وقفات مع إبداعات متعب التركي

اسعد الله اوقاتكم بكل خير

ماجلبت لكم هو إبداع حقيقي لشاعر كبير وجميل


لايوجد متذوق او شاعر الا ووقف مع قصائده ورددها شاعر فقده الشعر

هو شاعري المفضل والاول بلا منازع (( متــــــــــعـــــب التركـــــــــي ))

نسأل الله له الثبات والتوفيق


..........................

قبل اسافروتنسى جيـت اسلـم عليـك=جيت ابي عمري اللي اكتشفتـه غـدى
ضاعت اجمل سنيني من عمايل يديـك=اكذب ان قلت راحت لاجل عينك فـدى
فرصة العمر قالوا لا غدت مـا تجيـك=جتني اكثر فرص عمري وضاعت سدى
جرب الخوف مره حـس بـه يعتليـك=وارفع الصوت ماتسمع لصوتك صـدى
تدري اللـي ذبحنـي قولتـك ماابيـك=مابقالـي لـثـاري لوبغيـتـه مــدى
ماهقيـت المشاعـر كلهـا ترتجـيـك=قـل لهابالمفـارق منهواللـي بــدى
هاك دمعة عيـون(ن) باكيـه تشتكيـك=هاك ريح ضمير(ن)مااستـراح وهـدى
مـا تناظرعيونـي زول هـذي وذيـك=مايهزالمسامـع اسـم ريـم وهــدى
قلت ماعادلي رغبـة وشوفـات فيـك=قلت يانفـس طيبـي يفرحـون العـدى
قلت عايف ونفسـي بالخفـا تشتهيـك=عزةالنفس تـدري طيـب ماهـي ردى
خل عينـك تهـل دموعهـاوش عليـك=انت خدك ورود ودمـع عينـك نـدى

ـــــــــــــــــــــــــــــــــ

ماني اعمى بصير بس وش عاد اسوي=مايطيب الجريح ان كـان ماينتـداوى
كن حبه على حدب الضلوع امتطويك=يف ابقوى وانا بيباني قلبـي تهـاوى
شوف قلبي من جروح البعاد متكـوي=عقب ماقلت جرح االعام طاب وتشاوى
يوم ساقوا ركايبهـم وشبيـت ضـوي=ماتخوفت وسباع الخلا لـي تعـاوى
اشهد انه تعكر عقب مـاراح جـوي=مانسيتـه وزولـه للعيـون يتـراوى
زل وقت الوعد ماعـاد فيهـا تـروى=بس انا وانت ياحرف القصيد انتخاوى
قلهـم ياقصيـد لايروحـون تــوي=ماني الي حضوره مع غيابه تسـاوى
رد عني علومـن ماتنومـس عـدوي=قلهم متعب التركـي عليـل وتـداوى

ــــــــــــــــــــــــــــــــــــ

نسيتنـي علمنـي شلـون ابنسـاك=في هالزمن نسيان الاحبـاب عـادي
وشلون لامرت على البـال ذكـراك=وطيفك سرق منـي لذيـذ الرقـادي
وشلون لا قالوا لي الناس وش جاك=من كنت فـي لـذة منامـك تنـادي
وشلون اعيش اللـي بقالـي بليـاك=لا من غدينا كـل واحـد.. بـوادي
لو قلت اداوي جرحي اللي تباطـاك=ماكل جرح يفيـد فيه...الضمـادي
اعلنت حبـك ليـن كـل .. تمنـاك=غلطه وغيري من خطاي استفـادي
لو لي..مثل قلبـك تمنيت..فرقـاك=واكيد قبلك بالجفا.. صـرت بـادي
حلـوه عذاريبـك وحلوه..مزايـاك=حتى بيوم فراقنـا.. كنـت هـادي
كن الليالي ودهـا تكسـب رضـاك=وآنا يطول مع الليالـي .. جهـادي
في ذمتي.. ماهي غريبـة خطايـاك=مبطي وقلبك لـو تنبهـت.. غـادي
سهله على من كان مثلك..وشرواك=مثل الثياب.. يغيـرون .. المبـادي
علمنـي اكره..ذكرياتك..وطريـاك=وانسى من الليلة.. صدوق الـودادي
ولاني بقايل عقبها ..ويـن ابالقـاك=راضي لو ان جروح قلبي .. جدادي
ولا القصايد.. جعلها مـن فدايـاك=لبستها..مبطـي ثيـاب ..الحـدادي
باكر على المخطى يدورن الافـلاك=ونشوف.. من يصعب عليه البعـادي

