أحبك

اشوفلك من وين مارحت ذكرى ...... لاشفتها صديت عنها ودنقت

- - - - -
اموت بعيونك ولاهان باقيك كلك حلو بس الحلا في عيونك

- - - - -


انساك لحضه واذكرك باقي العام حتى وانا ناسيك نسيت وذكرتك

- - - - -


انت في حبك مثل مد وجزر لاتجي كلك ولا كلك تروح

- - - - -


اشوفك حلم مثل احلام خلق الله لاني بطايلك وان فتحت ضيعتك

- - - - -

جوهره وشلون تمشي على القاع حسبي على من جابها من بحرها

- - - - -

تعبك راحه واحبك مهما تتعبني شفت الغلا كيف سوا من التعب راحه

- - - - -

من يقول انك تكون من البشر البشر من طين وانت اصلك ملاك

- - - - -

ياحبيبي لاتقارن بين حب امك وحبي اخاف من عينك تطيح الامومه

- - - - -

لاجيت انادي غيرك اخطي واناديك من زود حبي لك نسيت الاسامي
- - - - -

احاول ابعد عنك من كثر ما اغليك عكس البشر خايف غلايا يضرك

- - - - -

كل غايب يغيب الا غيابك حضر لك حضورن في غيابك حسبي الله عليك

- - - - -

امر تدلل بس لاتطلب الشوف وشلون اشوفك وانت ماخذ عيوني

- - - - -


خذني لدنيا بعيده مابها غيرك ماودي الناس في شوفك تشاركني

- - - - -

القلب يجبرني عليك انت بالذات ولا العرب واجد وغيرك مزايين

- - - - -


قالو حبيبك يسمع الشعر قلت ايه يقراه بعيوني قبل تسمعونه

- - - - -

اقصد بغيره وكل القصايد تجي فيه كن القصايد حالفه ماتخونه

- - - - -


كان الهوى نعمه بحطك نعمة الرحمان وان كان الهوى غلطه بحطك كل غلطاتي

- - - - -

الموت ماهو طعنت السيف والرمح الموت عينك يوم ترخي هدبها

- - - - -

يذوب قلبي في نواظر عيونك واشتاق لك شوق الغريب لدياره

- - - - -

لامايكفي معك بعض الاوقات خل التغلي عنك لاصرت غالي

- - - - -

قلت لك الف مره لاتجرب غلاك قلت لك لاتغلى منت ناقص غلا

- - - - -

تدري لو الحب في يوم يتكلم كان قال شوي خف الله يهديك

- - - - -

وصفك يعجز شاعر الانس والجن والله مدري بالشعر كيف اطوله
- - - - -

مادام لي يوم واحد في العمر باقي تظل بين البشر للموت معشوقي

- - - - -

مابيك تسألني عن الشوق ياشوق من نظرت عيوني تعرف الاجابه

- - - - -


ساعه بدونك موت والموت مكروه.... وعمرن بلاك استغفرالله مابيه...

- - - - -

ارقصي بين الثقه والغلا والاندفاع سجلي للشمس في دفتر الظلما حضور

- - - - -

ماواحدن قبلي عشق عيب غاليه انا الوحيد اللي عيوبه عشقها

- - - - -

<<زال الخطر>> عن ديرتي بس مازال,,, صاروخ حبك وسط قلبي مكاااااااانه ؟!

- - - - -

الا ياعذاب القلب ياللي شغلتيه ليتك تحسي بالذي فيه ليتك

- - - - -

غلاك عندي مايبي حلف وشهود ********* وان ماكفاك الصوت جيتك زياده

- - - - -

كان الغلا مايجرح القلب وشلون نشعر بجرح الليل والبعد والنار

- - - - -

ناري جفاك وجننتني لمسة ايديك لو لاي اخاف الله عبدتك عباده

- - - - -

كل دار تضمك ليتها صدري وكل عين تشوفك ليتها عيني

- - - - -

سلمت لك قلبي مع الروح تسليم وارخصت لك عمري هديه وتذكار

- - - - -

من زود حبك مايجي عيني النوم ومن كثر مااسهر باعو اهلي فراشي

- - - - -

لامر طيف اللي ذبحني هواها ادور الحاجه وهي في يديني
هذا واهو طيفن يجي من غلاها وشلون لو تقبل علي وتجيني
- - - - -



