..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > القصص الشعبية والتاريخية
 
أدوات الموضوع
إضافة رد
قديم 10 Dec 2007, 04:12 PM [ 11 ]
عضو متميز


تاريخ التسجيل : Nov 2007
رقم العضوية : 4673
الإقامة : saudi arabia
مواضيع : 403
الردود : 6724
مجموع المشاركات : 7,127
معدل التقييم : 29ابن مهرس2008 is on a distinguished road

ابن مهرس2008 غير متصل


مـجـمـوع الأوسـمـة : 2
عضو مخلص

المشاركة في احتفالية العام التاسع




يعطيك العافية اخوي البدر فمررك يضفي على الموضوع جمالا 0 تقبل تحياتي0

اخوك ابن مهرس2008


الأعلى رد مع اقتباس
قديم 11 Dec 2007, 09:44 AM [ 12 ]
عضو متألق


تاريخ التسجيل : Jul 2005
رقم العضوية : 290
الإقامة : saudi arabia
مواضيع : 16
الردود : 114
مجموع المشاركات : 130
معدل التقييم : 25$ابوبصيــــــــــص$ is on a distinguished road

$ابوبصيــــــــــص$ غير متصل




بسم الله الرحمن الرحيم

و الصلاة و السلام على أشرف الأنبياء و المرسلين ، نبينا محمد و على آله و صحبه أجمعين و بعد :

ـــ أخوي / ابن مهرس .

مشكور على هذا الجهد ، وعلى ما أذكر إن كاني صاز إن هذا الموضوع قد قريته قبل العام أو العام و اللي كاتبته {{ المستحيلة }} .

ـــ و القصة اللي سمعتها من شيبانا عموماً ومن أبوي خاصة على هذا النحو :

بقولها زي ما سمعتها من أبوي <<< وهذا ليس دليل على أنها صحيحه مئة بالمئة .

{{ هذلا مديد للباشه معودين من الحج ومعهم أميرهم التركي ، وكان معهم ولد توه متزوج وكان ممشاه معهم علشانهم متوجهين على دربه ، فقال خلني أمشي معهم آمن لي ولحرمتي و لحلالي .
ويوم جا مره وهي تقوم تمازح رجالها ، قالت عان يفلان والله لو أصيح أبيعك إن محد يشريك مار احمد ربك اني اخذتك ، قال صيحي . وهي تقوم تصيح من يشري العبد ، من يشري العبد هذا . ولا أحد ناظر فيها ولا فيه .
ويوم جا عقبه بنهار مدري ادون ، وهو تضحك علاه يومن محد سامه حتى ، قال تراك حليتي والله محد يشريك . قالت ورني جيدك . وهو يقوم يصيح من يشري البنت هاذي براسه كله .
وما وقعت الهرجه ألا فإذن الباشه ، وهو ينادي حرسه قال شوفوا بكم يبي يبيع الجارية .
وهم يروحون له .
قالوا له بكم تبيع الجارية هاذي للباشه ،
آآآيه !!!!!! يوم شاف العلم صز ، قال أبيعها بوزنها ذهب . قالواله : وجب .
وهالحين هاتها بتروح معنا ، ولا وصلنا قصر الأمير عطاك قيمتها .
اليا و الله كن واحد ضاربه ببندق في وجه . وهم يقومون علاها يبون يا خذونها يودونها للامير وهو يطمر علاهم يبا يفتكها منهم اليا و الله ما يحرزهم وهم يفهقونه عنها وقالوا له اما رحت عنا والا ذبحناك ، ولا ربحت لا جارية ولا دراهم .
وهم ياخذونها ويودونها مع حريم الباشه و خدمه .
وهو يروح للباشه وهو يطرده ، قال تروح معنا لين نعطيك ثمنها ثم تطس عنا ، وهو مهوب معطيه ثمنها بس كان يبغى يسكته لين ياصل قصرة .
و الله يقوم يتبعهم ، لا عنده حيلة ولا له قوة يفتكها ، ويوم وصلوا قصره {{ مدري وينه فيه }} وهم يدخلون حاشية الأمير كلهم يوم جا يازا معهم وهم يردونه . وهو يصيح على الأمير و الأمير يسفهه ، يحايلهم (( منا منا أبكم يا يا )) اليا و الله محد يجيبه .
المهم أخذوا حرمته وودوها لغرفة حدى هالحريم ، اليا فيها هاك الطاقة ، وهي تظهر راسها معها ، وتقوم تعيّن رجالها ، يوم قالت كه الياه مناحر لواحد من جدران القصر ، قاعد حاط يدينه على راسه ويتهشم .
وهي تصيح علاه (( فلان فلان )) وهو يوحيها ويغير جهده ، قالت افتكني لا رحم ابوك ، قال ازريت بالعنى ولا لي فيهم حيلة .
وهي تجلس تسبره ، وتقوم وترمي خاتمها علاه يعني اذكرني ابه .
وهو ياخذ الخاتم ويسبرها ويسبر الخاتم ويقوم يبكي ، يوم حس انه عجز عنها وانها خلاص راحت منه وهو يقول :

