الحب ماهو حب

بسم الله الرحمن الرحيم

اطرح لكم اعضاء منتدانا الاعزاء هذه الابيات واتمنى ان تنول اعجابك

الحب ماهو حب عشق المواليف

اللي يبادلها الوليف الوليفه=

الحب حب الطيبين الشواحيف

حلوين الانباء والقلوب النظيفه=

امقلطت حيل الشحم وشقر الكيف

والعود الازرق دايلن عقب كيفه=

خوة رجالً لامغشه ولازيف

ماهي على نول المصالح عسيفه=

وهم بالغلا الصادق دراه وعواريف

حداننا من قبل عرف الوظيفه=

اليا لحقني من زماني تكاليف

وذكرتهم هانت علي الكليفه=

اعاند اظروف اليال المراديف

بخوة بقومً بخويها مريفه=

قلته وانا من صاملين المواقيف

من روس بالحارث ملاذ المخيفه=

اللي لاجاء فالجو عج وعواصيف

مثل الجبال الشمخات المنيفه=

امرويت حدب السيوف المراهيف

اعزاز الانفس مكرمت من تضيفه=

يا هلا والله بشاعرنا المبدع والمتميز
بعيد المدى
والله يحييك ويبارك فيك
وصح لسانك ملايين

صح لسانك شاعرنا
ننتظر جديدك



تحيااااتي

أبيات فيها من الحكمه الكثير


صح لسانك ياخوي ولاهنت والله عالقصيده الرائعه

اليا لحقني من زماني تكاليف
وذكرتهم هانت على الكليفه
لله درك يابعيد المدي يامبدع على كل حرف من حروف هالقصيده الراقيه والجزله ابدعت وابدعت وابدعت وبعد قليله في حقك ونعم فيك ونعم بالبقوم سهوم المنايا وانا اشهد انهم من القبايل اللى تعز الخوى وسلمت وسلم راسك يامبدع
تقبل تحياتي,,

		المشاركة الأصلية بواسطة : السلطان اقتباس
	يا هلا والله بشاعرنا المبدع والمتميز بعيد المدى والله يحييك ويبارك فيك وصح لسانك ملايين

هلابك ابوعبدالله والله يبقيك
وصح بدنك ملايين
ولاهنت

		المشاركة الأصلية بواسطة : كيان إنسانة اقتباس
	صح لسانك شاعرنا ننتظر جديدك تحيااااتي

هلابك كيان انسانه
وصح بدنك ولاهنتي على مرورك

		المشاركة الأصلية بواسطة : سديم الشدادي اقتباس
	أبيات فيها من الحكمه الكثير صح لسانك ياخوي ولاهنت والله عالقصيده الرائعه

ياهلابك سديم ويسعدني مرورك

وصح بدنك

		المشاركة الأصلية بواسطة : فهد بن رزيق اقتباس
	اليا لحقني من زماني تكاليف وذكرتهم هانت على الكليفه لله درك يابعيد المدي يامبدع على كل حرف من حروف هالقصيده الراقيه والجزله ابدعت وابدعت وابدعت وبعد قليله في حقك ونعم فيك ونعم بالبقوم سهوم المنايا وانا اشهد انهم من القبايل اللى تعز الخوى وسلمت وسلم راسك يامبدع تقبل تحياتي,,

مرحبا يابو رزيق ويكفيني من الشعر تواجد اسمك وكل طيب مثلك وشرواك
يساهل الثناء وماعليك زود
ولاهنت

صح السانك ابيات جميله جدأ
تحياتي لك