قصيدة بعنوان ( الأصحاب ) وردها

بسم الله الرحمن الرحيم

السلام عليكم ورحمة الله وبركاتة
أعتذر من جميع أعضاء منتدى الشدادين
عن عدم تواجدي بالمنتدى لظروف خاصة

واليوم سأشارك بقصيدة بعنوان (الأصحاب)
ورد عليها الشاعر / مسلم ضعيان الحربي نأمل أن تنال أعجاب الجميع ...

***

الصحــــــبه اللي مستواها لحاجات=لو زانت الصحبــــــــه قصير(ن) مداها
ان شفتهــــــــــــا مره بتغيب مرات=مثل الحصـــــــاه اللي صعيب(ن) نداها
مبنيـــــــةٍ بالوهــم في وسط غابات=وشلون اميز وجههـــــــــــــــا من قفاها
صداقت الأهداف لحظـــه وساعات=صعب(ن) وانا ابن معيش لمت عصاها
اصحابنا الحيين من ضمن الأموات =أجبلتن من شيبها لا صبــــــــــــــــــاها
تكفى يابو ماجد ترى الـــدرب لفات = اطلع على الحــــــــــره وأذهن حصاها
أرسلت يالســامود لك عشرة أبيات=من شـــــــــــاعر(ن) كل العلوم يحزاها
حيثك من اللي يحفظون العــــلاقات = مــــــــــــــاتجهل الحجه على من قراها
وفد السعــــودي غير وفد الأمارات = جتك البـــــــــــــــداية وانتبه وش وراها
قال المثل لاتأمن الجمر بالـــــــذات = النــــــــــــار تحرق كل واط(ن) وطاها
ولمحمد المبعوث منـــــــــا صلوات = من آخــــــــــــــــــــر الكلمة اليا مبتداها

***

الشاعر / سعود معيش الشدادي

..............

رد الشاعر / مسلم الحربي

***

لاهنت ياراعـــي البيوت الجزيلات = بيوت شعرن عــــــــــــالياً مستواها
وقريت ما جـــاني وسجيت لحظات = وهاظ الفكر والناس صــعباً رضاها
ذكرتني هـــــــــاك السنين القديمات = هــــــــــاك السنين اللي زمنا طواها
يوم الزمــــــان الزين هاك السنيات=قــــــــــــــدام يظلم يالشدادي سماها
واليوم يـا ابن معيش هيهات هيهات = مافات مـــــــــــات وخلها في نحاها
لاتحسبه غــير انت شاف اختلافات= في وضع خلان الـــــرخى ومغزاها
ولا تعم خلق الله ولا تصير شمـات = ولا تشارك أهل المخطية في خطاها
أصبر ولا تشره على فـــــايتن فات = لعل نفسك يجبر الله عـــــــــــــزاها
الله ولا ياسعود بعض الصــــداقات = مع نــــــاس مقرب طيبها من رداها
صــــــــداقتن تبنا على شان غايات = عندي يقين أنـــــــــه قصيراً رشاها
ولاتغرك الضحكة وبعض الحركات = ترى العــــــــرب تبين لك من نباها
من لايحسب حسابها في البــــدايات = يصبر علـــــــــى ماجاه في منتهاها
الــــــــــــوفد له غاية وعنده مهمات = ومالي ومـــــال الخطوة اللي مشاها
وخــــــــــــتامها مني سلام وتحيات = من شــــــــــاعرٍ لا قال كلمة حماها
وصـــلو على خاتم جميع الرسالات =شفيعنا في ســـــــــاعة الحشر طاها

***

كفو والله يا شاعرنا أبو مشعل
ونعم بك وبالشاعر الحربي
ما قصرتوا والله يبيض وجيهكم
وصح ألسنتكم

ياهلا ياشاعرنا سعود وحياك الله في منتداك وبين ربعك ,,
حياك وحي ماجيت به,,
وصح الله لسانك على هالقصيده الوافيه,,
وصح الله لسان مسلم الحربي مبدع ومجاراه جزله,,
التقدير والاحترام لك وكل الشكر

هلابك
يـــ سعود
وحياك الله في منتداك
صح لسانك على هذا النص الجميل
حقيقه
اعجبني
كقافيه ومضمون ومعنى
ايضا نص يملك قوه فكريه راقيه

دمت بهذا العطاء
وصح لسانك الشاعر مسلم الحربي
ومجاراه لا تقل جمالاً عن النص الاول
دمتم
بخير

أشكر أخي السلطان و أخي فايز وأختنا شهيانه المرقاب ومن شاهد القصيده

		المشاركة الأصلية بواسطة : سعود معيش اقتباس
	بسم الله الرحمن الرحيم السلام عليكم ورحمة الله وبركاتة *** وفد السعــــودي غير وفد الأمارات = جتك البـــــــــــــــداية وانتبه وش وراها قال المثل لاتأمن الجمر بالـــــــذات = النــــــــــــار تحرق كل واط(ن) وطاها ولمحمد المبعوث منـــــــــا صلوات = من آخــــــــــــــــــــر الكلمة اليا مبتداها الشاعر / سعود معيش الشدادي ================= رد الشاعر / مسلم الحربي الــــــــــــوفد له غاية وعنده مهمات = ومالي ومـــــال الخطوة اللي مشاها وخــــــــــــتامها مني سلام وتحيات = من شــــــــــاعرٍ لا قال كلمة حماها وصـــلو على خاتم جميع الرسالات =شفيعنا في ســـــــــاعة الحشر طاها ***

صحّت السنتكم وبيّض الله وجيهكم

وبارك الله فيكم جميع

ولاهنتو

الله يبيض وجيهكم


......................................

الله ييبض وجيهكم
......................................

اشكركم على المرور واتمنا لنا ولكم التوفيق

حياك الله أخوي
صح لسانك ولاهنت
على القصيدة الجزلة والرائعة