إعلان القصائد المشاركة في مسابقة المواهب

بسم الله الرحمن الرحمن الرحيم

الحمد لله رب العالمين والصلاة والسلام على اشرف الانبياء والمرسلين

نبينا وسيدنا محمد وعلى اله وصبحه اجمعين ....اما بعد

اسعد الله اوقاتكم بكل خير ...مساء يرسم الابداع والروعه

للجميع

انتهت بحمد الله الفتره المحدده لمسابقه قسم المواهب

والتي سارت بكل نجاح

ويعود الفضل بعد الله إلى شعرائنا واعضائنا المبدعين

والذين ابهرونا بروائعهم وابدعاتهم التي تحمل الكثير من الجماليات

واترككم الان مع قصائد نجومنا وشعرائنا المبدعين

وساطرح لكم القصايد على حسب وصولها من الاعضاء...


القصيده الاولى

للشاعر ابن مهرس 911

صحت بعالي الصوت مابيك=دور على غيري احسلك
ماعاد لي خاطر(ن) فيك=كرهت ذكرك والقلب ملك
منت بكفو واحد (ن) يشريك=تخون وتقول أنا خلك
ماكون رجل لوما أربيك=واذوقك كاس الغبن وأذلك
ماني غشيم يانعنبوحييك=انا افهمها قبل تاصلك
دور غيري كان يمديك=بطنشك وصمتي يقهرك ويغلك
وأحذر درب (ن) للمهالك يوديك=وتدفع ثمن خطاك الحالك
زمانك ماهو دوم (ن) يسليك=يجيه وقت يقهرك ويعلك
وتلتفت ولاحولك من يداريك=وحيد ولامعك كود ظلك
ازين لارضى ظلك يماشيك=يخاف ياخذ صفاتك ودلك
بعدها تعرف قدر مغليك=بتندم ويحرم علي اغفرلك

القصيدة الثانيه

لشاعره فاقده ابوها

الطير سلمك المسابيـق واهـداك=هديتـن ماهيـب مثـل الهدايـا
سلمك قلبه وزعل النفس وارضاك=يرضيك لوتزعل جميـع الخلايـا
واحتار ماهو عارفن وش نوايـاك=حاير محير الماء بجوف الركايـا
مدري يموت وينحسب من ضحاياك=ولايصيـر اول عتيـق الضحايـا
ان عاش ماضنيت يدله وينسـاك=وان مات من جورك كتبلك وصايا
هذي بداياتـي والابيـات ذكـراك=حلو القصيد اصبـح بيـدي جنايـا

القصيده الثالثه

لشاعر غريب الدار

يقول من سطـر قوافيـة تسطيـر=لعيون خلـه قـام ينظـم دررهـا
القاف اسوقه مثل سوق المغاتيـر=يوم المزايـن والعـرب تعتبرهـا
من شان من يخلف جميع المعايير=يجلى عن النفس الحزينة كدرهـا
دعج العيون وساع مثل الدواويـر=والشفة الحمـرا يزيـدك نظرهـا
والخشم سلة سيف مافيـه تغييـر=ويضيع فكر اللي نظر في شعرها
والجسم لا جيته تضيـع التعابيـر=تلعثـم لسانـي ونفسـي قهرهـا
ونهودها مثل الصقور المشاهيـر=حامت على فكري وروحي تأسرها
الزين نقطع له طـوال المشاويـر=لـو يسكـن الدمـام والا بحرهـا
نسوق له زرق الدراهـم بتبذيـر=من شان نفسي ما يجي ويعسرهـا
هذي نتيجة مـن تلقـى المساييـر=على بحر ديرة كثير(ن) خطرهـا
وزدتها بالوزن فـي قافيـة إيـر=لعيون خلن قمـت أنظـم دررهـا

القصيده الرابعه

لشاعر محمد العطاوي

نفس الرجل منهيـة ٍ مامـوره=والاجودي خيره يـكف شـروره
والا الضعيف اليا تطاول راسـه=حنيت راسـه حنيـة الباكـوره
يقول كلمـه ماعـرف معناهـا=يصنف العالم حسـب منظـوره
(يقول يالعتبان هاكـم علمـي)=(ماتعرفون اصل الغزل من دوره)
وبعض العلوم اليا نطقها جاهـل=الرد جاهز صـوت والا صـوره
حنـا ترانـا عاشقيـن المهـره=بنت ٍ بقت بين العرب مشهوره
تغضي لنا بالطـرف ونغازلهـا=تعجب وتلفي ماهـي ابمعـذوره
وان كان ماجتنا بطيبـة خاطـر=جت بالفعول اللي مهي منكـوره
الها مهر بالطيـب قبـل القـوه=واشروطها عند العرب مخبـوره
ماكـل واحـد تعجبـه ياخذهـا=ولاهي لواحد فالعرب محجـوره
فالوقت الاول والزمـان التالـي=كم دونها كبد ٍ بقـت مقهـوره
(المرجله) ربعـي لهـا عشاقـه=وبنت الشرف في بيتها مستوره
والا انت خلـك يـاردي النيـه=من بعد ساره رح وغازل نـوره
هـاذا كـلامـك ماظلمـتـك لله=ماني وكيـل العالـم المغـروره
استح على وجهك وثمن هرجـك=واحذر تجيب الكلمه المحظـوره
وماكل علم ن للرجـال اتقولـه=منت بجريده ياولـد منشـوره
واخر كلامي لو يطـول لسانـك=يكفيك قـول الكلمـه الماثـوره
الاولـه مـن طيبنـا ندمحهـا=ماهيـب لحيـة ذل والا بـوره
والثانيه معها مهو مـن شانـك=من شان بعض اصحابنا مطموره
والثالثـه تثبـت لـو اتكررهـا=ضربتك اب يمنن مهي مكسوره
دون القبيلـه مانهـاب امثالـك=والكفو لامن قـام يحمـي دوره
وقفة شرف ماهيب وقفـة ذلـه=والراس راس ولايعـود عـوره
جاك الكلام اللي يبيض وجهـي=والرد يكفي صوت طبق الصوره