كتمت الحب في صدري وداريته مع جراحي ,,,, تنام الليل ماتدري عن اللي في هواك صاحي

- - - - -

حبك رصاص مسدس كاتم الصوت يرمي الهدف بالصمت حتى يصيبه

- - - - -

وشلون اشوفك وانت لعيوني الشوف عمرك سمعت بواحدا شاف شوفه

- - - - -

من عيوني خذ مراسيل الغرام كان تفهم في لغة حب العيون

- - - - -

مبطي وانا لك ياهوى البال مشتاق شوق العمى لمعانق الشوف لحضه

- - - - -

نجحت في حبك بتقدير امتياز لاكن عساي القى في قلبك وظيفه

- - - - -

انا مجبور في حبك ولا تسأل تقول شلون خطاك انك تبي تعرف مكانك وين في قلبي

- - - - -

ان كان شفتي في وصالك لي احراج في صمت احبك بين قلبي وبيني
- - - - -

مشتاق اشوفك يابعد كل الاصحاب ودي بشوفك ماتفيد الرسايل
- - - - -

مادام ان الامل في شوفتك ياصاحبي مفقود دخيلك من حنان الصوت لاتقسى وتنساني

- - - - -

من عرفت الدنيا ماعمري خضعت ومن بعدتي صرت افكر بالخضوع

- - - - -

لو ادري اني في منامي بشوفك حرام لقضي دنيتي كلها نوم

- - - - -

مشيت من شانك على كل ممنوع مدري جنون الحب ولا شجاعه

- - - - -

حبك بقلبي مثل وشمن على كف يموت راعي الكف والوشم باقي

- - - - -

فكرت بالدنيا بلياك وشلون وبلحضه التفكير هلت دموعي

- - - - -

من حبكم قمت البس الثوب مقلوب وانشد عن الغتره وهي فوق راسي

- - - - -


قبلك وانا بعض الجمال التفت فيه وعقبك ظهر في كل من شفت عيبه

- - - - -

تعال واللي طرا في خاطرك سوا موتن بقربك ولا عمرين من دونك

- - - - -

على كف الغلا شلتك وحطيتك وسط عيني اداري خاطرك واكسر خواطر ناس تغليني

- - - - -

بشرب من الدله لو كان بها سم......ما اهز فنجالي ولا اقول كافي
مادامه بيمناك وتقول لي سم...... بسم الله اشرب وكل سم عوافي

