كل بيت عن الف قصيدة

اخواني السلام عليكم ورحمة الله وبركاته
احبيت ان اقدم لكم ابيات مختاره وفي رايي كل بيت عن الف قصيده والحكم لكم
وبعض الابيات عرفة شعارها وبعضهم ماعرفت قايلها

كان الرجال اللي مضو يصدقوني= وحدك ولا خوة مغاريف الانجاس
طوال الظهور مخيبين الضنوني=جرارة الطرقه سرابيل الاكياس
والبوم ساس البوم مايفلحوني = ماطلعت سود التنك فض ونحاس
مانيب من ينصى نسيبه ليا حتاج = قرشٍ حرام ولا ريال النسيبي
ان جتبك الدنيا وجابك صدفها = لاتعتزي باهل النفوس الضعيفه
انصحك نفسك لاتصقط شرفها= ترى بعض بيض المجالس مجيفه
ماني وانا بندر بهيسٍ ولد هيس= هيسٍ يدنع عند حرمت قصيره
ليا بغيت اجلس ترى الي مجاليس = وليا بغيت انهج ادروبي عسيره
ابن الائيم امخاشر الكلب بطبوع = عينه على حرمت قصيره دورها
مادارها خوفٍ علاها من الجوع= خايف تفوته غرتٍ ماسبرها
اخافلي من مجلسٍ مايذري = في جانبه بومٍ حساسه صليبه
سوالفٍ مابين تجحد تقري = يجرح فوادي عيةٍ وبتليبه
مايقدرون الجود سود الاطاريف = مشاركة بيض النساء بالحافي
لوكل من قاد السبب يعلم الغيب= ياما كرهت النفس من باب خيره
من كثر ماجربت وقبلت وقفيت= قولت هلا لمن لايودك مهونه
الشاعر =بندر بن سرور العتيبي
الذم مايهفي للجواد ميزان = والمدح ماطول يدينن قصيره
الشاعروالفارس= راكان بن حثلين العجمي
لو كل مانسمع نحطه على البال = كان الهروج العوج بذت خفانا
الشاعر = بدر الحويفي الحربي
من يحط اذنه على كل سماعه = جاه فرقاً مابعدها تجماعي
الادمي لولا المكارم والاخلاق = كالحنظله من عرقها لاورقها
ليتني يوم انحر الطيب بحاجه = انحرف ملقاه والا قضي لزومي
ياشينها لاصرت لناس محتاج= تصغر بعين الناس من شان حاجه
لا مر وطرق بخدراته يسلملي = كنه يسلم علي بصوته العالي
اخلوني اسج عن موضوعه احسلي= والا الغلا والله ليبطي وهو غالي
ودنا بالطيب بس الدهر جحاد طيب = كل ماتخلص مع الناس كنك اتغشها
يدك لامدت وفاء لاتحراء وش تجيب = كان جاتك سالمه حب يدك وخشها
الشاعر= سعد بن جدلان الاكلبي
الحذفه اللي مالها فيك ميقاع = تعدها لاطالع الحذف من وين
الشاعر = مصلح بن عياد الحارثي
ياليت ربي ماخلق حب وفراق = ولآ خلق حبٍ على غير فرقا
يامعدي المرقاب خله لمشتاق =حول وخل امعذب القلب يرقا
الشاعر = محمد بن احمد السديري
لو كل خلق الله علينا تشابه = ماكان من نبغض ولا من نحبه
الشاعر= عبد المحسن سعيد
عادة لسان اقليل العرف مسموم = يجرح شعور محكمين الضماير
الشاعر = رشيد الزلامي
الرجل لا فكر بطنه ومخباه = حدر من العليا مع البير تحدير
الشاعر = محمد خلف الخس
خلك شمالي عند زلة قرايبك = وعلى الحقوق ليا نصنك حجازي
ولضيف والجيران لين جوانبك= وبالطيب جاز وبردى لا تجازي
الشاعر = عبد الله بن زويبن الحربي
عزي لمن جاله ورى النذل حاجه= ياعنك ماحده زمانه على خير
ماكل من يضحك مع الناس مبسوط = ياكثر من يضحك ونفسه حزينه
كبر الخطاء ماكل عذرٍ يغطيه = مثل التعازي ماترد المصيبه
من راح من كيفه وكيفه يوديه = خله على كيفه وكيفه يجيبه
ماكل همٍ يسكن القلب ينقال = ولاكل خلق الله هاذي تشابه

مشكور اخوي

وصح لسان شاعرهاا قصيدة رااائعه

احسنت الاختيار

مودتي

مشكور اخوي

وصح لسان شاعرهاا قصيدة رااائعه

احسنت الاختيار

مودتي

مشكوووور اخوي على نقل هذه القصائد الرائعه

وتـــقـــبــــل تـــحــــيـــــاتـــــي،،،،،،

مشكور اخوي
حمد
وصح لسان شاعرهاا قصيدة رااائعه

ياهلا ياخوي عبدالله
والشكر الك انت على تواجدك

مااجمل اختيارك

اختيار موفق

سلمت يمينك ياحمد

العفو
يا فاقدة ابوها
واتمنى كل ماا قدمه
يحوز على رضاكم
والك كل احترام

ملك الليل
مرحبابك ويشرفني وجودك
والك اطيب التحايا

غريب بدياره
الاجمل حضورك
والله يسلم حالك