توديع الاحباب

ما اقسى ظروف هذه الدنيا وما اقسى القلب

إذا تعلق في حب دارٍ اخرى غير داره

لم يتعلق فيها من جمالها بل من اجل محبوبته التي تسكنها

كنت في دارها ولكني اشتقت إلى دار ابي وجدي فأعزمت على السفر

وهي تقول لا ترحل ابقى بجانبي...وانا اقول ولماذا لا تذهبين معي انتي

خيال واسع وافكار غريبه ودموع الوداع ...وآهآت الشوق تمنكنت علي حينها

يالغاليه قلبي من الهم منصاب=حان السفر وهموم قلبي ثقيله
يالغاليه ياشين توديع الاحباب=ومصاحبة سود الخطوط الطويله
يالغاليه دمعي على الخد سكاب=تقلين سيلٍ منحدر من مسيله
ابكي واعاتب والزمن صار كذاب=يحرم عيون الخل شوفةٍ خليله
ياليتنا من بعضنا دايم اقراب=واضم صدرك كل يومٍ وليله
مير الزمن دايم مخادع ونصاب=خلاني اسافر واكب الجميله
الجادل اللي حبها والغلا ذاب=في وسط دمي والعروق النحيله
يالعنك يادنياً بها البعد غصاب=دايم يجينا دون محنا نجيله
دايم يخلينا بالحاله اغراب=والكل منا وسط قلبه مليله
حان السفر والقلب بالحزن منصاب=حان السفر يم الرموش الظليله
حان السفر والدمع يجتاح الاهداب=والنفس مخنوقه وحالي عليله
مع السلامه دام نور الامل غاب=وسافرت عن دار الهنوف الجميله

مع السلامه ...مع السلامه

مع السلامه...دام نور الامل غاب

الغربي

صح إلسانك مدد بلا عدد وبيض الله وجهك يا الغربي

شاعر جزل وما أنت توك موهوب أنت قمه .

شكرا لك

صح لسانكـ ملايين يالمبدع

شهادتي فيكـ مجروحه يالشدادي

وفالكـ الطيب

أخي الغربي كلمات تحمل معاني كبيرة وقيمة

ولكن يجب علينا أن لاتأخذ نصيب الأسد من إهتماماتنا ويجب أن ننظر لما هو أهم
لأنه من الصعب التخلص من هذه الأمور عندما تتمكن منا ولكن يجب أن نكون أقوى منها

وجاهدة النفس إختبار صعب لايتمكن منه إلا الشخص القوي

أتمنى لك التوفيق والنجاح وأن تكون جبلاً صامداً أمام كل تحدي

ياسلام عليك يالغربي ابداع
وخيال جميل وعشق وشوق
كلها بقصيدة واحده صح اللسانك
ملايين ولاهنت ...

وتعال بسرعه لانجي نجيبك

		المشاركة الأصلية بواسطة : بندر النايف اقتباس
	صح إلسانك مدد بلا عدد وبيض الله وجهك يا الغربي شاعر جزل وما أنت توك موهوب أنت قمه . شكرا لك

صح بدنك يابندر ولاهنت على حضورك الراقي

دمت وادم لنا تواجدك العطر

تحياتي

بصراحة إبدااااااع لا منتهي
ماشاء الله تبارك الله
في كل قصيدة نشوف إبداااع ورقي ..

مهندس الكلمة .. دام إبداعكـ وعطائكـ
وصح لسانكـ ملايين ..

		المشاركة الأصلية بواسطة : الجازي اقتباس
	صح لسانكـ ملايين يالمبدع شهادتي فيكـ مجروحه يالشدادي وفالكـ الطيب

صحت ابدانك يالجازي

ومشكوره على مرورك المميز

تحياتي الغربي

الغربي


والله مبدع قصيدة تحمل في معانيها الوداع ومصاحبه بعيد الطرقات


والخيال الواسع أن ترافقك من تحبها وتحبك,


لله درك يالغربي

مبدع مبدع مبدع يالغربي

صح لسانك يا ذيبآن وانت قلتها بنفسك

يآ شين توديع آلآحبااب


لا هنت يا مبدع ..