ــــــــــــــــــــــــــــــ

مرفوض ياللى بعت غيره عشانـه=أزريت عن رد الجزا أوتهاونـت
مابي لك أكثر سد بـاب الميانـه=بانت مع الوقت الخفايـا وبينـت
أنا مثـل خيـال خانـه حصانـه=عذره يقول من الرسن ماتمكنـت
غرّه مع المركاض وارخى عنانه=مخطى وانا غلطان يوم انى امنت
لو كنت وافى ماتخـون الامانـه=ياللى تقول تشيب روحك ولاخنت
ذاك الهوى لو ماشعـرت بحنانـه=ماكنت فـى حلوالقصايـد تفنّنـت
شاعرتزلزل مـن فراقـك كيانـه=لك يعترف مايسكن القلب غير انت
لو كان قلبك صافى الـود خانـه=فى ذمّتى ماهان حبّـك ولا هنـت
أحدٍ يخون وواحد الوقـت خانـه=أنا ترى الثانى وألاوّل تراه أنت ؟

ـــــــــــــــــــــــــــــــ


مقتطفات من شعره ..

البسي لك ثوب غير اللي عليك=من لبس ثوب الغرور اكبر غبي
تحسبين الناس خاتم فـي يديـك=من متى والعاطفه توخذ سبـي
فز لك قلبي وانا قمت احتريـك=والكريم يصير لضيوفه صبـي

.................................................. ..................

وش ينفع اليوم لو جيتينـي بلينـي=كسر الخواطر مصيبه من يجبرهـا
روحي واخلي جروحي منك تدميني=والسالفه لو يطول الوقت ابسترهـا
واليا اسألـوك وش بينـك وبينـي=قولي حياتي قصيده كان شاعرهـا

البارحه مـدري وش اللـي خذانـي=يوم اجنبوعني من الضيقـه اشملـت
جيـت اتكلـم بـس عيّـا لسـانـي=ماكني الا مرتكـب ذنـب واخملـت
الله يسامـح مـن ذكـرت ونسانـي=وانا ادري انـي لاذكرتـه تجملـت
عانيـت وادري كـل طيـب يعانـي=وعلى حساب طعوني الخضر جاملت
ياما خـذوا منّـي ولاحـدٍ عطانـي=من طيبتي في حق نفسـي تساهلـت
عـزاي لامنّـه تجـهـم زمـانـي=يممـت وجهـي للكريـم وتوسلـت
واللي يبـي قربـي وبعـدي لقانـي=امشي على وضـح النقـا ماتختلـت
مرات احس انك معي شخص ثانـي=ومرات احس انك حبيبـي ومازلـت
لاتفرح انك دجـت بيـن المحانـي=لوماتخـون الـذاكـره ماتسلـلـت
عشان ماضيـك الجميـل وعشانـي=حاول تشيل من الوفاءربـع ماشلـت
ماني على خبـرك حبيبـي ترانـي=حتى عـن صغارالامانـي تنازلـت

