قصيدة بن افطيس

يا شيـن طبـعٍ فيـك يا زيــن الأطبـاع=لولا الرجــاء ما كان خلّيته يفـوت
سَـنَـع يشـوّه لا تـذكّـرتــه أسـنـاع=مثل الحصاة اللي وسط عقد ياقــوت
تخـفي هيـامـك وإنت ميـّـت وملـتـاع=ما تـدري إنه في ملامـحـك منـحـوت
ويبخل لسانك وإنت للسمع طمّـاع=والبخل في سِلْم المحبيـن ممـقـوت
الحكي قوت السمع وأسامعي جياع=ومسامـعي ماتت من الجـوع للـقـوت
وحكي الغزل في صدرك أشكال وأنواع=لكن صمتك حوّل الصـدر تـابـوت
إلا طَلَبتـك وصـل صعّبـت الأوضـاع=مدري من اللي درّسـك جعله يمــوت
تصـد ما كـنّـك من الصـد مـرتـاع=وإن قلت يا القاطـع تلفّـت مبـهـوت
أقطع بـ دَرْب مواصلك في الشهر باع=وإلاّ إنت تقطع للوصل فـ السنة فوت
طعني وطاوع واحدٍ فيك ما طـاع=ناسٍ ضعاف عقول وأشوار وبخوت
وإلطف بحال اللي نحـل حاله و راع=قلبٍ جروحه تنزف أفكار وبيوت
قلبـي إلا منّه شـرى قـلـب ما بـاع=وإنت هالله هالله فيه والعمـر موقوت
اسمع أشعاري في الهوى وارخ الأسماع=ياللي غـلاك بـ تربـة القلب مكـتـوت
لا للفـراق و لا لتجديـد الأوجاع=ونعم نعم للوصل لو كان بالصوت

الشاعر
محمد بن حمد بن فطيس المري

شاعر كبير ابن فطيس
وقصائده كلها قمم في الجزالة والعذوبة
ألف شكر لك أخوي امبراطور قيا

صح لسان الشاعر محمد أبن فطيس

ولاهنت يالأمبراطور على نقل القصيده الجميله

		المشاركة الأصلية بواسطة : السلطان اقتباس
	شاعر كبير ابن فطيس وقصائده كلها قمم في الجزالة والعذوبة ألف شكر لك أخوي امبراطور قيا

يا هلا وغلا يالسلطان ومشكور

ولاهنت على مرورك العطر

		المشاركة الأصلية بواسطة : الغريق اقتباس
	صح لسان الشاعر محمد أبن فطيس ولاهنت يالأمبراطور على نقل القصيده الجميله

يا هلا وغلا تشرفنا اخي الغريق وانا اشكرك على اهتمامك

ولاهنت على مرورك يالغالي

اشكرك اخوي الغريق
على مرورك العطر
ولا هنت

		المشاركة الأصلية بواسطة : اقتباس
	لا للفـراق و لا لتجديـد الأوجــاع ونعم نعم للوصل لـو كـان بالصـوت

صح لسانك يابن افطيس



لاهنت يا إمبرااطور قيا

^
^

صح لسانك يابن فطيس ..


والف شكر لك أخوي على القصيده ..

شكر اخوي ابن الامير
على مرورك المتميز
ولاهنت

شكرا اختي سديم
على مرورك
المتميز
ولاهنتي