مجموعة قصص شعبية

الكل يعلم ما نمر فيه انا وانتم وكل مساهم من خساير وضيق بال فـ ياليت بعد اذنكم ان لا يحذف موضوعي ونحاول ان
ننسى هذي الاسهم ولو للحضات ويعلم الله اني لم اكتب الا اني احاول اسعادكم جميعاً

ونبدا مع هذي القصه الجميلة

المويضي البرازية المطيرية،احدى الشاعرات في نجد قديماً، وكانت هذه الشاعره معروفة عند الجميع في مناطق واسعة من نجد.
وفي أحد الأيام خرجت مويضي وأخذت تغني ،فسمعها أحد رجال الإمام فيصل بن تركي آل سعود وهي تغني و((تهيجن))
بصوت واضح ،فذهب الى الامام وأخبره وقال له:المويضي تغني بين الرجال وهذا عيب،فأمر الامام فيصل أحد عبيده ويدعى (سلامه)
وقال له:خذ هذه العصا واضرب المويضي جزاء على الغنا بين الرجال،فذهب العبد ونفذ كلام الامام وكسر العصا على المويضي ومرضت المويضي.

وبعد أيام خرجت المويضي واثناء خروجها سمعت حمامة تغني وصوتها عذب ،فقالت أبياتاً تحذر فيها الحمامة من أن يسمعها سلامه فيكسر عظامها وتنصحها

بالذهاب الى الفرعه بوادي الدواسر ديار الوداعين الدواسر فهم من ينجون الدخيل.فقالت:

ياسعد عينك بالطرب يا حمامه= ياللي على خضر الجرايد تغنين
عزي لعينك وان درى بك سلامه= خلاك مثلي يا الحمامه تونين
كسر عظامي كسر الله عظامه= شوفي مظارب شوحطه بالحجابين
يقول انه مروحينه عمامه= الله يغرب ديرته اصفر العين
وان كان ودك بالطرب والسلامه= عليك بالفرعه ديار ((الوداعين))
تنحري ربعن تفك الجهامه =فكاكة القالات بالعسر واللين
دخيلهم ما احدٍ على الحق ظامه= ولو هو فقير الحال ما يلحقه دين

قصيدة خادمة تكشف خيانة زوجة

كان عند أحد رجال الباديه خادمه ولها طفل صغير ؛ وفي أحد الأيام عـادت
الخادمه من المرعى لغرض ما في غير موعدها ؛ فوجدت في البيت رجلاً عند
زوجة مخدومها ؛ فعادت أدراجها مسرعـة ؛ إلا أن الزوجـه اعتقـدت أن
الخادمه سوف تخبر زوجها بالأمر ؛ فلمّا عاد زوجها ألحت عليـه أن يبيـع
الخـادمـه وتحجّـجـت بـأنـهـا لـــم تـعــد تـنـفـع للـعـمـل
.
وكان أن سرى الرجل ليلاً بالخادمه ليبيعهـا صبـاح اليـوم التالـي وأبقـى
على ولدها عند زوجته ؛ والخادمه في شبه صدمه لا تعرف ما هو ذنبهـا ؟
فــلــمّــا رأت الـــبـــرق اهــتــاضــت وقـــالـــت
.
.

كريم يا بـرقٍ عقبنـا علـى اهلنـا=جعلـه علـى دار الغريـر يـلـوح
لا عـوّد الله نكستـي مـن رعيْتـي=يومٍ نكسـت ابغـي غـدا وصبـوح
ما يستوي طفلين .. طفلٍ على امّـه=وطفـلٍ يعاجـي مـا بقـالـه روح
وما يستوي غرسين .. غرس مهمّل=وغرسٍ علـى عيـدٍ ومـاه يفـوح
ولا يستوي رجلين .. رجل على الشقا=ورجلٍ على جـال الفـراش سـدوح
يا ويلنا مـن طبّـة السـوق باكـر=هـذا يساومـنـي وذاك يــروح

.
.
ففهم الرجل ما كانت تقصده الخادمه ؛ فرجع بهـا وتركهـا عنـد راحلتـه
وتسلل الى بيته فشاهد رجلاً في الفراش مع زوجته كمـا أشـارت الخادمـه
في قصيدتها ؛ فقتل الرجل ووضعه في صندوق من ضمـن عفـش زوجتـه
وقد طلّقها وأرجعها الى بيت أهلها ؛ فسألها أهلهـا عـن هـذا الصنـدوق
فقالت من هول المصيبه : هذا حشية عريعر ؛ فصارت الكلمـه مثـلاً عنـد
الناس ؛ فلمّا تبيّن لأهلها خيانتها ربطوها بيـن جمليـن فراحـت نصفيـن



