قصيدتي للشيخ سلطان بن خليل بن قرمله بمناسبة مزاين قحطان

بسم الله الرحمن الرحيم


السلام عليكم ورحمة الله وبركاته


هذه أحدى قصائدي إهداء للشيخ/ سلطان بن خليل آل قرمله شيخ كافة قحطان


بمناسبة مزاين قحطان ...

سلام ياسلطان ياشيخ قحطان=سلام تسليم بلياء حدودي

سلام يافرز الوغاء عالي الشأن=عقيد قومٍ معربين الجدودي

في حاضر الدنيا وفي ماضي الأزمان=ترقى بكم خيل المكارم سنودي

سلطان لاعدّو هل الطيب سلطان=ليث العرين اللي يقود الأسودي

ابن خليل الصيرمي طير حوران=يروي بفعله ضاميات الكبودي

من روس شيخان هل سنان وعنان=يروون من حد القناء كل عودي

وليا قنو يقنون غالية الأثمان=وليا عطوا محدٍ عليهم يزودي

لأفعالكم في صفحة المجد عنوان=والله يشهد والخلايق شهودي

يوم أتذكر وأتفكّر بما كان=فالعصر الأول قبل حكم السعودي

تدفعلكم الجزيه على كل الأوطان=والعود في عين العدو والحسودي

والسفن ترسي بك على بر الأمان=وتفخر بأبن هادي وفيّ العهودي

واليوم صرت لمركب المجد ربّان=ماغيرك أحدٍ للسفينه يقودي

الشاعر: ممدوح بن بنيدر الشدادي

والله ونعم في قبيلة قحطان

أهل الطيب ويستاهلون الطيب

وصح لسانك أخوي ابو بنيدر

قصيدة جزلة لاهنت

والله ونعم
في قبيلة قحطان
أهل الطيب ويستاهلون الطيب

وصح لسانك
أخوي
ممدوح

قصيدة جزلة لاهنت

ونعم يا مممدوح


وصح إلسانك وكفو في قحطان كلهم

طيب وتقول كل طيب ..

دمت بود

يا هلا والله ومليار مرحبا بشاعرنا أبو بنيدر
والله يحييك تحية المطر
نرحب بك بيننا أجمل ترحيب
ونقول المنتدى منور بطلتك يا شاعرنا
وقحطان وشيخها يستاهلون كل خير
وترفع لهم بيض الرايات
لا هنت يا الذيب وفي انتظار قادمك وجديدك

		المشاركة الأصلية بواسطة : شــاهر اقتباس
	والله ونعم في قبيلة قحطان أهل الطيب ويستاهلون الطيب وصح لسانك أخوي ابو بنيدر قصيدة جزلة لاهنت

صح بدنك أخوي شاهر

وماعليك زود

		المشاركة الأصلية بواسطة : ابن جربان اقتباس
	والله ونعم في قبيلة قحطان أهل الطيب ويستاهلون الطيب وصح لسانك أخوي ممدوح قصيدة جزلة لاهنت

صح بدنك يابو يزيد

وماعليك زود

		المشاركة الأصلية بواسطة : بندر النايف اقتباس
	ونعم يا مممدوح وصح إلسانك وكفو في قحطان كلهم طيب وتقول كل طيب .. دمت بود

صح بدنك أخوي بندر

وماعليك زود

صح لسانك ويستاهلون قحطان والطيبين في جميع القبائل

ويستاهلون أكثر

		المشاركة الأصلية بواسطة : السلطان اقتباس
	يا هلا والله ومليار مرحبا بشاعرنا أبو بنيدر والله يحييك تحية المطر نرحب بك بيننا أجمل ترحيب ونقول المنتدى منور بطلتك يا شاعرنا وقحطان وشيخها يستاهلون كل خير وترفع لهم بيض الرايات لا هنت يا الذيب وفي انتظار قادمك وجديدك

هلا بك أخوي سلطان

والبقا طال عمرك

والمنتدى منور بمثلك وشرواك