عش حياتك ترى الدنيا فانية

بسم الله الرحمن الرحيم ..
حبيت أنقل هذا الموضوع ماأدري هل المكان المناسب ..

والله لو نطبق المكتوب كان مافي احد مهمووم بها الدنيا ..

تعال بس ولا يهمك .. و اسمع النصايح .. اللي طالعة من قلب ناصح لكم محب ..
لاتفكر في شيخوخة ولا كبر ولا زهايمر .. !
لكم انتم فقط .. أقولكم هذي النصايح ..
اتركوا كل اللي حواليكم .. أي شي شاغل بالكم خلّوه عنكم شوي .. لحد ماتخلصون القراءة !
بسم الله .. نبدأ ؟!
مستعدين .. ؟!
أولى النصايح يا طويلين العمر ..

@إذا أردت أن تعيش سعيداً فلا تحلل كل شي فإن الذين حللو الألماس وجدوه فحماً:



@ خل عنك الرياضيات :




الحين بالله .. العمر ، الوزن ، الطول .. ماهي بأرقام ؟!! وش لك فيها ؟!
لاتحسبها وتقول انا كبرت !!
خلي الطبيب هو اللي يحسبها .. انت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي : ل ا .. ت ح س ب .. ع م ر ك .. !

@صاحب الأصدقاء اللي يحبون الوناسة ووساعة الصدر



ياخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
( ملاحظة لك : اذا شفت ربعك ابتعدوا عنك .. حط ببالك انك من النوع الثاني ..
اللي يحوم الكبد! )

@ لاتتوقف عن التعلم



تعلم الكمبيوتر ،الحرف اليدوية ، الزراعة ، أي حرفة .. أي شغلة ! بس تعلم !!
لا تعطل مخك أبداً .. خليه دايماً شغال !
@ استمتع بالأشياء البسيطه



استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم .. بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها .. بتذكر الهم اللي صار لك قبل يومين !! والله انك مو وجه نعمة !

@أضحك ضحكة قوية ومن قلب .. !



أطلق ضحكة طويييلة و بصوت عالي ( طبعاً مع اصدقاءك .. والا يخرب البرسيتج ) ..
ضحكة تخليك تاخذ نفس عميق ..تحس معها أن كل الأكسجين اللي بالعالم دخل في كامل رئتيك !!
واذا عندك اصدقاء مرحين وتضحك معاهم على طول .. استغل الفرصة واقضى معهم أطول فترة ممكنة ..

@ الدموع لابد منها




تحمّل .. احزن .. و .. عدّيها !!
الشخص الوحيد اللي يستمر معاك طول حياتك هو ' أنت ' ! فلا تحمله ما لا يطيق من الحزن طول حياته !
عيش حياتك دامك عايش !!

@خلي الأشياء اللي تحبها دائما حواليك وتحيط بك



سواء كانت عائلة .. حيوان أليف تحبه .. نبته ترعاها بنفسك .. هواية .. ' أي شي '!
بيتك .. هو ملاذك الوحيد .. فأجعله مأوى للاستمتاع ..

@ صحتكـ



إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..

@لاتذهب في رحلات ' لوم الذات والإحساس بالذنب ' مع النفس



بل اذهب إلى رحلات .. للبر .. سافر .. اذهب لمكان فيه سعادة لك .. ولكن إياك ورحلات جلد الذات



ستندم كثيراً .. إن رحل عنك شخص للأبد .. وهو لايعلم انك تحبه ! لأن جرأتك خذلتك و أبيت الا تقولها له !
شفيها لو تقول لأمك : يمه انا احبك .. قد تستغرب هي بالبداية .. ولكن إن قلتها مراراً وتكراراً .. سترى انت نتائج مذهلة !
ماذا تنتظر !!! طبقها الآن !
::
وأخيراً .. تذكر .. !

الزيادة في العمر إلزامية .. ولكن الحفاظ على الشباب اختياري .. !

الله يا اعذب إحساس
أعجبتني هذه الحكم والنصائح
والمنشورة بشيء من الذكاء والحنكة
للكثير مما يهم حياتنا وصحتنا

ألف شكر لك
دائماً متميزة

مشكوووووووووووووووره
وكلامك حلو
بس وين اللي يطبق.......
تقبلي تحيتي

كلمات رائعة جدا

اي والله عيش حياتك وبس^_^

يسلمو

موضوووووووع رائع

يعطيك العافيه

		المشاركة الأصلية بواسطة : السلطان اقتباس
	الله يا اعذب إحساس أعجبتني هذه الحكم والنصائح والمنشورة بشيء من الذكاء والحنكة للكثير مما يهم حياتنا وصحتنا ألف شكر لك دائماً متميزة

حياك الله يابو عبدالله
شكراااا لمرورك العذب

كلام واقعي وجميل في نفس الحين

الله يعطيك العافية وماقصرتي

تقبلي مروري

كلمات في غاية الجمال والعذوبه
أحساس عالي مرهف
رآق لي ماطرحتيه من إبداع
دمتي ودامت ذائقتك
ودي واحترامي

الله عليكِ..

ابدعتي بالنقل ..


دمتِ