02 Sep 2009, 05:59 AM | [ 221 ] | ||||||||
عضوة متميزة
|
يعني جنيك مامسك معك إلا بالمسابقات .. ذكرتني بالأسواق بنت خالتي حظها طايح تقول من أدخل سحب أو مسابقة أخسر ومره كان عندهم مهرجان بأحد مولاتهم بالكويت وسحب على سيارة تقول حطيت اسم وحده من صاحباتي ولا فيه نيه للفوز بس بجرّب وتخيل فازت تقول ماتوقعت الفوز واتصلت بصاحبتها وقالت تجين ضروري للمول وحظها حلو نايمه ببيت أهلها صحت على هدية ماتحلم فيها سيارة وتنازلت بنت خالتي لها تقول حقها لأني ناويتها لها وفاز اسمها .. *** أممممممم ماببالي موضوع معين لــكن عندي سؤال صحيح إنه مافي عود اسمه الأزرق وعشان دخانه أزرق سموه بهالاسم !! تصدق تفاجأت من خالي هو خبير بالبخور والعود ويسافر يجيب العود لمحله وودي أشوف العود الأزرق على بالي لونه أزرق صار العود الغالي اسمه المروكي ياإنه يكذب علي عشان مايعطيني الأزرق ياإنه صادق وإحنا عايشين على وهم أغنية الطقاقات يالعود الأزرق تـــرف يابنت ....... صار الأزرق أرخص والمروكي بعشرة آلاف الكيلو لازم نغيّر نمط المدايح ... ونشيل من القائمة الأزرق ... |
||||||||
|
|||||||||
02 Sep 2009, 06:12 AM | [ 222 ] | ||||||||
|
والله با أنني كحيان وما عندنا غير الجاوني حق الجنون والحريم النفاس ^_^ ما أعرف لا عود أزرق ولا مروكي .. بس في عرسي الي بعد 100 سنة بأقول للطقاقة غني وقولي \\ يا هل العود المروكي,, يالي عروسكم جايه في سزوكي ,, يا عروسه قولي لأبوكي ,,, إن أهل العريس ضربوكي ^_^ ====================== عندي سالفة مطابنة البنت لأم الزوج ؟؟ تكلمي أنتي وبدون تنميق خلي ترف هي الي تتكلم وكلامي لكل بنت ودها تشارك في السالفه ^_^ |
||||||||
|
|||||||||
02 Sep 2009, 07:13 AM | [ 223 ] | ||||||||
عضوة متميزة
|
أفا يابندر ليه بعد مية سنة شكلك بتصف عند أخوي صك السبعة والعشرين وماأعجبته ولا بنت وقسم تعبنا وياه كل يوم يزيد شرط والبارح يوم لقينا له كل شروطه قال والله أصغر مني بسنة مابيها أبغى وحده عمرها عشرين أتوقع إنه بيقعد عزابي طول عمره .. جبنا له جميلات طلع عذروب في حياتهن جبنا له ملتزمات قال والله مابيهن موظفات وقسم إن السبب حريم جماعتنا خربوا أفكاره يقولون لو يجينا زوجناه بثيابه ومن درى وهو شايف نفسه يقول دامي واثق إني لاطقيت الباب بيحبون راسي ماني طايح إلا على وحده تسوى والزواج مره وحده بالعمر << ياشباب أموت وأعرف منو البنت اللي بتملى عيونكم *** سؤالك خيو بندر يرفع الضغط ياخي ودك البنات اللي بهالتفكير تنطق ببيت أبوها .. بنت توها طالعه أمس تجي هي ووجهها ماتعرف بالحياة شيء وياي وياي وأنا أحب زوجي وأغاااار عليه من النسمه الطايره وحتى مامته تقهرني وأغار منها وأخليها عدوتي لعنبو بليسك هذي أم تدرين كيف أم يعني هو قطعه منها وإهي قطعه منه تجين تحشرين نفسك بيناتهم ليه كبري عقلك وغاري عليه من كل شي إلا أمه أنتي شوي شوي بتخسرينه بسبب غيرتك المجنونه اللي مو بمكانها بجد استغرب من تفكير بعض البنات والمصيبه قبل الزواج عايشتها مع صاحباتي تخيل ماتسولف وتقول كيف بكسبه كيف برضيه كيف بدش هالحياة لازم أتثقف لازم أتعلّم لا تجي وتقولك ياقهر أمه بتسكن عندنا بالبيت أو أمه بتنكد علي وتتدخل بحياتي ليه هالتفكير العقيم .. أنتي أكسبي زوجك بلطفك وتعاملك وشوفي من أكثر مخلوق يحبه حبيه معه وشاركيه طبعاً أكيد أمه من أولوياته ويعشقها أكثر منك ليه تفكرين بالغيرة وليه هو يحبها أكثر مني وتبنين عداوات من تفكير سقيم مو أحسن إنك تعشقينها معه وخلصنا وربي بيكون بيدك إذا شافك تحبين أهله وتحبين أمه بيرتاح نفسياً لك وبيحس إنك تحبينه وعشان كذا تغلين أهله وربعه وقبيلته مو صح وإلا الشعراء خراطين يعني بأمور الحب الوحده لاحبت أحد حبت قبيلته وشلون عاد أمه أكيد بتكون مثل أمها وإلا