النفس ماتغضب على غير ماجاز

لزيت نفســــــــــــي مير عيت تلزا = وقهرتها غصب عل غــير ماجاز
مير انها شــــــامت تبي درب عزا = وتبي من الاحراس تظهر للابراز
ان صار من بعض المشارب تكزا = النفس ماتغضب على غير ماجاز
وش حيلتي لاصـــــار فكري مجزا = وقته رماه وفرقـــــــــــه مثل عناز
كن المناشر له تعـــــــط وتحزا = وكنه يكظه قالـــــــع الضرس بالكاز
عيني الى نامت عيون الاعزا = ياقف لــــــــــــها عن لذة النوم حجاز
وعن الهموم الى بغيت اتعزا = تجهز على جمــــــــوعها فرد وجواز
راياتها وسط الضماير ترزا = ليته يذاودها عن الــــــــــنوم حجاز
اكنها ولـــــها بصدري موزا = اخاف يقضب غيــــــــــــبتي كل لماز
حلو كلامــــه مير قلبه مخزا = وده يحط نار من الــــــــــــــــــــغاز
واسهر وعندى شنف تقل وزا = وانا لهن مع ضـــــيقة الصدر معتاز
فنجالهم بين الشفايا يمزا = اشقر ومشــــــــــروبه عن الخمر يمتاز
وافرح بعلم صادق مبرهزا = ونبي على سكـــــــانة القدس ملكاز

للشاعر محمد السديري

اختيار موفق وقصيدة رائعة

لشاعر الحكمة محمد السديري

تسلم يمينك وعساك على القوة

شعر الحكمة يكاد يكون الابقى .. لانه صالح لكل الازمنه ..
مع تطور الحياة ..
مشكور كديمس وياهلا

صح لسان الشاعر محمد

ومشكور اخي كديميس

على الاختيار الموفق