توديع الاحباب مثل الموت له سكره=ادمي جروحي وشق الصدر منيّـا
والقلب طيرن ضلوع الادمي وكره=لاشاقـه الطلـع لاسلـم ولا حيّـا
مصير الاحـزان تنسانـي تفتكـره=ماكل الايام بيض وسمحـت محيّـا
قل غيرها منت لامجبر ولا مكـره=لاصار ماهو غلا مابيلـك احميّـا
لوفي يدي شي ماقلت الوعد بكـره=حزمت حدب الضلوع وقلتلك هيّـا
لوكل غالي تجي دايم علي ذكـره=ماصرت اشوفك هناك وحبك هنيّـا
ياليتني لابغيت اكره قـدرت اكـره=ماكان قلبي اللياجيت اكرهك عيّـا
مادامك معيف رح لكن علي فكـره=ماقلتلى ليـه دمعـك سـال منيّـا

ماهـو خطاعشـان ادور معاذيـر=ولاهوغلط عشـان ادور صوابـه
اليوم تـوه عـود لوكـره الطيـر=واصبح يشوف العالم اكثر رحابـه
مستغربين انه ملى قلبـي الخيـر=ليه الغرابة! وين وجـه الغرابـة؟
تعبـت ادور للخطـاوي مشاويـر=ليـن التعـب زاد الليالـي رتابـة
يبكي فرح من شاف بعض التباشير=معـذور لـو دمعـه يبلـل ثيابـة
من كنت بأول خامسة طفل صغير=كنت امتلي حزن وغموض وكأبـه
كنت أشعر اني غير والمدرسه غير=هيمان في جو النبـي والصحابـة
كنت المح بوجـه الليالـي تعابيـر=وأقراء همومي قبل أعرف الكتابـة
بالنفس كان لبعض هالأمـر تأثيـر=والليلة اهون مـن جنـاح الذبابـه

ــــــــــــــــــــــ


وأخرى لاتقل روعه ..

مشكور يا بايع مشاعـرك مشكـور=العام ذنـب وهالسنـه ذنـب ثانـي
وش عاد اقول ولا بقى شي مستور=ما طعتني يوم ابتسـم لـي زمانـي
لا تعتذر لو خاطري منك مكسـور=لا تفتكرنـي دام قلـبـك نسـانـي
لا لا تقـول ان الليالـي لهـا دور=شف من هو اللي كان فينـا أنانـي
مدري تصنعت الغلا زور في زور=مدري انا اللي حيل كنـت متفانـي
مثل العما ما تنفعـه طلعـة النـور=النـور بعيـون العمـا مـا يبانـي
عندي خبر لو جاك من يمي قصور=لأقول انا مخطـي وربـي جزانـي
لو شفتني قاسي عليك انت معـذور=شفني من أول جرح لا زلت أعاني
انا بشر مثلك لي احساس وشعـور=واغتـاظ لا مـس الكـلام بكيانـي
حتى وانا في قمـة الغيـظ مقهـور=بعض الحكي عيـا يقولـه لسانـي
ابقولها لو قلت لي صابـك غـرور=ما فيه احـد ياخـذ بقلبـك مكانـي
العام قلبـي فيـك هايـم ومجبـور=العـام لا منـي جفيتـك عصانـي
واليوم حبـك فـي حنايـاه مقبـور=لـو مـا دعيتـه للمفـارق دعانـي
ذاك الهوى ما عاد لك فيـه مقـدور=ابعد من ايـام الرشـي والسوانـي
ما دمت راضي عن عذابي ومسرور=ملعون ابو قلـب ٍ عليـك يحدانـي

واكتفي بهذا القدر من الابداااااااااع المتواصل


لكم مني ارق التحايا

مشكوره اختي الكريمه

لكن عندك اخطاء في التنسيق راجعي الموضوع هذا

http://www.shdadeen.com/vbq/showthread.php?t=19684

أختي فاقدة أبوها قصائد في قمة الروعة

رغم أنني لأول مره أسمع عن هذا الشاعر

ولكنك أخترتي فأبدعتي والله يعطيك العافيه

		المشاركة الأصلية بواسطة : اقتباس
	المشاركة الأصلية بواسطة : عبدالله الشدادي اقتباس   مشكوره اختي الكريمه لكن عندك اخطاء في التنسيق راجعي الموضوع هذا http://www.shdadeen.com/vbq/showthread.php?t=19684

