويل العمر كل خير
لاهنت شاعرنا على القصيدة الجزلة

حياك الله يا شاعرنا العزيز
أخ غالي ولك حشمة ولك تقدير
وقد أخجلتني والله بطيب أخلاقك وكرم تعاملك

المنتدى هنا للجميع أيها الشاعر المبدع الجزل
وقلوبنا قبل منتدانا لك ساحة وارفة بظلالها
فأهلاً بك دائماً وأهلاً بعودتك
وصح لسانك ملايين

والشكر الجزيل لأخي العزيز الطاري
ولكل من تابعنا هنا

حيا الله السلطان
والقلب الكبير
اسعدني والله مرورك ياغالي
وحنا بشر قد نخطي وقد نصيب
والاخوه يتنافسون على العلم الغانم
وهذا مالمسناه منكم
ستبقى اخ عزيز ونعم الصديق
اطال الله عمرك وكثر الله خيرك
وبارك لك وبارك فيك
وكثر الله من امثالك
لك مني صادق الدعوات
واطيب الاماني
تشرفت بمرورك
واعذرنا على القصور
يالنشمي
تحياتي

بيض الله وجهك ياعبدالله ووفقك لكل خير