عزي لمن حده زمانه عن الطيب

بين الفراق وبين صوت المكاتيب =أموت وأحيا والسبايب رساله
الحرف يشعل وسط قلبي لواهيب =كل ما يزيد البرد زاد اشتعاله
مثلي يرتب زين الأمثال ترتيب =وأوسع من الأرض العريضه خياله
عزّي لمن كثرت عليه العذاريب =والحظ خانه وانهك القل حاله
وعزّي لمن حدّه زمانه عن الطيب =والعوز طال اللي بقا من حلاله
وعزّي لضيفٍ ما حشموه المعازيب =شاف المهانه عندهم والرزاله
وعزّي لشيخٍ يوم بيّن به الشيب =الوقت عاقه واقطعوا به عياله
وعزّي لمن مثلي جروحه معاطيب =عانا من المرين .. وأوشك زواله
وعزّي لمن يعشق وهو خالي الجيب =يموت حبه .. والسبب قل ماله
وقت الرخا كلٍ يعرف المواجيب =والطيب يظهر قبل يأتي مجاله

سلمت ذائقتك الشعريه الفذه

طرح راائع وابيات في قمّة الجمااال

الله يعطيك العافيه

تقبلي مروري وخاالص ودّي

حياك الله
يا ضياء
واشكرك على هذا المرور

قصيدة ولا أروع
واختيار في قمة الذوق
سلمتِ يالغالية والله يعطيكِ العافية

تسلمين ياشيهانة وَ تسلم الأيادي ، لاخلا وَ لاعدم ..

يامرحبا وغلا
يابنت النشامى
وتسلمين ياعمري

يامرحبا
فيك يالغالية يا زهرة
وتسلمين على المرور ولاهنتي

طرح بمنتهى الروعه
سلمت يدآك على هذآ الإبدآع
لآعدمنـآ هذآ التميز
يعطيك ربي العآفيه

استكناااان

شيهانة المرقاب
بيض الله وجهك وصح السانك وقلبك
على الانتقاء الراقي وألف لاهنتي
يالاجودية
لك اعذب التحايا

انتقاء جميل وعذب ولا أروع يا مشرفتنا
الشيهانة

تسلم يديك والله يعافيك
وألف شكر لك