القصيده الخامسه

لشاعر meshal

يامن تحسب انك بدنيـاك دليـت=غرك زمانك لين وقتـك جهلتـه
ماهو عيب انـك بدنيـاك زليـت=العيب لوذاك الخطـأ ماعتزلتـه
كل الاوادم مخطيه لـو تحليـت=والله عليم بكـل شـيء عملتـه
بتنزلـك دنيـاك مهمـا تعليـت=دنيـا ويامـا كـم عقـل هبلتـه
قبل الحسايف والندم يطفي الليت=اعرف نهاية دربك اللـي دخلتـه
وتلقى السعادة والهنا كان صليت=وتجلى همومك بعد ما الخيرنلتـه
واحذر تراك ليا تكبـرت ذليـت=واحرص ترى ماضاع جهد بذلته
وإن قلت زاح الصبرطفشان مليت=ابليس وسواسه نجح يـوم قلتـه
هذا كلام ابليس وش عاد خليـت=تطرد ورا الشهوات والاثم شلتـه
وبذكر ربي انت للسيـف سليـت=مع ركعتين تكـون فيهـا قتلتـه
وقل يالله لك الحمد ربي تعاليـت=الهم شلته من ضميـري وزلتـه

القصيده السادسه

لشاعرة شجون

كثَر الله جرح قلبـي فـي غيابـك=وفي غيابي فـرَح الله قلبـك أكثـر
ما بي منك شـيء لاتكثـر عتابـك=خلني بحالي تـرا حيـل الله أكبـر
انكسر قلبي قبـل مااوصـل لبابـك=وانتهى ليلـي وعينـي دوم تسهـر
في خفوقي نبض بالحيل اعتلا بـك=وانخفض باسباب هرج (ن)منك يقهر
جابني شوقي مثل مالشـوق جابـك=وبرجع بشوقي مادام ان غيري أجدر
رغم هذا انـت ياحضـرة جنابـك=اجدب احساسي بعد ماكـان مزهـر
مابغيت أسمع خبر هم (ن) سطا بك=حتى لو روحي من فراقـك بتظهـر

القصيدة السابعه

لشاعر العاني

لا تذكرتك عرفت إني جنيت=من ثمار الحزن ووراق السنين
في شموخ أجبال قلبي لك بنيت=واحةً للحب وبستان الحنين
يالحبيبه في هواكِ كم بكيت=وكل يوماً عن حياتي تبعدين
غير قلبك يا عيوني ما شكيت=دوك قلبي في محبتكِ حزين
لو رضى قلبي بغدرك ما رضيت=لو تعب قلبي بهجرك تفرحين
غيرك إنتي يالحبيبه ما هويت=أطلقي قلباً معه همه سجين
ولو تقول إنك على فراقي نويت=بحرق أوراقي وماضيٌ الدفين

القصيده الثامنه

لشاعر البرينيسي

سلام الله على أهل مسابقات الشاعر الموهوب=لفيناهـم نقـدم شعـر فـي باقـات ورديـة
بدعها شاعر ٍ يبني بيوته مثل بنـي الطـوب=عساها من نجاح اليـا نجـاح ونارهـا حيـه
على الله بأ تكل واباعتمـد والله هوالمطلـوب=طلبتك يالله انـك تحسـن المنطـوق والنيـه
على البحر الطويل أبدع بيوت ٍ نظمها بأسلوب=وتشوف النور في صرح ٍ شمخ في العنكبوتيه
يعيش المنتدى ويبقى على مر الزمن محبوب=جميع أقسامه اللـي فيـه مرموقـه ومنقيـه
لقينا فيه سلوتنـا وماهـو عندنـا مرغـوب=به أقسام ٍ خصوصية وفيـه أقسـام شعبيـه
والاقسام العموميه وتعليم ٍ علـى الحاسـوب=وفيه أقسـام علميـه وأدب وأقسـام دينيـه
يؤرخ مجدنا الماضي وحاضرنا معه مكتـوب=شدادينـن وحـرث كلنـا جمـرة عربـيـه
جميل الهرج وجزاله لموقعنا يجـي مجلـوب=هذا سوق الذهب ماهوبالاسـواق ٍ النحاسيـه
هذا صرحٍ ٍ جمعنا وألف اله قلوب جنب قلوب=ووحدنـا الهـدف وبيوتنـا بالعـز مبنـيـه
ألا يالله تعين أعضاه دعوة شاعر ٍ موهـوب=دعاها يوم جـاء يختـم بيـوت ٍ دبلوماسيـه

