ياقبلة العشاق

لو تاسع فجوج ربّي فِ عيوني تضيق !
................................ عيّيت لا أنسى ( هوى دآآري ) وخلانها

يا ( قبله العشق ) ياورد الشذا و الرحيق
................................ يا فخر إبيها الشجاع , وعزوة إخوانهــا

لو باعدتنا الاراضي / والمدن / والطريق
................................ تراش فِ عيوني الثنتين .. وأجفانهــا

الشوق يطفح بعيني وإن ملاها يريق
................................ ويخط سيله على خدي .. ووديانها

لاجيت أقول لش : مشتاق / ماراق ريق !
................................ تذبل حروف فالكلام .. وتدفن أشجانها !

لو سولف الحب .. عن سر الغرام العميق ؟
................................ عرفتي كيف المحبّه .. يصعب إعلانها !

لو ترتسم الابتسامه وسط قلبي حريق !
................................ أزرع بذور الغلا .. وتموت عيدانها !!

( ف ) إلى لمحتي بعيوني ياضناها بريق ؟
................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !
................................ ما خلقت اللي تساوي روحش وشانها !!

قلبي حصونه غلا ! وعيونش ( المنجنيق ) ,
................................ هديتي أسوار روحي , وكل بيبانها !

( أنيقه الذوق ) ما تستاهل الا أنيق !
................................ يفهم تعابيرها .. ويعزّ سلطانـها ,

وانتِ خلاطه حلا ( مرجان , ولول , وعتيق ) !
................................ يموت فيها الدلع .. ويبات بـ أحضانها ,

لبى معاليق صدرش كل ما اغفى وافيق !
................................ يامن يذوب الكلام فنطقه لسانها

أروح فيهآ مع الصوت الابح / الرقيق !
................................ ياكبر ذنب الشفاه ؟ .. وكبر شيطانها ,

قيد المحبّه على كف المولّع .. وثيق !
................................ وأنتي غرام الحياه , وغالي أثمانها

يَ أغلى من الدمعه إلي فِ عيون الرفيق !
................................ وأقرب من الدم , فعروقي .. وشريانها ,


انا سبحت البحر .. وإن مت ؟ موتت غريق !
................................ فـ / انا شهيد العيون السود , وأجفانهــا

ما كنّي الا ( عناد ) , إلي بـ عليآ عشيق ؟
................................ وعيوّا على مبتغاه ؟ .. إعيال عمّانها !!

حمد البريدي

الله الله عليك ياحمد

يسلم قلبك

العربيه صحيح عرفتي تختاري اسمك
شكرا على النقل وكل الذوق

ما كنّي الا ( عناد ) , إلي بـ عليآ عشيق ؟
................................ وعيوّا على مبتغاه ؟ .. إعيال عمّانها


صح لسان شاعرها
ابدااااااااااع
تشكرين على النقل
ورقي ذائقتك
دمتِ
بخير

قصيده في قمة الروعه

يسلم ذوووقك واختيارك يا ام محمد

وصح لسان شاعرها

قصيده راااااااائعه
شكرا العربيه

,
,
ربي يسلمكم ويخليكم
وشكرا لحسن تواجدكم جميعا

يسعدكم خالقي
,

قصيده رائعه

سلمت يمنناك
(تذكرت القصيده اللي بالمسن الليوم )

روعة حيل
الله يعافيك أختي ومشكورة
دمتِ..

,’

,
مزيج فديتك ..(هههههههه)

&
راوؤله ..شرفتي يالغلا
,

تسلمي والله يا أم محمد
حضور جميل ومشاركات راقية
وذوق رفيع
الله يسلم يديك