قصة محسن الهزاني مع مبسم هيا
.
كان لرجل من أهل ( الحريق ) بلدة الشاعر محسن الهزاني .. فتاة رائعـة
الجمال تسمى ( هيا ) ومن حرصه عليها بنى لها قصـراً عاليـاً تسكنـه
وحدها ولا يدخل عليها الا خادمتها وامرأه تمشطها كل اسبوع ؛ وسمـع
محسن بهذه الفتاة ؛ واحتال للوصول اليها ؛ وفي احدى جولاتـه أمـام
القصر وجد أن القصر له منفذ صغير يدخل منه الماء الذي يصب من ساقيه
على بئر قريبه ؛ فلم يجد بدًّا من النزول الى البئر وصار يتعلـق بحبـال
البئر حتى دخل الى القصر وكان له ما أراد ولم يعلم أحد بما جـرى منـه
وجلس هناك ثلاث أيام ؛ وفي اليوم الرابع وبينما هو في غرفـة الفتـاة
سمع صوت أقدام فاختبأ وكان القادم هي ماشطة ( هيا ) جـاءت لتمشـط
شعرهـا ؛ فصـارت تمشطهـا ومحـسـن مختـبـأ وهــي تغـنّـي
.
.

أصفر مع اصفر ليت محسـن يشوفـه=توّه على حد الغرض مـا بعـد لمـس

فـلـمــا سـمـعـهــا مـحــســن أطـــــل وقـــــال
.
.

أربع ليـال ومرقـدي وسـط جوفـه=البارحه واليوم وامـس وقبـل أمـس

.
.
وهرب بعدما افتضح أمره ؛ وكان رفاقه في مجلسٍ يجتمعون فيه عـادة ؛
وكانوا قد افتقدوه لاربعة أيام فمـا أحسّـوا بـه الا وهـو قـادم اليهـم
فسألوه عن غيابه فلم يجبهم ؛ فتحيّالوا لمعرفـة سـرّه بـأن أوعـزوا
لأحدهم أن يذكر عنده ( هيـا ) فلمّـا لمـح البـرق ؛ قـال أحدهـم أن
هـذا البـرق يشبـه مبـسـم هـيـا ؛ فانـدفـع محـسـن يـقـول
.
.

قالـوا كـذا مبسـم هيـا قلـت لا لا=بين البروق وبين مبسم هيـا فـرق
ويالله بـنـوٍ مـدلـهـم الـخـيـالا=طافح ربابه مثل شـرد المهـا الـزرق
لا جـا علـى البكريـن بنـا الحـلالا=ولاعاد لا يفصل رعدهـا عـن البـرق
يسقي غروسٍ عقـب ماهـي همـالا=وحط ( الحريق ) ديار الاجواد له طرق
يسقـي نعـامٍ ثـم يمـلا الهـيـالا=ويصبح حمامه ساجعٍ يلعب الـورق
جرّيت انـا صـوت الهـوى باحتمـالا=بي وسط بستانٍ سقـاه اربـعٍ فـرق
طبّيـت مـع فـرعٍ جديـد الحبـالا=وظهرت مع فرعٍ تناوح بـه الـورق
روشن ( هيا ) لـه فرجتيـنٍ شمـالا=وبابٍ على القبله وبابٍ علـى الشـرق
وضحكة ( هيا ) له بالظـلام اشتعـالا=ما بين ضحكتها ونـور القمـر فـرق
بـرقٍ تـلالا بأمـر عـز الـجـلالا=واثره جبين صويحبي واحسبـه بـرق
يا شبه صفـراً طـار عنهـا الجـلالا=طويلة السمحوق تنـزح عـن الـدرق
له ربعه احلـى مـن حليـب الجـزالا=واحلى من السكر الى جا من الشـرق
حنّيـت انـا حنّـة هزيـل الجـمـالا=ينقض ردي الخيـل كدحسـة الفـرق
ويـا قلّـةٍ بـي عالـيـات الجـبـالا=ماها قراح مير مـن دونهـا غـرق
مـا عـاد للصبيـان فيهـا احتمـالا=من كود مرقاها يديهم لهـا طـرق
قالوا تتوب مـن الهـوى قلـت لا لا=الا ان تتوب رماح علوى عن الـزرق
قالوا تتوب مـن الهـوى قلـت لالا=الا ان يتوبون الحناشل عـن السـرق
قالوا تتـوب عـن الهـوى قلـت لالا=الا ان تتوب الشمس عن مطلع الشرق