طيب عدلها فشله


على العموم



الله يعافيك أخوي
و ان شاء الله الكل يستفيد من هالموضوع
و انشوف المواضيع و الردود مزينه
شاكر لك مرورك الجميل
تقبل تحياتي,,,

		المشاركة الأصلية بواسطة : البرنس اقتباس
	أختي فاقدة أبوها قصائد في قمة الروعة

		المشاركة الأصلية بواسطة : البرنس اقتباس
	رغم أنني لأول مره أسمع عن هذا الشاعر ولكنك أخترتي فأبدعتي والله يعطيك العافيه

اخوي البرنس


متعب التركي

الغائب الحاضر

من اجمل وارق واصدق الشعراء الذين قرأت لهم





متعب التركي شاعر اختار المفردة المعبرة والأسلوب السلس والحرف الجزل فخرجت

لنا قصيدته نابضة بالصدق مفعمة بالأحاسيس، تداول الناس أشعاره كونها قريبة منهم

مترجمة لما بداخلهم حفظوها وتناقلوها. فأصبحت قصيدته متواجدة لدى قراء الشعر

والمهتمين به. متعب شاعر أتقن نظم القصيدة فجعلها قريبة لما يجول بخاطر غيره فضلا

عنه هو شاعرها، قل حضوره إعلامياً في بدايته وعندما لمع نجمه أصبحت معظم صفحات

المطبوعات الشعرية لا تكاد تخلو من نص شعري له. فاستقبلته ساحات الشعر الشعبي فترة

من الزمن قبل أن يترك الساحة الشعبية، متعب شاعر أبدع بجودة ما ترك لنا قبل أن يبتعد عن

ضجيج الساحة ودهاليزها:

عندما ابتعد ترجمت لنا قصيدته هذه السبب ونتمنى له الثبات فيه:

الموت هين والبلا وش ورا الموت =عند الحساب.. يهون سهم المنايا
باكر نموت وتصبح قبورنا بيوت =وعقب القصور بضيقات الزوايا
فجوف الأرض وكل من حولك سكوت =وتعاقبن بالقبر عوج الحنايا
يا رب يا منجي نبيك من الحوت =سترك وعفوك يوم كشف الخفايا

في كل الزوايا يرى ذكراه الجارحة فتغزل:

أشوف لك من وين ما رحت ذكرى =لا شفتها صديت عنها ودنقت
ما كل جرح لاخذ أيام يبرى =بعض الجروح يزيد شره مع الوقت

إحدى ليالي متعب مرت وكانت غريبة فترجم ما حصل فيها:

البارحة مدري وش اللي خذاني =يوم أجنبوا عني من الضيقة أشملت
جيت أتكلم بس عيا لساني =ما كني إلا مرتكب ذنب وأخملت
الله يسامح من ذكرت ونساني =وأنا أدري اني لا ذكرته تجملت
عانيت وأدري كل طيب يعاني =وعلى حساب طعوني الخضر جاملت
يا ماخذوا مني ولاحد عطاني =من طيبتي في حق نفسي تساهلت
عزاي لامنه تجهم زماني =يممت وجهي للكريم وتوسلت
واللي يبي قربي وبعدي لقاني =أمشي على وضح النقا ما تختلت

عندما خاب الظن وتعكر صفو المورد.. قال:

ليه وطيت عن خيل السروج =ليه مديت عقب القراح الهماج
لا تجمل لي الغلطات والعوج عوج =يضحك احجاج أو ينعقد لي حجاج
اصبر اشوي علمك تهوج وتموج =ميت القلب مثلك مايعرف الهياج
ماتعودت أجامل معتلين البروج =الزم العلم قبل يصير هرجك سماج

