إعلان القصائد المشاركة في مسابقة المواهب

بسم الله الرحمن الرحمن الرحيم

الحمد لله رب العالمين والصلاة والسلام على اشرف الانبياء والمرسلين

نبينا وسيدنا محمد وعلى اله وصبحه اجمعين ....اما بعد

اسعد الله اوقاتكم بكل خير ...مساء يرسم الابداع والروعه

للجميع

انتهت بحمد الله الفتره المحدده لمسابقه قسم المواهب

والتي سارت بكل نجاح

ويعود الفضل بعد الله إلى شعرائنا واعضائنا المبدعين

والذين ابهرونا بروائعهم وابدعاتهم التي تحمل الكثير من الجماليات

رغم قل المشاركين في المسابقه

واترككم الان مع قصائد نجومنا وشعرائنا المبدعين

وساطرح لكم القصايد على حسب وصولها من الاعضاء...

القصيده الاولى

اهـلا هـلا والله ويامرحبـا الفيـن=اقولهـا مـن جـد يـارأس مـالـي
اهـلا هلاحييـت ياداعـج العـيـن=يامكسبـن للقلـب ياأغـلا حـلالـي
بكتب عشانك بيـت بكتـب دواوييـن=بكتـب الـوف مولفـه مـن خيالـي
بكتـب احبـك قـدم كـل الملاييـن=واقـول شوفوهـا وهيـه منـالـي
هيه هوى روحـي عـذب الشفاتيـن=ام الخـدود الحمـر عـزي لحـالـي
لاسلهمت باالرمش تنعش فلسطييـن=تزييدها قوه وصبر وكثـر احتمالـي
وانـا تـرى بعـد مـانـي بشـيـن=متوسطـن مابيـن عمـي وخـالـي
واليا بغيتي الشجاعه امن الشداديـن=أهل الشجاعه والكرم مكملين الخصالي
هذا قصيدي جـاك يالزيـن يالزيـن=ياصلك اسرع مـن هبـوب الشمالـي

القصيده الثانيه

ياناشد عنـا خـذ العلـم بابيـات=ابيات شعرٍ تطـرب الـي قراهـا
حنا بنـي شـداد يـوم المثـارات=افعـال ربعـي ماوصلتـم مداهـا
لابة ولد مهرس زبـون الونيـات=صديقها مرتـاح وتسهـر عداهـا
يوم انها بالفعل والخيـل عجـلات=كم شيـخ قـوم ديرتـه مارعاهـا
من دونها سيوف رهاف صقيـلات=عزوة بني الحارث على جال ماها
ايماننا لفعـل المراجـل طويـلات=يوم ان بعض الناس تقصر يداهـا
وفي ساحة العرف بتشوف رايـات=وراية بني الحارث بعالي سماهـا
اجسامنا تستـر بثيـاب المـروات=وشرع الله وملـة محمـد رداهـا
وفي صفحة التاريخ بتشوف الاثبات=صفحة شرف بالنور يشرق سناها
وكل القبايـل كاسبيـن الجمـالات=لاثارت الهيجـاء ودرات رحاهـا
قاله ولد عايض زبـون المهمـات=يوم ان ولد الـلاش بنفسـه تباهـا

القصيده الثالثه

يا جزم روحي والسعد صار ضـدي=وصارت حياتي في عيونـي مليلـه
وأحط يدي فـوق وجنـات خـدي=والهـم سرانـي مسافـه طويلـه
من فقد أبوي أنا ترا بـاح سـدي=عقبك يا أبو خالـد ترانـي كليلـه
ومن جور همي ضاق بالنفس مدي=وضيع خفوقي مـن فراغـه دليلـه
وياليتها الدنيـا علـى كيـف ودي=وأرجع أيام ٍ مضـت لـي جميلـه
وليت القبر فصـل ملاويـه قـدي=وأفدي أبوي أنا وأنـا بـه نزيلـه
ويا والله إني واصلـه ليـن حـدي=ودنياي في عيني عجاجـة هميلـه
فقدت أبوي اللي بكى قبـر جـدي=وبكيت أنا قبره وأنـا بـه جليلـه
ومن عقب موته صاح للفرح صدي=وأبوي من مثلـه ولا بـه مثيلـه
ومدري أنا طول الدهر كيف عـدي=وأنـا علـى بابـك إلهـي دخيلـه
موتك يُبه أجهد على القلـب هـدي=وخلى خفوقي يصطلي فـي غليلـه
وزاغ البصر من فيض دمعي وشدي=وعيني من الفرقـا غـدت عليلـه
وياليتهـا عينـي تجيـك وتلـدي=وأشوفك وزولك معي فـي القبيلـه

