الإبـــــــــــــــادة

اخواني الاعزاء اعضاء منتديات الشدادين هذة القصيدة اول مشاركة لي في منتدى الشدادين

وارجوا ان تنال على اعجاب الجميع

يا ناس ياللي تزعمون ان الإبادة فالحروب=ترى العيون السود يا كم من شعوبٍ بادته
خص العيون اللي سهمها لاتغلغل في قلوب=بعض البشر يا سرع ما راجع قسم عيادته
يقولة اللي كل ما حاول من ذنوبه يتوب=هبت هبوب الذكريات اللي لجرحه عادته
وتذكر ايام الطرب واشتاق للغرو اللعوب=اللي سعادة قلبي المسكين من سعادته
احيان احس انه معي صادق واحس انه كذوب=لكن امشيها لجل اكسب رضى سيادته
قلبي مطاوعها تتلة من شمال اليا جنوب=اليا بغت قلب المعنى كلمتين وقادته
يا عين حرٍ لا شهر جاب الفضا والارض جوب=روس الجبال النايفه اليا اهتوى ما كادته
ويا عنق ريمٍ مرتعه في وسط عسرات الشطوب=في موقعٍ عسرٍ مطاليعه على صيادته
ترى طرات العمر يا امّا تحب او محبوب=ويميز العشاق ورد الحب لا تهادته
وانته معي يا غايتي كنك على الحب مغصوب=لجلك رخصت المال لو مانيب من عبادته
انا دخيل الغره اللي كل ماهب الهبوب=تمايلت عن حاجبينٍ بالحلاوه زادته
اني ليا جيتك وانا غرقان في كل الذنوب=انك لتعطي نفسي المحرومه اللي رادته
وقلبٍ شراك ولازعلت اتضيق بة كل الدروب=ادخل على الله لاتشمت فالهوى حسادته
انا ابن آدم والبنادم غصب تلقابه عيوب=حتى لو انه طول ليلة باسطن سجادته
صحيح يمكن فالكلام العذب ماعندي سلوب=مقرود والمقرود دايم تنكبه قرادته

اخوي

صالح بن هميجان

الله ياسلام

قصيده جزله غزليه ووصفيه رائعه

صحيح يمكن فالكلام العذب ماعنـدي سلـوب = مقـرود والمقـرود دايـم تنكـبـه قـرادتـه

هههههههههههههههههههه

الله يسعدك اسلوبك جميل وعذب ومعبر

سلمت وصح لسانك

تحياتي

من ذوقك الراقي أخي متفائل

انا ابن آدم والبنـادم غصـب تلقابـه عيـوب =

صح السانك اخوي صالح انااعتبرهذاالبيت من افضل ابيات الشعرقبل وبعد فيه الحقيقه المره

يا مرحبا بك يا صالح

قصيده ومشاركة اولى تدل على حضور شاعر كبير في منتدانا

هلا بك هيل وإعداد السيل تشرفنا بتواجدك طال عمرك

تحياتي

صح بدنك اخوي ابو اثير ويسعدني مرورك

شاكر مرورك اخوي بدوي والشرف لنا بمرورك

انا دخيل الغـره اللـي كـل ماهـب الهبـوب=تمايلـت عـن حاجبيـنٍ بالـحـلاوه زادتــه
اني ليا جيتك وانا غرقـان فـي كـل الذنـوب=انك لتعطي نفسـي المحرومـه اللـي رادتـه
وقلبٍ شراك ولازعلت اتضيق بة كل الـدروب=ادخل علـى الله لاتشمـت فالهـوى حسادتـه

يا هلا والله بولد العم ابن هميجان

حياك الله يالذيب في منتداك

والبداية قوية وتنبئ بشاعر لا يشق له غبار

تقبل شكري العميق والجزيل لشخصك الكريم

وإن شاء الله نشوفك متواصل معنا على طول.

الشاعر صالح بن هميجان

صح لسانك مليووون قصيده جزله من شاعر جزل

صح لسانك يابن العم ولاهنت قصيده

جزله من راس جزل نتمنى نشوف

جديدك الدايم يعافيك ربي

والله صدق صالح سهام الرمش افات القلوب=ليا اقبل دكته واليا بغى ينحاش عنها نادته

صح لسانك وقصيده رائعه بروعة شاعرها