يا بحر ما جيتك فاضي ولمشاهدك شفقان

يابحر ماجيتك فاضى ولمشاهـدك شفقـان=أناجيتك أبنسى الياس وبعض الهـم يبارينـي

على جالك انا جالس اسامر موجك الغضبـان=أسولف له عن اوجاعي وعناي وغربه سنيني

علامك يابحر غاضب علامك تصرخ بكتمـان=اناجيتـك ابشكيلـك وابـي منـك تواسينـي

أنا مثلك بحر لكن وسط نفسـي انـاغرقـان=تعبت ابحر مع نفسـي واسالهـا انـا وينـي

انا محتار في وصفي ومع نفسي انـا حيـران=انا لاقادر افهمهـا وهـي تجهـل مضامينـي

أنا مليت من حزني وتعبت ابحث عن السلوان=ولاضنيت به شـي عـن احزانـي يسيلينـي

احس انالحزن عالم بحوره وصحوة ووديـان=تخيل يابحر حجمه اذا حجمـه سكـن فينـي

تصور لو شقا الدنيا تجمع في كيـان انسـان=تصدق مابقى بالكون اسى مابات فـي عينـي

ترى كل الحزن لو غاب وراح لاخر الاوطـان=يغيب ويرتحل لحظات ويرجـع يستقـر فينـي

أنا اخر فصول الحزن وأنا لدروبـه العنـوان=وانـااخـر عزوفاتـه واصواتـه تغنيـنـي

انا والليـل والغربـه تعانقنـا مثـل الخـوان=ليلـي كـل آهاتـي وللغـربـه عناويـنـي

تعبت اسقى ثرى احلامي وأزرع بالوهم بستان=تعبت ولانبت زرعي وتعبت وجفـت بساتينـي

جحدني حظي العاثر رماني بسكـه الحرمـان=جحدنـي ولامـرة علـى الفرحـه يرسينـي

ألايابحر جاوبني وش اخـر هـذي الاحـزان=وش اخر رحله أوجاعي وعناي وغربه سنيني

يعطيك آلعافيه ..

رآقت لي جدآ

آستمر بَ آبداعك أخي { حلم عآبر }

لك تقديريِ

لا هنت يا أبو سعد ولا هان غاليك
على هذا الاختيار لكن طلبتك تنسق القصائد
والله يعطيك ألف عافية

اشكر ك على مرورك العطر يابو عبد الله
وبالنسبه للتنسيق انا وياه مانا اصحاب

لبيه تشكرين على مرورك العطر
تحياتي