القصيده الرابعه

لفاك صـاروخ يـاراع القنابـل مانقـول الخـراط=قـدام ترمـي قنابلـك بيصيبـك والله ليذبـحـك
طرازه سكـود ومكهـرب وكهربتـه ملاييـن واط=ابك انحش هنا عنه فجرك ياويلـك يبـا يمسحـك
وجهزت الك قوة ٍ ترهبك عان الجيش رابط ربـاط=وان عودت للمبارز سيفـي بكفـي يبـا يشلحـك
وان كان ماانته مصدق فأمش جرب وأخذ معناشواط=والله لتقنع وثم اتقول يا خصمـي ماأحـد ينطحـك
أنا لقيت العرب في حرب رهط يريد يذبـح رهـاط=رهط يقول للرهاط ان جيت والله لألزمك وأسدحـك
وابه طرف ثالث يشارك معاهم مـار مابـه عبـاط=يقول أنا واحد ٍ سلمي نباهـا مطـارح وبطرحـك
وأحد ٍ يبا ينتقد من دون علم تقول في العلـم قـاط=يارجل أخذ قطتـك لا تمتحنـا 00الله مـا أكلحـك
وابه جماهير ٍ تشاهد وتكثـر مـن كـلام الهيـاط=ياللي تهايط عسى الله يكنسك ان مانوى يصلحـك
واللي يبا خوخ يلقـى خـوخ والا يتجـه للحمـاط=واللي يذوق الحماط يقول ياالخوخـه الا مااملحـك
لا أروحت لك ريح دم أكيد بعد الدم ريحـة شيـاط=لله درك يـاراع الجـود كـل ٍ يذكـر ويمـدحـك
واللي هزيل ٍ نصيبه دايم بعينـه نشـوف العيـاط=عيط وربعك تعيط معـك ياالعيـاط أنـا بأفضحـك
والمعذره كان زم الرمي والا الفكـر ذاه استشـاط=الله ياذا الخطا تـارد ولا لـك غيـر مـن يدمحـك
والفوز ماحال حوله باقـي ٍ ثلثـه بـآذار وشبـاط=ان كان ياريس اللجنه معك مشروع أنا ماأشرحـك
ولفاك صاروخ ياراع القنابل مـا نقـول الخـراط=قـدام ترمـي قنابلـك بيصبيـك والله ليذبـحـك