- - - - -

لو بحر الهوى غدار انا ياصاحبي عوام دام عيونك المرسى سنين العمر مجدافي

- - - - -

دورت لك في داخلي شي يكرهك لقيت حتى الكره فيني يحبك

- - - - -

انا بدونك ليتني يوم ماكنت بس انت قلي كيف حالك بدوني

- - - - -

نادت مشاري وصاحو الخلق لبيه من زينها كل الخلايق مشاري

- - - - -

لاينشغل في كلام الناس تفكيرك يكفي سميك اذا نادوه يربكني

- - - - -


يضحك لك الخافق قبل ضحكة السن .. واعطيك عمري قبل لا تقول هاته

- - - - -

قبل لاتجي طاري وانا كنت في طاريك تصدق قبل حتى اذكرك كنت في بالي

- - - - -

عذبني اكثر لايهمك عذابي ازعل عليك ايام وارجع واحاكيك

- - - - -

بعيونك القى كل عمري والايام وبفراقك يموت الامل في حياتي

- - - - -

حبك رسم كل الوفا في معانيه مليون احبك والف مليون ثاني

- - - - -

اخاف ابين حناني ثم تتكبر واخاف ابين قسا قلبي وتنساني

- - - - -

ليت المسافه بيننا بس مترين يمشي متر وامشي متر وانتلاقى

- - - - -

شافوه بعيوني وقالوا فضحته وشلون لو شافوا بقلبي طعونه

- - - - -

ماقلت لك عمر سيف العشق مايقتلك ماتشوفني حي قدامك وانا اموت فيك

- - - - -

مايخلي حالة الرجال حاله غير بنت في مواقفها رجوله

- - - - -

ما احد خذا غيرك من الناس عمرين عمرك وعمر اللي معاك فات كله

- - - - -

رح وين ماتشتهي رح قد ماتقدر انا اول الناس في قلبك وانا الباقي

- - - - -

كيف أحبك وقلبي بالغرام امتلا وش تبي منه اكثر وانت كل شي فيه

- - - - -

من كثر رقتها والنعومه كن النسا من حولها مسترجلات

- - - - -


راح العمر وانتي تقولين باكر وعيا يجي باكر من العام للحين

- - - - -

باللين والترحال تكسب غرامي ماينفعك كثر التغلي والزعل

- - - - -

لايزعلك يابعد عمري سكوتي ترى الغلا ماهو بكثر السوالف

- - - - -

لو الارض تحس بلوعتي يوم فرقاك يمكن .تجف بحورها من زعلها

- - - - -


من قدر الايام جيتك كارهن نفسي لوقلت وش فيك بكيت وقلت محتاجك

- - - - -

حتى الغلا في غيبتك قال وين انت حتى الشعور يظيعك ثم يلقاك

- - - - -


اببحر في بحر حبك بلا مركب ولا عنوان &&& عسى هاك الهوى يرحم اذا هبت عواصيفه

- - - - -


روحي وعمري ياهوى البال يفديك &&& وان الوحيد اللي من الناس فيني

- - - - -


لا تحسبين الحب دبله وسلسال&&& ولا تحسبين اهل الهدايا حبايب

- - - - -


منهو حبيبك غايتي بس اهنيه &&& على حسن حظه عشانك حبيبه
انشهد ان الله يحبه ومعطيه &&& اللي هداك الرب تصبح نصيبــه

- - - - -


يـــاحبيبي لا تظن اني نسيت &&& لاتظن البعد نساني غلاك
مانسيتك لو انا عنك انتهيت &&& ماقدرت ومستحيل اصبر بلاك

