نوبة صياح

الاخوه الاعزاء في منتديات الشدادين والقائمين عليها
اسعد الله اوقاتكم بكل خير
اطرح امامكم هذه الابيات المتواضعه راجيا ان تحوز على رضاكم

علموه يقول بابا لاتذكرني وصاح=وان نشد عني قولوله ياالوليد ابوك باح
كان من حولك يغنيلك اناشيد الربيع=قبل تذبل ضحكته وتبلط ادراج الرياح
غبت عنه وغاب عنك وكانت الغيبه ضروف =وانت في باله ولك في داخل اعيونه مراح
يوم كامل مر من دونك وعايشته حزين =كل ساعه فيه عدتبي مع نوبة صياح
اتذكر ضحكتك لا جيت من بعد الدوام=وابتسامه تخترق صمتي وتعطيه ارتياح
اتفائل وانت قدامي واحلقبك واطير=لو تسدلي جناحك قلت سدل هالجناح
لاتوقع فوق الارض الارض مافيها قرار= يحتمل ماطى قدم رجلك ولو صار انفتاح
والله انه لو بكيفي ياحبيبي ماتغيب=عن عيون ابوك والايام مافيها صلاح
الضروف الي تحاكمني وحاكمها يجور=كشرت لي نابها واتثاقلتني مستراح
ياصغيري صيح باعلى الصوت لو ودك تصيح=سمع الدنياوغرد مع عصافير الصباح
قول ماتبغى تقول وطول ماتبغى تطول=وعيش يومك طفل متمرد تراازعاجك مباح
بس لاتكبر وتجرحك الليالي السنين= لين تصبح ليل متغرب وصبح مستباح
اسكن ابعيني وخل الشوف يهنابك هنا=وعيش في قلبي وضمد مابقلبي من جراح

حطاب ليل
صح لسانك وبيض الله وجهك شاعر
جزل وفقك الله

ياصغيري صيح باعلى صوت لو ودك تصيح
سمع الدنياء وغرد مع عصافير الصباح
القصيده اللى من قلب تدخل القلب بدون استذان قصيده قمه في الاحساس والعذوبه فيها الحزن كله والشوق كله والابداع كله ابدعت فيها بشكل كبير ويستاهل الوليد اكثر ولكن عليك بالصبر وانشالله ظروف عملك تزول وتشوفه ويتربا في عزك والله يصلحه ويوفقه ويخليه لعين ترجيه والقصيده ابداع×ابداع ×ابداع صح لسانك مليارات واكثر يابو الوليد
تقبل تحياتي,,,,,

صح لسانك يالشاعر

وربي يجمعك بمن تحب

تحياتي لك

		المشاركة الأصلية بواسطة : خيال الشدادين اقتباس
	حطاب ليل صح لسانك وبيض الله وجهك شاعر جزل وفقك الله

خيال الشدادين
صح بدنك
شكرا على الاطراء الراقي
تفضل بقبول فائق الاحترام

فهدرزيق
صح بدنك
مرورك اسعدنير على هذا الاط
لك مني جزيل الشكر على هذا الاطراء الراقي
تفضل بقبول فائق الاحترام

حطاب ليل


صاحب القلم الجميل والأحساس المرهف


عفوية النص جردتنا من الخيالات الوهميه والأفكار الكاذبه والأحلام المتلاشيه


فهُنا وفي هذا النص بالتحديد


لمسنا عطف الأب بدون أي حواجز تمنعنا من الاستمتاع بحرفك


شاعر تظل شهادتي فيك مجروحة يا حطاب ليل


والله يحفظ لك ابنك وتقر به عينك



تقديري

قصيدة جميلة جدا وربي يحفظ لك الوليد
أبدعت وأمتعتنا
بارك الله فيك


تحيااااتي

يا هلا والله بشاعرنا
أبو الوليد
والله لك فقدة أنت وأبو محمد وفهد
واللي مثلكم لا غاب نفقده
عساكم ما تفقدون غالي

لا هنت يا بعدي
وصح لسانك ملايين

قصيده جميله صح لساانك لاهنت
بارك الله فيك أخوي
تحياااتي...