{{ الخاتم اللي في يدي ويش ابي به **** مغـار أعاين فيه والـفـايـدة ماش }}
{{ اللي يـصيح في الخلا من يجـيـبه **** واللي على حد السما كيف يناش }}

والبيت الثاني الشطر الأول معناه : اللي ينادي في خلا ما عنده أحد من بيجاوبه ؟؟

ـــ الحريم منول جيدات ويثورن الريجيل ، المهم ردت عليه وقالت :

{{ البعد ما رد الفتى عن صحيبه **** والقرب ما ينفعك فالصاحب اللاش }}

يوم اوحاها وهو يركبه هماً على همه ، كيف يبا يظهرها من القصر ويعلــّــق باهله وهو ينكف على عمره .
مدري اي حين علاه وهي تمره عجوز وهي تقوم تسبره الياه ولد منكف على عمره مناحر لقصر الباشه ، وهي تميّل علاه . يا وليدي فيك شي ، تونس شي ، ضايعٍ منك شي .
وهي يلتفت علاه ويقول لها روح عني وراك انتي يا الاخرى . والعجوز تويد علاه ، اجل جاري علاك من الامور شي ، علمني تراني نقذتن لك . ويوم سمعها قال والله يوم نشدتيني فهاذي قصتي .
يوم اوحتها قالت عان و الله ما يفزعلك في هاذي الديار كلها ألا الله سبحانه ثم :

{{ عــــيــــــد الــــقـــــصّـــــاب }}

قال وين ابلقاه ، قالت عانه في السوق ، مار احرص لا يوحيك أحد .

وهو يغير للسوق ، يوم طبه قعد يدوره هو وينه فيه ، يوم أخذ شوي لاه يوحي هاك الحس

(( لحـــــــــــــــــــم لحـــــــــــــــــــم يا شـــــــاري اللـــــــــحـــــــــــــم ))

يوم تعين لا هاك الرجال ، الذبايح معلقة عنده والدم مالي ثيابه وشنباته موقفة والسكين في يده و شكله يروع القلب ، وايقن أنه هوه .
يوم ما شاف عنده أحد وهو يغير له . ويبا يكلمه بس ذل . وعيد يسبره قال تبا لحم يا ولد .
يوم قاله والولد يتجرى وهو يقول :

{{ يا عيد انا من عيدكم عام الاول **** وانا مثل وطاي جمرةٍ ما دريبها }}
{{ إن بـيـنـتـها بانت لشماتة العـدا **** وإن خليتها ما يبرد الما لهـيـبها }}

وهو يقحص الياه شاصٍ على رجوله وهو يرد علاه :

{{ إن كان بسوق المال حنا نسوقه **** وإن كانت بحد السيف والله لجيبها }}

وهو يقول لا و الله بحد السيف يا عيد .

ويوم علمه بالعلم . قال عيد خذ هاذي الفرس واحترني في المحل الفلاني و لا يزل منك زاله .

ويوم طاحت الشمس وعيد ينسف ذبيحه على ظهره وهو يروح ابها للقصر ، وهو يطق على الحارس قال من . قال أنا عيد القصّاب جايبن لكم لحم . وهو يطمع الحارس ما يدري انه هو الطماعة . ويوم فتح الباب وعيد يلزمه ويطرحه ويذكيه . وهو يروح للاخر ومثل .
وسبعة يجلدهم هاك الليل .
وهو يدخل القصر يوم تعيّن للباشه يتلبّس ، يبا يضوي على حرمة الولد .

وهو يظهر رمح مدري سيف مدري شلفاً معه وهو يلهبه ابها اليا أطول ما فيه كراعه .

وهو يقوم يدور في الغرف لين لقاها وهو يشتالها معه ، ويوم جا عند البوابة وهو يسكرها خلافه علشان محد يدري .

وهو يروح ابها للولد . قال عان لا يصبح علاك الصبح وانت في هالديرة ، أنحش لا رحمت والله لن لزموك ليذبحونك انت وياها .
والولد يستردفها معه وهو يعلـّـق باهله .
وعيد يعود لبيته كن ما صار شي ، يوم اصبح الصبح ويروح الفران يودي خبز القصر اليا والله ما فتح له احد . يوم جا قبل الظهر والعالم تستشك وهم يطمرون يوم دخلوا لا والله ملعمدينن كلهم .
والدنيا تلج ، ذبح الامير ذبح الامير ، وعيد في محله في وسط السوق يصيح :
{{ لحــــــــــــــــــم لحــــــــــــــــــــــم لا على عيد من الناس و لا على الناس من عيد }}

ليا العجوز عنده قالت ايييييه : يا عيد أخافك الضاوي و الا القعيد .
الضاوي منول هو اللي يقوم بالسرقة أو الذبحة .
والقعيد هو اللي يقعد خلاف العرب يراقب له ويعلمه ان كان فيه احد جا .