قصة طير شلوى المثل الذي ذاع صيته

ثـلاثـة اطـفـال كبيـرهـم عـمـره ثــلاث سـنـوات والاصـغـر تـحـت السنـتـيـن
توفـي والدهـم ( عجـرش ) وبعـده بسـتـة اشـهـر توفـيـت والدتـهـم فـلـم يبـقـى
لـهـم الا جدتـهـم مــن ابيـهـم وتـدعـى شـلـوى ونـظـرا لضـيـق ذات الـيــد
اصبـحـت هــذه العـجـوز تــدور وســط البـيـوت تـطـلـب اكـــل لـلاطـفـال
. فصارت ومن باب الاستلطاف تقول ماعندكم عشى او غدا لطويراتي تقصد بذلك الاطفال الثلاثة
.
شاع خبرها بين الناس وعلم الشيخ عبد الكريم الجربا الملقـب ب( السمـن العرابـي ) لكرمـه
علـم بقصـة هـذه العجـوز وأحفادهـا الثلاثـه فأمـر ان ينقـل بيتهـا الـى جـوار بيـتـه
ومنـذ ان انتقلـت تلـك العائلـة الفقيـرة إلـى جـوار الشـيـخ عـبـد الكـريـم أصـبـح
يتفقـد احوالهـم وكأنهـم أهـل ُ لـه ومـن ذلـك انـه قبـل ان يقـدم الغـداء او العـشـاء
لضيوفـه كـان يقـول لاتنسـون طيـور شلـوى وكـان يشـرف هـو بنفسـه علـى ذلـك
.
ومع الايام كبر الاطفال الثلاثة وهم شويش وعدامه وهيشان...واصبحوا رجالا يستطيعون القتـال
ونظـرا لارتبـاط الحـلال بالربيـع رحـل الجـربـا وجماعـتـه الــى مـكـان بالـقـرب
مـن الحـدود السوريـة حيـث مكـان الربيـع والمـاء وهـنـا كــان تـواجـد للـدولـة
العثمانية الاتراك..وايضـا قبيلـة اخـرى ( تقطـن هـذا المكـان) وكـان الجربـا وجماعتـه
قليلـي العـدد مقارنـة بكثافـة تواجـد الاتـراك وايـضـا عــدد افــراد تـلـك القبيـلـة
.
هنـا طمـعـت تـلـك القبيـلـة وايـضـا الـوالـي التـركـي بقبيـلـة شـمـر بقـيـادة
الجربا..فارسـل الاتـراك مرسـال الـى الجربـا يطلـبـون ودي ( مـثـل الضريـبـة الان)؟
اجـتـمـع الـجـربـا وافـــراد قـبـيـلـة شــمــر لـلـتـشـاور ...ونــظــرا
لقلتـهـم ايـضـا وجـودهـم المـؤقـت وافــق الجـربـا عـلــى دفـــع الـــودي
.
وبعد مدة بسيطة طُلـب مـن الجربـا ان يكـون الـودي مطبـوق ( مضاعـف) وهنـا ايضـا
وافــق الجـربـا وبـعـد مــدة اي حـوالـي اسبوعـيـن اقـبـل فـرسـان الاتـــراك
ومن الجهة الاخرى فرسان القبيلة المواليـة للاتـراك وهنـا ارسـل الاتـراك مرسـال للجربـا
وطلب من الجربا ان يعطونهم خاكور..باللهجة التركية لم يعرفـوا معنـى خاكـور وقـال مـاذا
تقصدون بالخاكور؟؟؟ وقال المرسال اي نساء من حريم شمر لجيـش الاتـراك لغـرض المتعـة
.
هنـا تدخـل شايـب مـن شيبـان شمر...وانشـد قائـلا.. وكــان فــي مـكـان بعـيـد
عنـه قبـور يستطيـع الجميـع مـن رؤيتهـا وهـم فـي مجلـس الجربـا. انـشـد قـائـلا
.
.

