العروس

العروس

:

لبسـوهـا ذهبـهـا وسفـروهـا عــروس =وضيقـو عقبهـا ياسعـود دار الصـبـاح
سافرت عن عيوني والخفوق محموس=وكـــل مابـعـدوهـا زاد قـلـبـي جــــراح
ياصدى عالم افراحـي لحقـك الهجـوس =والهواجيس تسري يـوم جرحـي مبـاح
فـي غيابـك حياتـي للجـروح محـبـوس=وفي حضورك نسانيس المطر والرياح
كـل مـامـر طيـفـك والـغـرام مـحـروس =هلت دموع عينـي وثايـر الشـوق فـاح
اه يـاحـظ يـلـي مــن عرفـتـه عـبـوس=كـل ماطـاب جـرح يجيـه جـرح افتتـاح
الليالـي شـقـاء والـهـم فيـنـي جـلـوس=والـوتـر والقصـايـد فـيــه ماتـسـتـراح
والـدروب الطويلـه واختـلاف النفـوس=والعتـب والهـدايـا والـزعـل والسـمـاح
والظـنـا والرفـاقـه والفـخـر والفـلـوس=ماتـعـوض غيـابـك ياسـبـيـل الـقــراح
والبنـات العـذارء والطـرب والكـؤوس =والعجـايـز معـاهـن لابـسـات الـوشـاح
مايـسـدن عـنــي غيـبـتـك يـاعــروس=لويجـنـي حبيـبـي كــل لـيــل وصـبــاح
شوف جرحي ينادي لك وحالي عبوس=وكل جرحـن ينـادي يالغـلا لـك وصـاح
كان ناوي فراقي هات حـرب البسـوس=خل بين الضلوع حروب جـرح ورمـاح
وكان لك فـي غايـه ياعـذاب الهجـوس=وجه الدرب صوبي عقـب مادمـع طـاح

للشاعر

مبارك بن دغيم الديحاني

رائعة جداً هذه القصيدة
يا مشرفتنا المتميزة حنين

طاب اختيارك لها
والف شكر لك
وتسلم يمينك

.




حُزنْ الفُراقْ
وَ ألَّمْ وَ جروُحٌ داميَّة !
صَّح الله مَنطوُقْ الديحَانيِْ المُتقَاطِر حُزناً وَ ألماً
وَ يَعيِشْ ذوُقكِ يَ احنيِنْ لا حُرمنا جميِلْ مُختاراتكِ


+