- - - - -


مازلت احبك يامنى الروح وأغليك &&& ومازلت انا عايش على طيف ذكراك

- - - - -


يكفيني اعرف ياحبيبي نواياك &&& يكفيني انك بالرضا تحتسب لي

- - - - -


في شارعك والله لضرب مشاوير &&& غصبن عن العذال واهل الشماته

- - - - -


الحب مابين القلوب المواليف &&& سعاده مابين غالي وغالي

- - - - -


لو اقدر احطك بعيني وخبيك &&& لسكنك بالعين واعيش وياك

- - - - -


قلبي معك لاشك جسمي مع الناس &&& ماغاب طيفك عن خيالي دقيقه

- - - - -


عطني بحبك اي وصف وتعريف &&& بس اني ابقى نظره في عيونك

- - - - -


لو حصل للقلب غايت مراده &&& ماهمني الناس لو قالو مجنون

- - - - -


حبي لها وانا غرير اصغير &&& واليوم انا شايب وهي راعيه بيت

- - - - -


تمتعي ياعين بشوف غاليك &&& قبل لا يجي يوم تمنين شوفه

- - - - -


منساك لو نسى الكحل سود الاهداب &&& وشلون تنسى العين صافي نظرها

- - - - -


عطني من حروف الغلا كلمه اغليك &&& واعطيك قلب ماحلم فيه مخلوق

- - - - -


ياليت من يطري على البال ينشاف &&& وياليت من نبغيه دومن نشوفه

- - - - -


احبك واستحي منك ولا ادري ويش اسويلك &&& اصارحك تزعل واخاف اسكت تعذبني

- - - - -


عزاه ياقلب شفوق ومشتاق &&& متولع في حب زين الوصايف

- - - - -


قالوا علامك شايل الهم بهموم &&& قلت اتركوني فاقد اليوم غالي

- - - - -


صوتن سمعته تل قلبي من اقصاه &&& لولا ضلوعي راح قلبي مع الصوت

- - - - -

ياوش بقى مني ولاجاك &&& مابقى الا روحي احيابها لك

- - - - -


في غيبتك دورت واحد مكانك &&& ابغى التسلي مير زاد الولع فيك

- - - - -


حظ المكان وحظ منهم حواليك &&& وحظ العيون اللي تناظر عيونك

- - - - -


لي صاحب لا شفت زوله تعافيت &&& مثل المريض اللي يحصل علاجه

- - - - -


ان قلت احطك داخل العين عييت &&& خايف يحول الرمش بينك وبيني

- - - - -


لولاك حبيبي ماتعنيت المشاوير &&& ودي بشوفك ياهوى البال وارتاح

- - - - -


قالوا تولع قلت انا الحب مابيه &&& الله يقطع سنين راحت من حياتي

- - - - -


لحظه غضب قلت ابتعد روح مابيك &&& واله الحقيقه وش حياتي بدونك

- - - - -


ليتك تحب اللي يحبك ويغليك &&& وليتك تروف بقلب شخص جرحته

- - - - -


اضحك مع العربان واقول ناسيه &&& وانا اتعذب كل ماحل طرياه

- - - - -


خيرك لغيري والشقا والعنا لي &&& والمشكله ان عارف كل الاحوال

- - - - -


والله مالوم القلب لو انه اغلاك &&& دايم خيالك يماثل خياله

- - - - -


من عادته لا فقدني يتصل فيني &&& يشفق لحبي وانا بالفعل حبيته

- - - - -


من عرفتك وانا بالوصل منك متهني &&& وش غير حنانك وعلمك القطاعه

- - - - -


ضحيت بالدنيا على شان دنياك &&& وخليت كل اللي يبيني وجيتك

- - - - -


ما اقول انسى عيون الناس من شانك &&& اقول انسى جميع الناس لعيونك

- - - - -


ماتعودت السهر حسبي الله عليك &&& كل ماقفت عيني صحاني غلاك

- - - - -


لو طالت الايام ماوالله انساك &&& غالي وتبقا دايم الدوم غالي

- - - - -


ابيع لجلك باقي الناس واشريك &&& وتصير وحدك بين رمشي وعيني

- - - - -


جعل عين عقب فرقاك تفقد بصرها &&& عين بلا شوف الحبايب مالها قيمه

- - - - -


لا تستحي قل احبك تعبت اسماعي &&& ارجوك لاتستحي ياصاحبي قلها

- - - - -


اليا مني خطيت بحقها جتني تسامحني &&& واذا قلبي قسى حنت ورقت لي مشاعرها

- - - - -

اطالبك تبعد وإلى شفتك اقفيت &&& قمت اتبعك من غير راي وعقيده

- - - - -


ياليت جسر المحبه ينشر اخباره &&& يجيب لي عن حبيب الروح معلومه

- - - - -


سبحان من صورك وابدع بتصويرك &&& فوق الحلا فيك طيبه قلب تملكينه

- - - - -


لا تظن البعد ياخذ من غلاك &&& لا تظن اعشق وادور من جديد

- - - - -


هذا حبيبي وهذا اللي تمنيته&&& ماغيره احد ملا قلبي ولاعيني
هذا الذي بين كل الناس حبيته&&& اغليه وادري كثر ماأغليه يغليني

- - - - -


حظ المكان وحظ منهم حواليك &&& وحظ العيون اللي تناظر عيونك

- - - - -


لو خيروني في زماني وش اختار &&& ما اختار غير حبك في حياتي

- - - - -


انا عليك اغار من كل مخلوق &&& ليتك تقدر غيرتي والموده

- - - - -


ركزتلك في ساحه الحب رايه &&& خليت كل من شافك يدق التحيه

- - - - -


انا اشهد ان كل المشاعر تودك &&& وانا اشهد ان بالناس محد يساويك

- - - - -


معذور احبك لا تقولي غلطان &&& وشلون ما احبك وشوقي ذبحني
من قبل اعرفك كنت سالي لي زمان &&& لين شفتك فزقلبي فضحني

- - - - -


شفت العقل مرات يجبرني انساك &&& شفني تركت العقل دونك وجيتك

- - - - -


مرات افكر اجيك وقلبي يمنعني &&& ملعون هالقلب يلعب على كيفه

- - - - -


محد يحب الغير زود عن النفس &&& الا انا مغليك زود عن الروح

- - - - -


عقب البطى جاني يقول الغلا زاد &&& اثره صحيح الحب الاول مصيبه

- - - - -


عطني وعد انك معي طول الايام &&& واعطيك عهد انك حياتي وذاتي
اخاف تتعبني معك وارسم احلام &&& والقاك بكره صرت من ذكرياتي

- - - - -


يسالوني ليه احبك حب ماحبه بشر &&& وليه انت في حياتي شمسها وانت القمر

- - - - -


ودي معاه ابتدي بالمحبه &&& ودي اوضح كل ماصار فيني
حبي لها يزداد من غير سبه &&& رغم الظروف القاسيه في سنيني