وقال ايضا في أخرى:

اليوم كلن يحتفظ في لسانه =لا كان يوم به عرفتك ولاكنت
أحد يخون وواحد الوقت خانه =أنا ترى الثاني والأول تراه أنت

(ألم الفراق تجرعه) فوصف لنا لحظات التوديع:

توديع الأحباب مثل الموت له سكره =أدمى جروحي وشق الصدر منيا
والقلب طير ضلوع الآدمي وكره =لأشاقه الطلع لاسلم ولاحيا
مصير الأحزان تنساني وتفتكره =ما كل الأيام بيض وسمحة محيا
قل غيرها ما أنت لا مجبر ولامكره =لاصار ماهي غلا ما أبي لك حميا
لوفي يدي شي ما قلت الوعد بكره =حزمت حدب الضلوع وقلت لك هيا
لو كل غالي يجي دايم على ذكره =ما صرت أشوفك هناك وحبك هنيا
يا ليتني لابغيت اكره قدرت اكره =ما كان قلبي ليا جيت أكرهك عيا
ما دامك معيف رح لكن على فكره =ما قلت لي ليه دمعك سال منيا

يطلب ولو بعض الدقايق ليودع من اختار الجفاء:

بالهون عطني لو دقايق بوادعك =خل الوداع برغبتي واختياري
مبطي وأنا شايف جفاك وتسرعك =يا طول بالي يوم أشوف انتظاري
اتبع هواك وروح ماني بمانعك =دام أنت عبد لكل نزوه وطاري

لا يريد أن ينشغل فيه غيره لأنه أدري بحاله:

لا تنشغل فيني أنا بحالي أدرى =قلب تعلق فيك ينسي مع الوقت
أكثر من اللي صار لي ويش يجرى =بين الرجا والياس فكري تعلقت
مثلي ولو شفته عن همومه أزرى =ما قال ليتك في جروحه ترفقت
هاك القصايد لاتضايقت واقرى =شف وش كثر فيها لبسماتك اشتقت
اثر الوفا ينباع عندك ويشرى =ما كنت اصدق فيك واليوم صدقت
يا مشتهي فرقا المواليف حذرى =تبعد وأنا من سكرة الحب مافقت

ربما سأله سعود عن الخافي الذي لايريد الكشف عنه:

يا سعود لاتنشد ترى ماني امجيب =خل الذي خافي له اشهور خافي
ان شفتني مغتاظ لي حق وامصيب =ياسعود مزعلني جديد اكتشافي
الصاحب اللي كان من قلبي قريب =بيني وبينه صار مثل التجافي
ان قلت زله.. مثلنا زلته: عيب =من قالك شمس الضحي ماتشافي؟
وان قلت هقوة يمكن اتصيب واتخيب =حتى البحر ماهو على طول صافي
اصعب فراق: فراق عكف الأشانيب =ما هو مفارق لابسات الغدافي
والذيب لامنه عوى جاوبه ذيب =والعلم حامض بس وين الاشافي

لأنه وفي جاء قبل الرحيل ليودع ويطلب ما ضاع منه:

قبل أسافر وتنسى جيت اسلم عليك =جيت أبي عمري اللي اكتشفته غدى
ضاعت اجمل سنيني من عمايل يديك =اكذب ان قلت راحت لاجل عينك فدى

إلى ان قال:

قلت ما عادلي رغبة وشوفات فيك =قلت يا نفس طيبي يفرحون العدى
قلت عايف ونفسي بالخفا تشتهيك =عزة النفس تدري طيب ماهي ردى
خل عينك تهل دموعها وش عليك =أنت خدك ورود ودمع عينك ندى

لم يندم على ضياع الآمال لأن مكانته تشفع له:

ضايق البال مايستانس لحاله =وأنت لاغبت عني كني لحالي
جتك الأشواق رجلية وخياله =غير الأول تحمل عشقي التالي
ليت من قال متعب خابت آماله =شاف بعيونك الخدرات منزالي
واحد فيك ماهو منشغل باله =أشهد إنه بها الدنيا هو السالي

صور حال الورق والقصيد من بعده فكل شيء اصبح أطلال بعد الرحيل:

لوشفت حال الورق والشعر عقبك عذرت =اللي حرق صفحة الماضي وكراسها
ما كنت اصدق يجي يوم ابتسم لانظرت =أطلال ركب الليالي مر.. ما داسها
والا أنت لوقلت لي نادم وجيت أعتذرت =كان اجمل أبيات شعري ينحني رأسها
ما فيه داعي توصيني تراي اعتبرت =فرقاك ذكرى وشعري علق أجراسها
يكفيني البارح إني في عيونك سهرت =وقفت بين العيون السود وانعاسها
إن رحت ما أنت أول اللي راح لامن حضرت=قلت الليال الجميلة هب نسناسها

هذه بعض أوراق الشاعر متعب التركي الذي تركها لنا، فوجدنا فيها جزالة القصيدة والكلمة

المعبرة والأسلوب الذي ترجم صدق الإحساس، فأصبح هذا الاسم حاضرا رغم ابتعاده عن

ساحة الشعر. لان ما ترك يستحق الاشادة والتتويج.




اللهم ثبت عبدك متعب التركي على طاعتك.



اللهم يا حي يا قيوم ثبت عبدك متعب التركي على طاعتك.

نعم كان متعب التركي من القلائل المبدعين في مجال الشعر الشعبي وكما كنا نشتاق لسماع

المزيد من قصائده المتنوعة قبل الإلتزام فنحن الآن أكثر شوقا لسماع القصائد الوعظية له.





وربي اسعدتني بمرورك اخوي
وربي مايحرمنا من تواجدك

مبدعة جداً أختي فاقدة أبوها

وبارزة في ذوقك واختياراتك

وشاعرنا متعب التركي من الشعراء المعروفين في

ساحة الشعر الخليجي

عرفته منذ سنين طويلة عندما كنت أتابع مجلة المختلف

وقرأت له الكثير

ويستحق بالفعل أن يكون لنا معه ها هنا وقفات

تسلم يديك والله يطول عمرك ويعافيك ما قصرتي

		المشاركة الأصلية بواسطة : السلطان اقتباس
	مبدعة جداً أختي فاقدة أبوها

		المشاركة الأصلية بواسطة : السلطان اقتباس
	وبارزة في ذوقك واختياراتك وشاعرنا متعب التركي من الشعراء المعروفين في ساحة الشعر الخليجي عرفته منذ سنين طويلة عندما كنت أتابع مجلة المختلف وقرأت له الكثير ويستحق بالفعل أن يكون لنا معه ها هنا وقفات تسلم يديك والله يطول عمرك ويعافيك ما قصرتي

يا هلا و غلا فيك اخوي السلطان

و أشكرك لهذا التشجيع الطيب

شاكره لك مرورك الجميل

تقبل تحياتي ,,,

فاقدة أبوها

ماشاء الله فعلا رائعه وذوق مميز

أحسنتي الأختيار فالشاعر متعب التركي

شاعر مبدع ورائع بكل ماتعنيه الكلمه

تقبلي مروري

الوجـــــــد

فاقدة أبوها قصائد في قمة الروعة
تحياتي ,,,

		المشاركة الأصلية بواسطة : اقتباس
	المشاركة الأصلية بواسطة : الوجد اقتباس   فاقدة أبوها ماشاء الله فعلا رائعه وذوق مميز أحسنتي الأختيار فالشاعر متعب التركي شاعر مبدع ورائع بكل ماتعنيه الكلمه تقبلي مروري الوجـــــــد

تسلمي حبيبتي على هالمرور الطيب

ان شاء الله يكون الموضوع نال إعجابك