اقرب جاي يالبرينيسي

الاخ البرينيسي تشرفت باللعب معك
وانا ما زهمتك الا لما عرفت انك شاعر ومعانيك جزلة
وتصبح على خير

ياسهم البرينيسي نصحكم ولا فاد = وأنا خامسي أهل الفعول الجزالي
ولامن بغيتوني أجي وقت الأعياد= أنا لغز حله وأوهبك نصف مالي

مشكور ياالبرينسي علي بلحرام انك بحر

العفو وهلا بك يابن سرحان وماعلاك زود يالذيب

صحت ألسنتكم يالنشاما

والظاهر أنك خصمي القادم يالبرينيسي!!

صح بدنك وأنا خصم من لاخصم له!!

سهم القصيد :

هلا مرحبا في منتـدى الاد شـداد=رجال الظفر والعز فـاول وتالـي
واقول لك خلك حذر والحبل منقاد=عسا الدلو مايضرب على كل جالي

البرينيسي:

يدوم البقا ياسهم والسهم قصـاد=بحلة هل الناموس وأهل المعالي
تقوله وصاحبكم ورد كل ميـراد=ولا يشرب ألا من القراح الزلالي

سهم القصيد :

وألا يالبرينيسـي تـرى بابعـد المـاد=عسـى الله يعينـك فالليـال التـوالـي
وانا بأنشدك ويش أنت من ضمن ألأشهاد=يقولـون ماعنـدك بطـاقـة حـوالـي

البرينيسي :

وأنا مستعد ولو تبى تروح بغـداد=ومتني يبا يدحم متـون الرجالـي
أنا ياسهم مسلم ومن ضمن الأجواد=وبطاقاتنا في البوك جنب الريالـي

سهم القصيد :

ولكن عليـك اليـوم كثـرن الانشـاد=عليك العرب شالت حمول الجمالـي
يارجـال ماينفعـك كثـر التـلـداد=وش اسمك وش اصلك ياكريم السبالي

البرينيسي :

يا سهم القصيد أحذر يجي بيننا أحقاد=ولا تستمع في أهل الفتن والظلالـي
أنا في نهار الوعد واقـف بمرصـاد=أنا كعام خصمـي مـورده للهوالـي

سهم القصيد :

انا ماني لبعض السواليف مقـواد=سألتك واحسب انك تجيب السوالي
مادامت كذيا روح ياقـرم الاولاد=مبى منك مر ولا نبى منك حالـي

البرينيسي :

ياسهم البرينيسي نصحكم ولا فاد=وأنا خامسي أهل الفعول الجزالي
ولامن بغيتوني أجي وقت الأعياد=أنا لغز حله وأوهبك نصف مالي