- - - - -


لامرني طيفك اضمه حيل باحضاني &&& وشلون لا جيت عندي وشافتك عيني

- - - - -


مشتاق اسولف معك واحس لحظه بهواك &&& من كثر ما اقول غالي زاد بغيابك غلاك

- - - - -


قلبي وانا ادري به يحبك ويغليك &&& تبغى الحقيقه كل كلي يحبك

- - - - -


من عيوني كل ماتامر عليه &&& غير قلبي وش تبي مني وجاك

- - - - -


لا جيت ابهرب من عيونك تراجعت &&& ياكيف ابهرب والمسافه عيونك

- - - - -


خطاك انك تصدقني الى من قلت بنساك &&& انالا من نسيت الحمد قلي وش اصلي به

- - - - -

من يدفنك بالهم ادفنه بتراب واكتب على قبره يخون الحبايب:

- - - - -


تغيب لكن ماتفارق عيوني &&& انت الوحيد اللي اليا غبت غالي

- - - - -


مثل العسل وسط الضماير غلاكم &&& وانتم عسل كل الليالي والايام

- - - - -


ملكتني ياللي للارواح ملاك &&& ارجوك ثم ارجوك لا تمتحني

- - - - -


حبك سرى بالروح وشلون اخليك &&& اهواك لو زاد الألم في ضلوعي

- - - - -


اللي يبينا عيت النفس تبغيه&&& واللي نبي عيى البخت لا يجيبه

- - - - -


لا تنشد الناس عني وانت ادرى بي &&& نفسي تمناك وانت اغلى حبايبها
اغلى من عيوني الثنتين واصحابي &&& واغلى من الناس حاضرها وغايبها

- - - - -


لك حق تزعل ثم لك حق نرضيك &&& ما اقوى زعل حبيب قلبي وعيني

- - - - -


من عيوني كل ما تامر عليه &&& غير قلبي وش تبي مني وجاك
انت تامر والرضا منك اشتريه&&& عاشقك همه بها الدنيا رضاك

- - - - -


طوينا صفحه الماضي وتبنا &&& خذينا اللي كفانا وانتهينا
نبي نسلا من الحب ونشبنا &&& عذاب الحب مكتوب علينا

- - - - -


من يقول الحب ذباح مالومه &&& اشهد ان الحب قطاع الانفاسي
زلزلتني نظره الرمش وسهومه &&& واتعبت مقياس ريختر ومقياسي

- - - - -


باسمك وضعت الحب تاج على راسي &&& وباسمك كتبت اشواق حبي قصائد

- - - - -


الروح في شوفك عليك اليوم ولهانه &&& والقلب يفرح فيك الي من شافتك عيني

- - - - -


احبك حب صعب اوصف شعوري &&& عن التعبير يعجز بي لساني

- - - - -


جا يشوف الحال كيفه بعد ماهزه حنينه &&& قبل يسئلني سالته كيف حالك يالحبيب
قال انا كني غريب ضيع دروب المدينه &&& قلت انا كني مدينه تنتظر رجعه غريب

- - - - -


ودي اغمض وافتح العين والقاك &&& قدام عيني ياشريكي لحالي

- - - - -


احبك لو تحب غيري وتنساني وتبقى بعيد &&& عشان قلبي بيتمنى يشوفك كل لحظه سعيد

- - - - -


غالين والله مابها زيف وخداع &&& والحب واضح في كلامي وشعوري

- - - - -


قالوا الهدايا قلت انا ويش بهديك &&& مافيه مثل القلب يهدي قلاده
اقبل هديه من يحبك ويغليك &&& هديتك قلبي وعمري زياده

- - - - -


انتي وبس اللي لها القلب يشتاق &&& انتي وبس اللي سكنتي خفوقي

- - - - -


يناس احبه والمحبه مقادير &&& هذا هوى نفسي وهذا قدرها

- - - - -


خذيت بشورهم واثر المشوره ماتفيد &&& خصوصا مع حبيب مرخص الدنيا على شانه

- - - - -


مافيه فرق بين حي ومقبور &&& لا صرت حي وعن هوى النفس قاصر

- - - - -


مالي بحبك ياحبيبي خيارا &&& قلبي تولع فيك غصب عليه

- - - - -


هو روح روحي وهو بعد كل من لي &&& لا شافني زعلان يضحك حجاجه

- - - - -


لا لا تسافر يا اريش العين مقدر &&& اعيش من دونك ولو نصف ساعه

- - - - -


اشتقت لعيونك وصوتك ونجواك &&& واشتقت لظروفك ولو هي عنيده

- - - - -


ياوش بقى بعطيك مني ولاجاك &&& مابقى الا روحي احيا بها لك

- - - - -


مهما حصل من بيننا جرح وفراق &&& للحين حبك داخل القلب مطبوع
ومهما هجرت الروح مشتاق مشتاق &&& ياللي غلاكم بداخل الروح مزروع