يوم اوحاها عيد . قال : تعالي تعالي يا خاله ، ابعطيك لحم .
والعجوز المهبولة تجيك تسحّب تدور اللحم ، يوم اقربته . قال تعالي داخل المحل نقي لحمتك .
وهي تدخل . وهو يفتح غطا هاك القدر اللي ماجا كبره ، وهو يشتاله ويكفتها في وسطه ويطبق علاها . وهو يقوم يصيح :

{{ لحــــــــــــــــــم لحــــــــــــــــــــــم لا على عيد من الناس و لا على الناس من عيد }} .

وهذا اللي اوحيته وسلامتكم أجمعين .

أخو أبو بصيص .


توقيع : $ابوبصيــــــــــص$


لمراسلة ابوبصيـــص إضغط هنا
الأعلى رد مع اقتباس
قديم 11 Dec 2007, 10:58 AM [ 13 ]


تاريخ التسجيل : Oct 2007
رقم العضوية : 4260
مواضيع : 25
الردود : 147
مجموع المشاركات : 172
معدل التقييم : 25ماجد الشلاحي is on a distinguished road

ماجد الشلاحي غير متصل




مشكور اخوي الغالي على القصة

الأعلى رد مع اقتباس
قديم 11 Dec 2007, 11:28 PM [ 14 ]
عضو متميز


تاريخ التسجيل : Nov 2007
رقم العضوية : 4673
الإقامة : saudi arabia
مواضيع : 403
الردود : 6724
مجموع المشاركات : 7,127
معدل التقييم : 29ابن مهرس2008 is on a distinguished road

ابن مهرس2008 غير متصل


مـجـمـوع الأوسـمـة : 2
عضو مخلص

المشاركة في احتفالية العام التاسع




شكرا اخوي ابو بصيص على المداخله والمرور الاروع ولاهنت يا ابن العم 0 تقبل احترامي0
====== ماجد الشلاحى ولا هنت يالذيب 0 تقبل تحياتي 0

اخوكم ابن مهرس 2008


الأعلى رد مع اقتباس
قديم 30 Mar 2017, 07:39 PM [ 15 ]
عضو جديد

تاريخ التسجيل : Mar 2017
رقم العضوية : 75939
الإقامة : saudi arabia
مواضيع : 0
الردود : 1
مجموع المشاركات : 1
معدل التقييم : 25سطامممم is on a distinguished road

سطامممم غير متصل


رد: قصة شجاعة ودهاء


مساء الخير القصه اخوي ليست كما ذكرت انما هي كما اقتبست لك ومعروفه ومتداوله ومسجله با اشرطه ) وللتاكيد البيت الذي اوردت يقول (ان بينتها بانت لشماتة العدا) هذا بيت للمهادي القحطاني وليس كما ذكرت وهذي هي القصه الحقيقه جرت على رجلٍ يدعى «العبيدي» من قبيلة حرب، وكان هذا الرجل صاحب نخلٍ كثير ويقع في وادي الفرع بين مكة المكرمة والمدينة المنورة على الطريق السريع الآن. وكان الناس قديماً يعتمدون في معيشتهم على التمور فيذهبون إلى الأحساء والى العراق والى بيشة للحصول على التمور ويسمى ذلك «كيل»، وهو وقت صرام النخيل.

جاء جماعة على رأسهم عقيدهم، أي كبيرهم، ويقال إنهم من قبيلة عتيبة، أتوا إلى العبيدي لشراء ثلاثين حملاً من التمر. رحب بهم الحربي وأكرمهم وعندما أخبروه بطلبهم أعد لهم التمر وجهزه لهم وكان بمبلغٍ كبير. عندها قام عقيدهم بخلع خاتم بيده وتقديمه للحربي قائلاً له: احتفظ بهذا الخاتم حتى نحضر لك ثمن تمرك. فقال الحربي:

الخاتم اللي في يدي ويش ابيبه
ما غير أفكر فيه والفايدة ماش
واللي ورى شط البحر وش يجيبه
واللي معلق بالسماء كيف يناش
فرد عليه كبيرهم قائلاً:

اللي يسوي الطيبة من نصيبه
يلقى بها قدمه معاميل وفراش
والبعد ما ينحى الفتى عن صحيبه
والقرب ما ينفعك بالصاحب اللاش
عندها قال الحربي: نعم صدقت، خذ التمر واذهب.

وفعلاً أخذه وذهب وبعد فترة أرسل إلى الحربي قيمة تمره. وكل منهم لا يعرف الآخر. ولم تكن هناك مكاتبات ولا إسناد رسمية.


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
شجاعة أسد أبو رزان المقناص ولوازم الصيد وحياة الطبيعة 6 28 Aug 2009 02:08 PM
شجاعة رجل صمـت الـحروف منتدى القصص والحكايات 4 22 Mar 2009 09:50 PM
شجاعة .... أم.... وقاحة..؟! سيدة الأشجان النقاشات والمواضيع الهادفة 13 05 Sep 2007 02:36 PM
صياغة القوة أبويزيد القسم العام 5 31 Jul 2006 06:42 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

05:45 PM
Powered by vBulletin® developed by Tar3q.com