قاف ٍ يشرف شاعره

احبتي الغالين
ابو فهد سفير المفرده شاعر جزل
غني عن التعريف توجني
حرفه العذب
بإهداء هذه القصيده
التي تستحق الاشاده والاحتفاء
ورديت عليها
يقول صح لسانه

		المشاركة الأصلية بواسطة : سفير وشاعر اقتباس
	يامشيد الكلمه بحرف وحرفين=الكلمه الكلمه والاحساس الاحساس تكاملت مابين قاف وقافين=حس يزور القلب ويكيف الراس ما الوم لا جوك الطوابير لافين=والشهم معتاد على مدهل الناس وش سعد بن جدلان وش تركي الفين=تركي ولد دابان قدره على الراس ياراعي الوقفه وياعلمك الزين=شرواك متشرب قرامه ونوماس لله درك ما غوينا العناوين=للناس خبن وللرياجيل مقياس تبقى حلال العز مثل النياشين=القصر عالي والعواميد بالساس نعمين ياربعي على الراس والعين=وسلام مني كل ماهب نسناس ومن لامني في حبكم يالشدادين=عساه يشكي الغب في بعض الاطعاس الين يتحسف على فاله الشين=يبطي ولازالت شفاياه يباس

هذا ردي
واتمنى ان ينال
إعجابه واستحسانكم

اعداد من زار المشاعر ملبين =يامرحبا ترحيبة ٍ تشفي الباس
ترحيب مشتاق ٍ فرح له بغالين=جوله عقب ساوا الرجا فيهم الياس
في خط نسل مرجحين الموازين=في ساحة الهيجا على قب الافراس
قاف ٍ يشرف شاعره فالميادين‏=صبة ذهب صافي ماهو معدن نحاس
يقطف حروفه من ورود ورياحين =في روضة ٍ ماداجها غير عساس
شعر ٍ يسجل بالذهب فالدواوين=وفالذاكره تنقش حروفه بالالماس
ابدع بنقوة درها والمظامين =في غبة من دونها الموج حراس
سفير جزل القاف زبن المجنين=ابو فهد عز الخوي عذب الاحساس
الموهبه من خالق آدم من الطين=حرف ٍ يدونه القلم فوق قرطاس
عقود منظومه بذوق وقوانين=انغامها على الوتر مثل الاجراس
فن وعلى مر العصور إله هاوين= وعشاق مختلفين فااعراق واجناس
لازال كن اهله الى اليوم حيين=مااختل صرحه لجل بنيه على ساس
مثل الامانه في يدين الموامين=مابانت حروفه من الوقت دراس

حياك الله ياتركي
صحت الالسنه وتعافت الابدنه
صوت وصدى مميزين جدأ
ويستاهل سفير الشعر
ولكم اعذب التحايا

		المشاركة الأصلية بواسطة : الـشـيـخ اقتباس
	حياك الله ياتركي صحت الالسنه وتعافت الابدنه صوت وصدى مميزين جدأ ويستاهل سفير الشعر ولكم اعذب التحايا

الله يبقيك ويطول بعمرك
اخوي بدر وصح بدنك يالغالي
شرفني مرورك العذب
لاعدمتك

.


















حيَّاكْ الله يَ الشَداديْ تُركيَّْ وَ أَهلاً وَ مرحباً بِعوُدة قافكْ منْ جديِد
صَّح الله البوُح وَ سَلِمْ البنَانْ جزائِلُ منْ عُمقْ المعانيْ تُوُجَّتْ
بِها الفَاخِرَّة أعلاهـ طِبتْ بخيِر وَ لا هِنتْ وَ يستَاهلْ
السفيِر كِل الطيِبْ ’

# إِعتلاءْ لـ/ الثُريَّا + وَشَّمْ التميَّز

ارحب تراحيب المطر يا أبو لمى
والله يحييك اليوم ودوم
لا هنت يا بعدي وصح لسانك ملايين
ما قصرت ووجهك أبيض يا شاعرنا
وابو فهد يستاهل كل خير

اخي العزيز
تركي الشدادي
لاهنت ولاهان غاليك وبيض الله وجهك ووجيه ربعك
ولك دعوه صادقه من القلب
على مواقفك المشرفه
وانت راعي الاوله
بارك الله فيك
لاخلا ولاعدم

يتبع

		المشاركة الأصلية بواسطة : تركي الشدادي اقتباس
	احبتي الغالين ابو فهد سفير المفرده شاعر جزل غني عن التعريف توجني حرفه العذب بإهداء هذه القصيده التي تستحق الاشاده والاحتفاء ورديت عليها هذا ردي واتمنى ان ينال إعجابه واستحسانكم عداد من زار المشاعر ملبين =يامرحبا من هاجس ٍ يشفي الباس ترحيب مشتاق ٍ فرح له بغالين=جوله عقب ساوا الرجا فيهم الياس في خط نسل مرجحين الموازين=في ساحة الهيجا على قب الافراس قاف ٍ يشرف شاعره فالميادين‏=صبة ذهب صافي ماهو معدن نحاس يقطف حروفه من ورود ورياحين =في روضة ٍ ماداجها غير عساس شعر ٍ يسجل بالذهب فالدواوين=وفالذاكره تنقش حروفه بالالماس ابدع بنقوة درها والمظامين =في غبة من دونها الموج حراس سفير جزل القاف زبن المجنين=ابو فهد عز الخوي عذب الاحساس الموهبه من خالق آدم من الطين=حرف ٍ يدونه القلم فوق قرطاس عقود منظومه بذوق وقوانين=انغامها على الوتر مثل الاجراس فن وعلى مر العصور إله هاوين= وعشاق مختلفين فااعراق واجناس لازال كن اهله الى اليوم حيين=مااختل صرحه لجل بنيه على ساس مثل الامانه في يدين الموامين=مابانت حروفه من الوقت دراس

اخي العزيز
تركي الشدادي
لاهنت ولاهان غاليك وبيض الله وجهك ووجيه ربعك
شيدتها كعادتك حتى زارت القلب وكيفت الراس
وفقك الله لكل خير ونصرك على من عاداك
وزادك خير على خير يالنشمي
انااشهد كفيت ووفيت
لاهنت ولاعدمناك
تحياتي
لك

صح لسانك
وعلا شانك
ولاهنت شاعرنا
على القصيدة الجزلة

شاعرنا تركي انا ماشوف الا قصيدة سفيروشاعر



ردك وينه ؟!!!!

		المشاركة الأصلية بواسطة : ! سارة الغيد ! اقتباس
	. حيَّاكْ الله يَ الشَداديْ تُركيَّْ وَ أَهلاً وَ مرحباً بِعوُدة قافكْ منْ جديِد صَّح الله البوُح وَ سَلِمْ البنَانْ جزائِلُ منْ عُمقْ المعانيْ تُوُجَّتْ بِها الفَاخِرَّة أعلاهـ طِبتْ بخيِر وَ لا هِنتْ وَ يستَاهلْ السفيِر كِل الطيِبْ ’ # إِعتلاءْ لـ/ الثُريَّا + وَشَّمْ التميَّز

مرحبا ساره
صح بدنك لاهنتي على
هذا الاطراء الرائع
بالتميز