هنـيكـم ياساكنيـن تحـت قــاع=مامركـم وديٍ تقـفـاه خـاكـور
هنيـكـم مُتـم بحشمـة وبــزاع=ومامـن عديـم ينغـز الـثـور؟

.

كان يُقال ان الدنيا علـى قـرن ثـور متـى ماتحـرك الثـور قامـت القيامـة ... وهنـا اراد
الشاعر في شطر البيت الثانـي ان يشعـر الموجوديـن ان المـوت أهـون مـن هـذا الطلـب
وما ان قال :مامن عديم ينغز الثور ؟ الا نقز شويش العجرش وقال ( انـا وانـا طيـر شلـوى)؟
اخـذ الشلـفـا ورفعـهـا بالـهـواء وعـنـد سقوطـهـا ضربـهـا بسيـفـه وامتـطـى
صهوة جواده واندفع منفرداً بشجاعـة منقطعـة النظيـر علـى جيـش الاتـراك حيـث شـق
طريقا وسط جموع الخيل والطرابيش الحمر تتطاير يمنة ويسرة من ضرب شويش لرؤوس الخيالة
هنـا لحـق بـه اخـواه عـدامـة وهيـشـان العـجـرش أمــا الجـربـا ومــن مـعـه
اغـاروا علـى القبيلـة الاخـرى ..وماهـي الا ضحويـة كـان كـل شــي قــد انتـهـى
لقد تم الانتصار على الاتراك وتلـك القبيلـة وغنـم شجعـان شمـر والجربـا مغانـم وكانـت
هـذه احـد الاسبـاب فـي غنـاة الجربـا ومـن هنـا ظهـرت شجاعـة طويـرات شلـوى
الشايـب صاحـب القصيـدة لايـزال علـى مركـاه فـي مجلـس الجربـا يتفـرج علـى كـل
اللي حصل وعند انتهاء المعركه وتقابل فرسان شمر .. يباركون لبعضهم هـذا النصـر المـؤزر
قالوا : نبي اذا سال الشايب عن مـن مـات ؟ نقـول لـه : شويش..وعندمـا سـال الشايـب
قـــالـــو لــــــه شـــويــــش مـات....فــأنــشــد قـــائــــلا
.

قالو شويـش وقلـت لالا عدامـة=او زاد هيشـان زبـون الملاييـش
ماهـو ردى بمدبريـن الجهـامـة=لكن هوش شويش يالربع ماهيـش
يوم شويش حزم راسه نهار الكتامة=دبـر ظنى....وحمـر الطرابيـش
يوم شويـش مثـل يـوم القيامـة=بالله عليكـم لا تحكـون بشويـش

.
.
قــــــالـــــــو لالا نــــبـــــشـــــرك حــــــــــــــي
.
وهنا ساد الجربا وجماعته المكان واصبحـوا ياخـذون الـودي علـى مـن تبقـى مـن القـوم

مشكور اخوي بس الموضوع مكانه القصص الشعبيه

وحاول تنسى انت الاسهم وتتطلع على جميع الاقسام

يابندر ههههههههههه مشكور الله يعافيك

الرزين وش العلم ... من قصة مويضي الى قصة الجارية وعمها عيسى ومن ثم الى قصة محيسن وش في الموشر حقك ضرب ؟؟
الرزين وش العلم ...

أخي الرزين وصلت رسالتك

وأنه مامن طير طار وأرتفع إلا كما طار وقع

وأنا وأنت والكثير يشك فيما يقال في المجالس عن ماحدث لسوق الأسهم

وأن صحة هذا الكلام قليلة

أشكرك أخي الرزين والله يعطيك العافيه

ما شاء الله يا الرزين

هذه القصص من أجمل القصص الشعبية

الله يحفظك ويبارك فيك

صبحكم الله بالخير

اخوي عبدالله الشدادي ابشربالخيرياوجه الخير

اختي المستحيله ايه والله الموشرات كلهاضاربه

اخوي البرنس العفـــــــو

اخوي السلطان حفظك الله لناورعاك

كفيت ووفيت

لاخلا ولا عدم

اخوك هتان

تسلم يالرزين اتقنت واحسنت

قصص حلوة يعطيك العافية