اخذ العبيطة ودها يم خرخير

لا واهنيك ياسعد بالمشاوير=يجنك الستات يستاجرني
يستاجرن ويدفعن الدنانير=انا معي بلاش مايركبني
قدم لنا خدمه وانا اذكرك بالخير=اظن تقدر كان ماخاب ظني
اخذ العبيطه ودها يم خرخير=اقلع مداها جعلها ماتثني
ملفها كله محاظر وتقرير=زودن على عصيانها تمتحني
نبغى لها تاديب ماهو بتعزير=كم ليلة سجلتها غياب عني
اظنها تشهد حضور الطوابير=يمكن تصير مع المواعيد فني
وارجع وجمع لي جميع الفواتير=واخذ جميع اللي خسرتوه مني

		المشاركة الأصلية بواسطة : انحش جيتك اقتباس
	لا واهنيك ياسعد بالمشاوير=يجنك الستات يستاجرني يستاجرن ويدفعن الدنانير=انا معي بلاش مايركبني قدم لنا خدمه وانا اذكرك بالخير=اظن تقدر كان ماخاب ظني اخذ العبيطه ودها يم خرخير=اقلع مداها جعلها ماتثني ملفها كله محاظر وتقرير=زودن على عصيانها تمتحني نبغى لها تاديب ماهو بتعزير=كم ليلة سجلتها غياب عني اظنها تشهد حضور الطوابير=يمكن تصير مع المواعيد فني وارجع وجمع لي جميع الفواتير=واخذ جميع اللي خسرتوه مني

صح الله لسانك ولا هنت وإن شاء الله سعد ما يقصر معك

قصيده رايعه بمعنى الكلمه تستحق إلاشاده بدون مجامله من شاعر

حجم بسيس ابن حديد رحمه الله عليه

صح لسانك..نص في قمه العذوبه والجمال الشعري..

تقديري
0

شكرا لكل من شجعني وخصوصآ خيال الشدادين اللي نسبني للشاعر الكبير المرحوم بسيس ابن حديد تحياتي للجميع

حياك الله يا شاعرنا ويا هلا بك أنت وقصيدك
والله يحييك في منتداك ومنتدى ربعك وعساك على القوة
وإن شاء الله يرد عليك سعد بن دغيليب حتى لو يستعين بصديق
ننتظر مشاركاتك القادمة
وننتظر منك الجديد دائماً
فأهلاً وسهلاً ومرحباً لك

صح لسانك
قصيده رائعه
والله يعينك ودها ابعد من الخرخير

صح لسانك خيو
بأنتظار جديدك..............

صح لسانك

...........................