مجد الشدادين

سلام ياللي ذكرهم يرفع الراس=آلاد شدّاد البحور الهوالي
كسّابت القالات في كل نوماس=كسّابت القالات في كل حالي
ربعٍ لهم في قمة المجد مجلاس=حماسة البن الخضر في الدلالي
تاريخهم معروف تدري به الناس=من خصمهم مايطلبون المهالي
عجير بن مهرس وعايض ومحماس=يروون حدّ المرهفات السلالي
ومفلح فعوله مالها عدّ وقياس=سمّ العدا وإن جا نهار القتالي
ومبارك اللي بالفخر ماله أجناس=وشرار بن سعد كريم السبالي
ربعٍ قروم وللفخر تلبس لباس=وبأفعالهم نعتز طول الليالي
شيوخنا اللي يوم الأرياق يبّاس=على ظهور مصرعات الحبالي
خيالهم ياخذ على الخيل مرواس=يطب غبات البحر ما يبالي
ياكثر ماركبوا على قبّ الأفراس=غزوا بها شرق وجنوب وشمالي
مراحهم في خايع ٍ مابه أوناس=ومع السحر كلٍ بصوته يلالي
كم حلةٍ من عقبهم راحت أرماس=أقفوا بها على ظهور الجمالي
والبيت مايبنونه إلا على ساس=وبنيٍ بلا سيسان يصبح هيالي
الساس من قحطان ياماأطيب الساس=من ربع ابن شفلوت والحظ عالي
من جا لهم طمعان عود بالإفلاس=مافاد لا مكسب ولا راس مالي
واليوم جا شيخٍ مقلّع للأضراس=أبو حسين اللي يشيل الثقالي
غير الكرم والجود للبحر غطّاس=يحاول خصامه وهو مايحالي
مايستمع في كل حاسد وبلاس=حيدٍ يذرّي عن هبوب العوالي
مادام راسه حي ماعندنا باس=عساه يسلم له سنين طوالي

الشاعر

عبيد بن سلطان الشدادي

		المشاركة الأصلية بواسطة : أبو عيد اقتباس
	واليوم جا شيخٍ مقلّع للأضراس=أبو حسين اللي يشيل الثقالي غير الكرم والجود للبحر غطّاس=يحاول خصامه وهو مايحالي مايستمع في كل حاسد وبلاس=حيدٍ يذرّي عن هبوب العوالي مادام راسه حي ماعندنا باس=عساه يسلم له سنين طوالي

صح لسانك ابوعيد واتشرفت بالرد الأول على قصيدتك ... والنعم بالشدادين جميع .

والله والنعم ... في الشدادين جميع.. نسب حر ورجال احرار..

مايستمع في كـل حاسـد وبـلاس=حيدٍ يذرّي عـن هبـوب العوالـي
مادام راسه حـي ماعندنـا بـاس=عساه يسلـم لـه سنيـن طوالـي

والنعم والله في ابو حسين ... وعساه على القوة..

ابو عيد ... صح لسانك والشكر لا يقال لمثلك لانه قليل لما قدمت...
بس عندي طلب.. انك تذكر لنا اسباب النزوح من قحطان والحلف بقصيدة من روائعك
تذكر فيها قيا وحدودها وافخاذ الشدادين واحلافهم وخلافه من التاريخ
في ابيات شعريه تعتبرملحمة توثق التاريخ بعد عشرات السنين

	والبيت مايبنونه إلا علـى سـاس=وبنيٍ بلا سيسـان يصبـح هيالـي الساس من قحطان ياماأطيب الساس=من ربع ابن شفلوت والحظ عالـي والله ونعم النسب ونعم الرجال رجال الشدادين مجد وبطولات وتاريخ يخلد بأسطر من ذهب إلى قيام الساعة صح لسانك يا أبو عيد وبيض الله وجهك وهذي هي القصائد اللي نبغاها من زمان وتراها ما تكفي واللي مثلك نطلب منه المزيد والكثير لأننا نجد بها جزالة المعاني وقوة الكلمات وجمال النظم للشعر الشعبي الأصيل الله يطول في عمرك ويحفظك يا أبو عيد

اخوي الغالي ابو عيد بارك الله

فيك وبيض الله وجهك قصيده

جزله ورااائعه من شاعر كبير

نتمنى منك المزيد دايماً

الله أكبر
قصيدة جزلة من راس جزل
صح لسانك يا أبوعيد وبيض الله وجهك قلت وربعك يستاهلون المدح
حياك الله يالغالي

:::...::: ابـو عـيـد :::...:::

لقد أبدعت في هذه القصيده والله ونعم فيك .. شاعر متميز دوماً .. يض الله وجهكـ ..
والله ونعم فيك .. وهذي هي القبيله التي نفتخر بها أمام الجميع ..

أحترامي لك

قصيدة جزلة يابو عيد


وامرانا شيوخ ومعروفين ولكن فى وقتنا هذا اتو صبيان كانوا يبعون الثايم

وحاولوا تغير التاريخ ولكن ههيات فالحر حر والعبد عبد اشكرك على القصيدة الجزلة ابوعيد

سلام ياللي ذكرهـم يرفـع الـراس =
كسّابت القالات فـي كـل نومـاس =
ربعٍ لهم في قمة المجـد مجـلاس =
تاريخهم معروف تدري به النـاس =
عجير بن مهرس وعايض ومحماس =
ومفلح فعوله مالهـا عـدّ وقيـاس =
ومبارك اللي بالفخر مالـه أجنـاس =
ربعٍ قروم وللفخـر تلبـس لبـاس =
شيوخنا اللي يوم الأريـاق يبّـاس =
ياكثر ماركبوا على قـبّ الأفـراس =
مراحهم في خايـع ٍ مابـه أونـاس =
كم حلةٍ من عقبهم راحـت أرمـاس =
والبيت مايبنونه إلا علـى سـاس =
الساس من قحطان ياماأطيب الساس =
من جا لهم طمعان عود بالإفـلاس =
واليوم جا شيخٍ مقلّـع للأضـراس =
غير الكرم والجود للبحـر غطّـاس =
مايستمع في كـل حاسـد وبـلاس =
مادام راسه حـي ماعندنـا بـاس =

الله الله الله

يابو عيد

صح لسااااااااانك طال عمرك وبيض الله وجهك يالقرم

ربعنا ياربعنا والله وألف نعم بالآد شداد من كبيرهم وصغيرهم
ورحم الله شيوخنا الابطال ..تعلمنا منهم ولازلنا نتعم من فعايلهم المشرفه


كتبت لنا يابو عيد أبيات رجوليه زاخره المعاني
وجسمت لنا مشاهد حماسيه بربعنا وبينت أبيات
مليئه بطولات الأبطال ..

عاليه بعلو ربعنا وشامخه بشموخهم

أبو عيد هاااااااااات خشمك احبه يالسنااااافي

أ بو عيد


ونعم في ألاد شداد جميعاً

وصح لسان الشاعر / عبيد بن سلطان الشدادي الحارثي

قصيده شامخه كشموخ شاعرها

سجل أعجابي بماسطر قلم من بيوت تكتب بماء من ذهب

وتقبلو تحياتي