تلعبين على نفسك تبين تملكينه وبس كذا تحلمين الرجال مو لعبه بيدك تجين تهينين أمه وأمك قالت وأمك سوت وتبينه يحبك أنتي مو داخله حرب داخله حياة تحتاج منك تنازلات وطيبة خاطر وأسلوب تعامل وتخلين أنانيتك ببيت أبوك خلك إنسانة طاهرة تحب الخير للجميع وارسمي سعادتك بيدك مو تهدمينها أنا عندي نظرية وبطبقها بحياتي المستقبليه << صدقت الوضع بجد أنا أعتبر أهل الزوج كنز في صنع السعادة للمرأة لو هي كسبت أمه وأهله بيكونون بصفها بكل شي يعني لاطرى له مثلاً يعرس عليها<< هذا اللي ذابحها بتكون الأم وأهله بصفها ليه لأنها حبوبه معهم ومعتبرتهم مثل أهلها لــكن لاصارت شرانيه ولسانها سليط وقال لأمه بعرس بتقوله أحسن هذي الساعة المباركة إكسر خشمها فليه مانكسبهم ونريح روسنا كلها شوية حب مع شوية احترام وتقدير ويكونون بجيبك وانتي ولا خسرانه شيء كسبتي قلوب وكسرتي حروب .. ورجالك يامال الوهم ملكك يالخبله بس قدام أمه سوي نفسك مو مهتمه فيه ولاتعطينه بال خلي الضوء على أمه وياخاله ويالغاليه وآمري وأبشري وش بتخسرين كلها ساعات بترفع قدرك عنده وعند أهله والكلام على ماقالوا ببلاش إلا بتسمين بدن الضعيّف وتنكدين عيشة الأوادم لاتخلينهم يتندمون على اليوم اللي اختاروك فيه خليهم يقولون ياجعل ساعة جابتك لنا تعيد << شكلي لخبطت بالمثل المهم هذا العجز يقولنه لحريم عيالهن لاصارن طيبات مو حيّات.. وصباحكم رايق .. |
||||||||
02 Sep 2009, 07:23 AM | [ 224 ] | ||||||||
|
يا سلام عليك يا ترف يا سلام عليك كلام مايقوله الا كل عاقل وانتي عاقله صباحك عصير سنتوب مع كيك لوزين ^_^ << يبيها تفطر وبيض الله وجهتس ,, |
||||||||
02 Sep 2009, 07:27 AM | [ 225 ] | |||||||
عضو متألق
|
مشاءالله سوالف ترف تهبل غنية وامورها تمام الله يهنيها |
|||||||
|
||||||||
02 Sep 2009, 07:41 AM | [ 226 ] | ||||||||
عضوة متميزة
|
^ ^ أهلاً بك أخي سلطان .. (صدقت أنا غنية نفس ،، وغنية أخلاق ,, وغنية مهابه) لــكن كان قصدك غنية مال بصراحة ماقلت إني أملك عماير أو محلات أو قايمه بمشاريع تجاريه عشان تقول غنيه الله يهنيها ..!!!! يمكن الصيام أثّر على الاستيعاب عندك والتركيز صرت تقرأ حروفي بالغلط ....! |
||||||||
02 Sep 2009, 08:35 AM | [ 227 ] | ||||||||
شاعر
|
وش عندكم في الديوانية جيت اتمشى عند حديقة الشنبات وشفتكم من بعيد وين الغربي صديقي اليوم فريت الحرم لكن ماشفتة يبدو اني مارحت لساحه الشرقية والله توني شفت الرد حسافة بس يالله تصبحون على خير الي يشوف الغربي كتب هنا يبلغني برساله ولا يجي حارة التقنية تراني اتكي هناك بعد العشاء واحيان ظهرية فمان الله |
||||||||
|
|||||||||
02 Sep 2009, 04:34 PM | [ 228 ] | |||||||
عضو متألق
|
يا اخوان ترا حنا مسلمين مثلنا مثلكم يوم يجي واحد يقول ياسلطان تصرف مع من نختلف معهم هل نحن كفار قريش ياليت مثل هالافكار هي اللي تتصرف معها ياالسلطان وعيب ياابن لماس تستفزع عيال العم على بعضهم |
|||||||
02 Sep 2009, 04:38 PM | [ 229 ] | ||||||||
|
مساء الخير والفل والكادي ^_^ وش رأيكم طيب بما أننا في شهر الخير والبركة نتكلم عن إيجابيات البشر في هذا الشهر وسلبياتهم ^_^ يالله يا جماعة شدو الحيل وأحييو الديوانية |
||||||||
02 Sep 2009, 04:39 PM | [ 230 ] | |||||||
عضو متألق
|
المشكله يسوي لي مخالفة بعد اثر الضحك والسوالف لناس عن ناس الله يهديه ويخليه لامه |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
۞ زفرات العاشقين ۞ | عيد الشدادي | مرافئ البوح | 19 | 21 Sep 2007 11:03 AM |
۞۞ تقـول لـي لبيـه واقـول لـك سـَم ۞۞ | بدوي فاهم | بحور القوافي | 28 | 11 Aug 2006 11:20 AM |
۞۞قصيدتي في صديقي ابو زلف۞۞ | بدوي فاهم | بحور القوافي | 26 | 18 Mar 2006 01:36 AM |
|