يا موقدين النار في البرد والصيف

لاتشوف وش ناقصك شوف
وش ربي عطاك وأشكره
ما يزعلنا صحيح ولا نرضى خطا
صارو أصحابنا في مقام أخوانا
ما خذينا كرامتنا بجيهان وعطا
جاتنا من سر شيبانا وأجدادنا
ماربحنا ألا الشجاع وحاله من حالنا
عسى الله يجملني مع العالم الوافين
ربوع السعد والخيروالطيب
والخوه ما أحب الظلم والخذلان
ياموقدين النار في البرد والصيف
خافو الله من نار تحرق هل الطيب
من جور غيرة وظلم الأوادم
المجامل بعض الأحيان مايقضي لزومه
لا أبو النفوس الضعيفه ولاأ بو جدها
أنا مالي في غيري لزوم
ولا لي في طرد المقفين مصلوح
لكن عسى من يتسبب للمقفين با أذيه
تحرمه ذنوبه رحمة الله ومرضاته.✍️فوزيه الشدادي

صح بوحك بريق

جداً كثير رووعهه الابيات بالصميم جت

ومكثورة الخيردوومك مبدعه الغاليهه
لاخلينا طيب نورك والحضور

هلا بك يا بريق الألماس والله يحييك يا شاعرتنا
ما قصرتي وصح لسانك ملايين
وننتظر جديدك دائماً والله يحفظك

أبيات تبشر بقدوم شاعرة مميزة
تستاهلين الطيب يا بريق الألماس
وصح لسانك ومن طيب لطيب

الله عليك يا بريق الألماس
يا زين ابداعك وقصائدك ويا زين معانيها
الله يعطيك العافية وصح لسانك

صح لسانك وصح قافك وقصيدك يا بريق الألماس
والله يعطيك العافية على هذه القصيدة
وكل مرة ننتظر جديدك

حياكم الله جميعا كلن بإسمه وأشكركم على الكلام الطيب الذي عهدناه دايما منكم لرفع المعنويات والتحفيز وأشكركم نورتو متصفحي بجمال مروركم العطر وأسعد الله أوقاتكم بكل خير.