القصيده الخامسه

يادار علم في دروبـي والأمجـاد=يامدرسـة عبدالمجيـد المطـلـه

لي فيك من علم الحضاره والأجداد=نصف الشموخ ولا وصلنـا لكلـه

طبع التعاليـم الحنيفـه والاعقـاد=شـئ رسمتـه دولـة مستقـلـه

طبق العقيده مانـدور لـه انـداد=وماعاش من عيشته خبث ومذلـه

من خارج المبنى كما رفعة حـداد=والجو في وقت الصباح اشهد الله

وطلابهم دائم علـى الجهـد رواد=ماينكـرون معلـم ضـاع دلــه

وفصولهـم مبنيـه بكـل تـعـداد=امرسخيـن بنايـة العـام كـلـة

وأستاذهم دائم على الطيب عـواد=شرح الدروس ميسـره دون علـه

أنا كسيت القلب من هـم الاحقـاد=شربت من صافي غليـل المكلـة

صبرت واسدلة الستـاره ولا فـاد=يعنـى لطبـاع الـورق والمجلـه

ماشيتهم فـي كـل عـام ومافـاد=غبن الرجال امسى صديق المذلـة

يادار ماجيت امدح الملح والـزاد=ماني بمن يمدح علـى كـل زلـة

مدحي لقوم العلم تثبيـت وشـداد=مـدح يزيـد ولانقـص مايخلـه

وصلاة ربي عد من كبـر وعـاد=على النبي الهاشمـي فـي محلـه

القصيده السادسه

ألا يا طير رفرف فوق عالي = وعطني علم شاغل دوم بالي
على محبوب قلبي يوم سافر = لذيذ النوم ما ذقته ليالي
تعبت من انتظاره وانشغاله = نفد صبري ألا يا عز تالي
ياليت تشيل همي بجناحك = لعل يشوف همي وأنت عالي
وتخبره أني ميت في رجوعه = وأذوق المّر في كل شيء حالي
وأسج الرِجل وأمشي طول ليلي = لعل المشي يذهب ما جرالي
وأفاجئ كل ما حطيت خطوة = أشوفه كل خطوة في خيالي
وأسير إلين يقول الله أكبر = وهو ما غاب عن عيني وزالي
وأعود وأقضي فرضي وأدعي الله = يرجع من قَلب حاليِ بحاليِ
ألا يا طير قله لا يطول = قبل أنه يتسبب في هبالي
لأنه كل شيءٍ في حياتي = ولأنه أغلى من كل منهو غالي
ولأنه روحاً أعطانيها ربي = يجدد لي شبابي إليا طرالي
ولأنه شمسي بعد ليل مظلم = عسى الله لايقربها الزوالي
ولأنه يومي بعد أمس مبهم = ولا بي غير يومي يوم تالي
طوال الأربع وعشرين ساعة = وهو قدمي ألا يا طيب فالي
أشوفه قدمي وتناظره عيني = وأشوفه عن يميني وعن شمالي
وحتى لا أرمشت عيني برمشة = في غمضة رمشتي شفته قبالي
ألا يا طير خبرها بأني = مشتاق وكل شوقي للوصالي
وأذا أني مت قبل لا هي ترجع = فخبرها بموتي وطييييير عالي

شكراً لكل من شارك معنا وامتعنا بإبداعاته

وسيتم اعلان اسم الفايز الليله الساعه 11 مساء

والله ولي التوفيق

اخوكم الغربي

بارك الله فيك يا عيد مجهود رائع تشكر عليه

وبـ التوفيق لكل شعرائنا وبانتظاار القصائد آلآخــرى


كل الوود ..

ما شاء الله تبارك الله
قصائد جزلة وقوية

صحت ألسنتهم جميع
ونقول للغربي عساك على القوة

وياليت يشرح لنا طريقة التقييم

عساك على القوه وماقصرو الشعراء


بارك الله فيهم وسلمت يمناك على جهدك الواضح

	ما شاء الله تبارك الله يا أبو عبيد والعذر من الله ثم منك كنت ناوي أشترك لكن أنت أدرى بالظروف والنفسية والمشاركات جميعها طيبة وإن شاء الله نشوف الليلة الشاعر الموهوب الجديد وفقك الله وسدد على طريق الصواب خطاك وشكراً من الأعماق لجميع شعرائنا الموهوبين

ماشاء الله تبارك الله .. الله يعطيك ألف عافيه وعساك ع القوة يالغربي

دائماً تحصد لنا كل جميل ..

قصائد شامخة بالفعل .. وتبهر القارئ ..

لكل من شارك .. صح لسانك وفالك التوفيق ..



.

ماشاء الله تبارك الله القصائد كلها رائعة
وأعجبتني الخامسة أكثر


بالتوفيق للجميع وجزيل الشكر لجهدك يالغربي ..

الغربي

دمت بخير والشعراء بخير والأبداع ماواءهم والله يعطيهم العافيه

وننتظر الليله بعجل للاطلاع على النتيجه

ما شاء الله تبارك الله

جميع القصايد تستحق التميز وإن كانت الثالثه رائعه رائعه

وإن شاء الله المشاركين يستمرون على هذا المنوال وأن يصقلوا موهبتهم بكثرة القراءة والأطلاع
وبالتوفيق للجميع

شكراااااا جزيلاااااااااااا

للقائمين على المسابقه



وبالتوفيق لجميع الشعراء

دمتم بود