نشكر كل من شاركنا وساعدنا في انجاح المسابقه

وسيتم اعلان القصيده الفايزه

الليله في تمام الساعه 11 ونصف مساء

ملاحظه

تم استبعاد 3 قصائد من المسابقه

تحياتي للجميع اخوكم الغربي

	ما شاء الله تبارك الله يا الغربي الموهوبين عندنا كثيرين وفيهم الخير والبركة أنا بغيت أشارك لكن الفكر شارد وعصتني حروفي القصائد كلها تدل على مواهب قوية ولها مستقبل كبير جداً أشكر كل من شارك جزيل الشكر وعز الله ما قصروا ,,, وتسلم يديك يا الغربي والله يعافيك كفيت ووفيت وكنت سبباً رئيسياً في انجاح المسابقة

الله يقوي شعرائنا
وأقول لهم مافيكم حيلة
وصح الله لسانكم جميع
كل واحد بأسمه ....

تنظيم رائع
وقصائد أروع

وأتحفتنا والله
وأظهرت أن عندنا شعراء لايستهانون بهم
وبأذن الله قادمون للساحة وبقووووة ....


الغربي يعطيك العافية على مجهودك الرائع
والتنظيم كان ممتاز وفي مستوى الحدث والمقام ...

قواك الله ياذيبان وكثر الله من أمثالك
تحياتي للجميع

صح لسان شعرائنا وشاعراتنا
وربي يوفقهم
ومبروووك مقدما للفايز


ويعطيك ألف عافيه أخوي الغربي
ونعم فيك وبجهودك الرائعه في رعاية المسابقة







ولي عوده للاستمتاع بالقصائد على مهل!

مـآ شـآء الله تبآرك الله هنـآ ظهر الابداع

رئينـآ شعرآء جدد لهم مستقبل زآهر

أتحفونـآ بروعة قصآئدهم فـ هنيئـآ لهـم جميعـآ


أبآرك لك من فآز بهذـه المسآبقه الجميله الرآئعه


فـ ألف مبروك من آلآعمـآق لجميع آلفآئزيـن


والشكر أيضآ موصول لصآحب الفكرـه وصآحب المجهود الرآئع

الغربي مـآ قصرت يا أبو عبيد مسآبقه رآئعه وتنظيـم جميل جدآ


أعذرني لم أشارك لظروف تخصـني والاجمل قآدم بأذن الله



مودتـــــي

السلام عليكم ورحمة الله والله كان بودي المشاركة بس حصلت ظروف انشغلت بها بس ان شاء الله في الفرصة القادمة واسال الله العظيم ان يوفق شعرائنا الذين تقدمو بقصائدهم واقول لكم يا شاعرات نبغى تفوق اوكي يالله همة ...........همة ............همة ..........همة ............همة يا بنات .:chkmk_ant
الله يوفقكم ان شاء الله

ما شاء الله تبارك الله الله يعين لجنة الاختيار

لأن كل قصيدة تحوي رونق خاص وذوق رفيع

الله يعطيكم العافيه وعساكم على القوة ويبارك فيكم

مدري يموت وينحسب من ضحاياك
ولايصيـر اول عتيـق الضحايـا
ان عاش ماضنيت يدلـه وينسـاك
وان مات من جورك كتبلك وصايا


أعجبتني وأقتبستها بدون قصور في القصائد الأخرى


صح السان الجميع وفالكم التوفيق


ومشكور يالغربي على التنظيم

قصايد في روعة الجمال ولو ان القصيدة الاولى تحتاج عناية
والله يوفق الجميع واشكر الاخ الغربي القائم على هذه المسابقة
ولو كنت املك اللقب لمنحته لعموم المشاركين المبدعين
ولكن هذه الابيات في روعة الابداع وصح لسان شاعرها
على البحر الطويل أبدع بيوت ٍ نظمها بأسلوب
وتشوف النور في صرح ٍ شمخ في العنكبوتيه
يعيش المنتدى ويبقى على مر الزمن محبوب
جميع أقسامه اللـي فيـه مرموقـه ومنقيـه
لقينا فيه سلوتنـا وماهـو عندنـا مرغـوب
به أقسام ٍ خصوصية وفيـه أقسـام شعبيـه

قصائد غاية في الجمال ..

وهذا دليل على أن مستقبل الشعر في المنتدى

سيكون بألف خير ..

صحت أفكار والسنة المشاركين من المواهب

والشكر كل الشكر للقائمين على المسابقة