مابيني وبينك تحاسيب...الرد على فواز موبص

اسعد الله أوقاتكم
خصني الشعر فوازموبص بالقصيدة التاليه..
وهي موجودة على هذا الرابط:

http://www.shdadeen.com/vbq/showthread.php?t=16230

سلام يارع الوفا والمواجيب=سلام ياراسٍ عن الروس طايل
أعداد وبال السحاب المصابيب=اليا أنتثر من صادقات المخايل
من بعدها بأشرح لك العلم ياذيب=وابا أكتبه لك وارسله بالرسايل
أخذت من وقتي دروس وتجاريب=مرات أعدل الوضع ومرار مايل
لاكن بليت بلازمٍ سهل وصعيب=وأخاف من هرجة كثير النقايل
يصعب على اللي مايعرف المطاليب=ويسهل على اللي ودهم بالجمايل
ولا ل الحمول الا الجمال الأصاعيب=ولايفزعون الا كرام السلايل
وأنا نصيتك ياملاذ المعاطيب=من بعد ماضاقت على الوسايل
فأنكان تقدر لازمي فالك الطيب=وإن كان ماتقدر فدتك القبايل

وهذا ردي على ابو موبص.....انشاء الله يعجبكم ويرضيه

يامرحبا ترحيب يقفاه ترحيب=يقفاه من جودات الأجواد حايل
تقدير للي رتب القاف ترتيب=ورفع مقام البيت عن قول قايل
شاعر ولد شاعر معاني واساليب=ماهو قصيد مضيعين الدلايل
درعي ليا دارت علىّ الدواليب=وعضده ليا ثقلت عليه العدايل
ما اصد عنه ليا بدا علم وأغيب=والا.. بكني ناقضات الجدايل
فواز .. والله لو افرّغ لك الجيب=ماطلت قدرك ياعريب الأصايل
في لازمك نسوق حرش العراقيب=قول فعل ما أردها للفشايل
أضحك وقزرها مزوح وتعاجيب=ليلتك قمرا لاتشب الفتايل
لاشك مابيني وبينك تحاسيب= على الثقه والصدق والشك زايل

صح لسان فواز

وصح لسانك يابو طارق وبيض

الله وجيهكم جميع ولاهنتو

صح السنتكم وبيض الله وجيهكم
وننتظر الجديد ياسعود

فواز .. والله لو افرّغ لك الجيب=ماطلت قدرك ياعريب الأصايل
في لازمك نسوق حرش العراقيب=قول فعل ما أردهـا للفشايـل

بيض الله وجهك يا أبو عبدالعزيز أنت وفواز

يعجبني في شعركم قوته وجزالته حتى لو كان على البحر القصير

لا هنت ولا هان الذيب فواز والله يجعلكم على القوة دوم.

أضحك وقزرها مزوح وتعاجيب=ليلتك قمرا لاتشـب الفتايـل

اسلم يا سعود ....

ابداع متواصل يا سعود ... الله يكفيك عيني بس


يامال السلامه يا بوطارق .... وعافاك الله

درعي ليا دارت علىّ الدواليب=وعضده ليا ثقلت عليه العدايل
ما اصد عنه ليا بدا علم وأغيب=والا.. بكني ناقضات الجدايل
فواز .. والله لو افرّغ لك الجيب=ماطلت قدرك ياعريب الأصايل
في لازمك نسوق حرش العراقيب=قول وفعل ما أردها للفشايل
أضحك وقزرها مزوح وتعاجيب=ليلتك قمرا لاتشب الفتايل
لاشك مابيني وبينك تحاسيب= على الثقه والصدق والشك زايل



ابو طارق صح لساااااااااانك ملايييييييين
وصح لسان الشاعر فواز
القصيدتين غايه في الروعه
لاهنت شاعر كبير يا بو طارق
تحياتي

كل القصيدتين روووووعه بسم الله ماشاء الله عليكم

وصحت ألسنتكم ..

		المشاركة الأصلية بواسطة : عبدالله الشدادي اقتباس
	صح لسان فواز وصح لسانك يابو طارق وبيض الله وجيهكم جميع ولاهنتو

عبد الله الشدادي...صحت ابدانك

ولاهنت.....................
تحياتي

ردود كافي ووافي صح لسانك

صح لسانك يابو عبدالعزيز

قصيدة جميله من الشاعر فواز

وردود ..ولا أروع ...

بيض الله وجهك وصح لسانك

ياشاعر المنتدى

تحياتي