- - - - -


تضحك على احساس قلبي يوم حبيتك &&& الله يستر عسى ماترقص بموتي

- - - - -


تعال فتشني من اقصاي لقصاي &&& والله ماتلقى سواك انت فيني

- - - - -


تعال واحضني قبل لحظه الموت &&& خايف احضن تراب قبري وخليك
شربي على غير الظما يجرح الكبد &&& وحبي على غير الموده خساره

- - - - -


لبيه يامن على بعد المدى جاني &&& تو المشاعر تسولف بالغلا عنه

- - - - -


يصاحبي مني لك الروح مهداه &&& والله لوبه غيره اغلى هديته
ماقلت لحد غيرك الروح تفداه &&& انت الوحيد اللي بروحي فديته

- - - - -


الا حبك شي ما اقدر عليه &&& كن حبك ضيف والقلب بدوي

- - - - -


حبك ملى عيني وقلبي قناعه &&& مابي سوى حبك ولو صار ماصار

- - - - -


ما احبك ومليت منك وما ابغاك &&& واللي مضى بيني وبينك نسيته
هذا الكلام اللي لو اموت ماجاك &&& حتى ولو ماتوا قهر ماحكيته

- - - - -


لو غبت لحظه كل مابي يتمناك &&& صعبه حياتي ياحياتي بدونك

- - - - -


علموه اني احبه علموه اني هويته &&& لو قوى بعادي انا بعد ماقويته

- - - - -


انتي بكف وباقي الناس بكف &&& متعليه في وسط قلبي ولك شان

- - - - -


كم عذول في هوانا تحدى وانكوى &&& رافعين الراس في الحب مانحسب حساب

- - - - -
ماقلت احبك لجل اجامل واسليك & & & كلام قلبي وانطقت به شفاتي

- - - - -
لولا الحياوالخوف والثالث الموت &&& لصرخ بأعلى صوت واقول احبك

- - - - -
لي قلب لو يصرخ من الشوق ناداك &&& ولي عمر لو عشته بدونك خساره

- - - - -
دام الوفا بقلوبنا حي مامات &&& احبابنا لو طول البعد غالين

- - - - -
احب اللي محبتهم تدوم سنين ماتنعاف & & & ماهو باللي محبتهم سحابه صيف خداعه

- - - - -

يا بنت قلبي وين مثله تلاقين *** قلبا عطاك الحب ما قال هاتي

- - - - -
ابشر بقلب مايجازيك نكران &&& قلب على مر الليالي مصافيك

- - - - -

تاخذني اشواقي علي غير مله &&& وامشي علي شانك طريق المهاالك

[COLOR="Blue"]يـــاحبيبي لا تظن اني نسيت &&& لاتظن البعد نساني غلاك
مانسيتك لو انا عنك انتهيت &&& ماقدرت ومستحيل اصبر بلاك
يعطيك العافيــــة أبـــو العــــز ,,,,,
وجميع الأبيــــات جميلة واحترت ماذا اختـــار ,,,,
ولك امتنــــاني,,,,

,,,,,,,,,,النـــــــايف,,,,,,,,,,[/COLOR]

يا هلا وغلا والله با ,,,,,,,,,,النـــــــايف,,,,,,,,,, وشاكر لك مرورك دمـــــــت بووووود

سلمت يا أبو مسلط وسلم غاليك

مشساركات ولا أروع

لكن أتمنى تبتعد عن اللون الأحمر

يا هلا وغلا يا السلطان ومروركـ هو الاروع

رووعه
سلمت يداك اخوي
تحياتي

تسلميلي يا نور الهدى وشاكر لكــ حضوركـ ي
دمــــــــــــــــت بــــــــووووود

سلمت يا أبو مسلط وسلم غاليك

مشساركات ولا أروع

هلا والله يا ملك اليل وجعلك ذخر
دمـــــــــــــــــت بـــــــــــــوووووووود

كلمات روعه وجنان

عزوز الله يعطيك العافيه

تقبل مروري